|
رجل له ماضي http://forums.banatmisr.com/imgcache...442alsh3er.jpg مفيش راجل ولا امراة بلا ماضي حتى لو كان الماضي دا حاجات لا تذكر او مفيهاش قصص نرويها لحد في حياتنا لكن الماضي دايما في العلاقات مهم اوي نعرفو ليه ؟ عشان سبب واحد اجتمع عليه الجنسين ( مبنحبش المفاجاءات وحد يظهر فاجاة ويبوظ حياتنا ومن باب العلم بالشيء ) في جملة مشهورة دايما تتقال ( الي مالوش ماضي مالوش حاضر) دا يعني ان كل ماضي بيترص جنب الحاضر الي بعد شوية بيصبح ماضي المراة بتسامح الراجل في ذكريات ماضيه بس مبتنساش ولا حرف في كل جملة بيقولها وحتى الاسماء لو الماضي دا فيه بنات بتركز معاه اوي في الاسماء وتحفظهم عن ظهر قلب ولو اسم عجبو وحب في يوم يسمي بنته باسم من الي كان يعرفهم يبدا الوش التاني يظهر وتبدا المعركة تلات ترباع الرجالة بتمر في حياتهم اكتر من وحدة واحيانا وحدة وتكون هي الاولى والاخيرة من المجموعة والراجل مبينساش حبه الاول ابدا بيتناسى وبيكمل حياته ويتجوز ويخلف بس لو ظهر الحب القديم ممكن جدا يروح ليه ويضحي بكل حاجة عشانه وممكن يكتفي بالحياة الي هو فيها ويكمل طريقه بس جواه تعب شايله لوحدو الحب الاول للراجل هو حبه الاخير مهما عدى عليه من بنات او اتجوز وحب مراته بس الحل الاول دا حاجة تانية عاملة زي المسمار الي في الحيطة مهما علقت عليه صور بيفضل مكانه ولو خرج من مكانه ساب اثر ماضي الرجل عامل زي السجادة القديمة الغالية نغسلها ونرجعها ولو قدمت نشيلها ونحتفظ بيها بيجي وقت تتفرش من المراة ليه وقت اللزوم في رجالة بيستمر عندو الي فات مع الجاي ويلضمهم زي العقد ببعض وفي رجالة الماضي دا اندفن وانتهى ولو ظهر مفيش مشكلة شوية عك وفي رجالة بتدفنو وتنسى دفنته فين وتعيش حياتها بعيد عنه وتقفل عليه خالص المراة بقا بتصر اصرار ملح انها تعرف ماضي الراجل ولو قلها مفيش في ستات تفتش وراه وتطلع الماضي وفي ستات لا بتسكت وتترقب الماضي يظهر لوحدو وفي ستات تصدق وتقفل وتقولك مهدمش بيتي بافكار ممكن تتعبني وفي ستات لايمكن تسامح في كلمة من الماضي قلها وعلى طول هيكون في بالها ومع اي خناقة تفرشلو السجادة حياة بلا ماضي مستحيل لكن في ماضي يشرف وماضي مينفعش يتحكي والي مينفعش يتحكي يفضل ان الستات تبعد عن المنطقة دي لانها مهما سمعت عمرها مهتنسى / رؤية تحياتي للجميع بيوم حلو |
طيب والى عاش حياتة من غير ولا واحدة دة برضة لية ماضى ولا الماضى على الكل التجارب ايمى بتختلف فى كل مرحلة عمرية وثبات المشاعر وتغيرها هو بيكون سبب رئيسى فى تعدد المشاعر قبل ما يوصل لمرحلة النضج والثبات رؤية جميلة ايمى |
اقتباس:
الي مالوش ماضي او وحدة دا من الربع القليق المنقرض هههههه اكيد تختلف فعلا حسب العمر والزمن منورني امجد |
تعريفات عن الرجل كتير حلووه ايميليا بس ف نقطه ان الرجل حبه الاول موش ينساه متهيالي دي اكتر في النساء موش ف الرجال :33: وصووح ان بعض النساء حتي لو موش له ماضي ممكن تفتش وتفتش لحد ماتطلع لابوه نفسوو ماضي :24: ان كيدهن عظيم :102: وبردو كون المراه موش بتنسي اسامي اي واحده عرفها من تحب دي صووح / عقلها بيكون دفتر ومهما مر الوقت باي مناسبه تقول موش دي كذا او دا موقف كذا يحني موش بتنسي اي شي يخصه / لما بتكون بتحبه حقيقي وجمال وذكاء المراه انها موش تواجهه بكل موقف اجمل شي انها تتروي وتهدي مع نفسها يمكن تطنش وحتي ل واجهته وقتها هتكون نفستها اريح شوي ومش هيحصل وقتها تعصب او مشكله طرح راقي ومميز ايميليا دمتي متالقهـ وتستاهلي فاايف ستاارز وتثبيت الموضوع مده اسبوع ومنح وسام الموضوع المميز |
اقتباس:
تصدق ياماجد الست بتحاول احيانا تمسك نفسها بس في تصرفات من الراجل تخليها يطلعلها قرون بسببه الرجالة من وجهة نزري عايزين مراقبة زي المدرسة كدا طول الوقت مجرد مالحبل يرخي شوية تلاقيه فك :04: بالنسبة للحب الاول لا بجد الرجل الي مبينساش المراة بتنسى مع حب اقوى صدقني منورني ماجد وشكرا بجد ع الميزة الي اديتها موضوعي |
موضوع حساس جدا والكلام فيه ممكن ياخد اكثر من رؤيه بالعموم الرجل فعل صعب ينسى اول حب بس مش معنى كده انه لما يرتبط بواحده غيرها يبقى مش مخلص طالما مفيش نصيب بالنسبه للحب الاول اكيد كل انسان بيشوف طريقه ولكن بالمقابل احنا كشرقيين صعب ان الرجل بعد ارتباطه انه يحس يعرف او يسمع ان من ارتبط بيها لها ماضى حتى ولو كان ماضى ليس به ما يعيب تلك هى نظرتنا كشرقيين عامتاََ حتى وان كانت خطأ فهى موجوده لا يستطيع احد انكارها شكرا ايميليا لتلك الفلسفه الراقيه وشكرا كمان لماجد فعلا موضوع مهم ويستحق التثبيت تحياتى .. |
اقتباس:
هو يختلف من واحد لواحد اكيد ومعاك في رايك ياسر بس صدقني في ناس الموضوع بالنسبالها حياة او موت في حبه الاول ولا يمكن ينساه نورتني ياسر بجد |
فعلا موضوع جميل وفعلا الراجل عمرة ما بينسي حبة الاول |
| الساعة الآن 12:16 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب