يومي اليوم http://forums.banatmisr.com/imgcache...b37a4fced7f664 النهاردة كنت معزومة ع فنجان قهوة عند جارتي وصحبتي غادة ام وليد ابنها غلس اوي بس صغنن حرام عليا بس بجد في اطفال غلسة او باردة حاجة كدا تحسو جرافكس الولد دا يارب سامحني جنب ان ابنها الي كنت حاضرة ولادته والمفروض يحبني يعني بس مبيحبنيش كل ميشوفني يقعد باصللي من بعيد ويرمي عليا اي حاجة او يشد شعري او يضربني واقول طفل حرام عليا حتى ازعقلو ولما غادة تزعقلو اقولها لالا سيبيه متعمليش كدا بس جوايا اقول نفسي اخبطو بالي خبطني بيه عشان يحس بيها بتوجع بجد ولا هزار النهاردة بقا كان نايم وصحي ع صوتي وانا بضحك معاها في المطبخ اول حاجة عملها البصة المتأنية وبعدها جري يجيب لعبة باباه جيبهالو انا مشفتهاش وبدل ميدهالي اشوفها في ايدي رماها عليا خبطتني حتة خبطة في مناخيري لغاية دلوقتي حاسة اني مش مركزة والقهوة مع الاسف جت بعد الخبطة دمرلي اليوم كله لا اني شربتها في بيتنا برواقة ولا اني عرفت طعمها ايه عند غادة بس غالبا زي كل مرة مغلية اوي وقاطعة النفس وسكرها كتير واجاملها واخد بوق وتبرد وادلقها واتحجج انها بردت لغاية دلوقتي مش عارفة ليه بستحمل قهوة غادة؟ يمكن عشان بحب القعدة معاها اكتر من اني اشرب قهوة بس يوم مخبوط في مناخيرو صباح الخير |
هههههههههههههههههههههههههههههه |
ههههه صباح الفل ع قلبك حبيبتئ كل اﻹطفال كده. ببرآئتهم وشقاوتهم بيزينوآا أيامنآا نايسس فضفضه تسسلمئ ي جميلةه |
ههههههههههههههه عشان كدا انا مش بحب الاطفال خالص فضفضه جميله تحيااتي |
اقتباس:
تدووم الضحكة يارب |
اقتباس:
منوراني ياعسل |
اقتباس:
منوراني ياعسل |
هههههههههههههههههههههه ذكرتيني باابن المدير حقي طبعا مديري محترم جدا وقصتي معاه قصه واعتبره ابويا حتى انه لما ينقطع عني فتره بسفر شغل برى اروح استقبله للمطار ومن احترامي له ابوسه براسه وكل خميس نلعب كوره سوى النهم عنده ابن وحيد وثقيل دم ورزيل كل ماابوه يجيني المكتب يجيبه معاه ونقعد نتكلم بشغل والولد عنده تسع سنين يخش بنص ويعمل نفسه مدير وانا انغاض من جواتي لين الاسبوع الي فات جا هو وابوه للمكتب وانا فاتح الفيس بوك من جهاز الشركه وهو ممنوع فنسيت الصفحه مفتوحه وابن العبيطه كلم ابوه وابوه اتغاضي شعلل ناري لين قبل ثلاث ايام ابوه سافر وقلي اكون اوصله النادي واتكفل بتوصيله ربيته حته تربيه لو تئخر دقبقه اسيبه وامشي ولو فتح فمه بفلسفه اشهط فيه شفيت غليلي منه هههههههههههههههههه |
ههههه هما ف عيال كدة رخمه و عنيفه بس برضوا بحبهم جداااا كمان استحملى بقى اهو ابن صحبتك بقى يعنى اكيد مش قهوتها و ابنها عليكىo_o فضفضه جميله و يوم جاامد>"< |
اقتباس:
انا وليد 3 سنوات ولسة يادوب داخلها العبيط التاني بس سكرة كدا والله بس مش عارفة ليه بيعمل معايا كدا معظمهم قالو ممكن بيحبك بس بيعبر بطريقة عفشة وانا اقول ممكن ههههه نورتني وضحكتني والله |
الساعة الآن 08:31 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب