ياأنا ياالشغل مساء الخير عليكم صراحه اول مره ادخل قسم الفضفضه بس لانى حاسه بالذنب تجاه زميلتى على قرار اخدته الحكايه هى ان واحده زميلتى متزوجه من رجل متسلط دايماَ اهانه وضرب وكل مره بتستحمل زى اى ست مصريه وتقول علشان أربى ولادى الاكتر من كده انه متزوج من واحده تانيه كل مره كانت تحصل مشكله ويتدخل الاهل والعيله للصلح وترجع تانى المرادى وصلت لدرجه ضرب مبرح كان هيؤدى بحياتها وخيرها مابينه وبين شغلها لما حكت لى قولتلها شغلك طبعا لان حوزك ده مش مضمون وقولتلها انتى لو رجعتى تانى له يبقا تنسى انك لك صديقه اسمها منه وانك لازم يكون لك موقف هل أنا كده غلطت بحقها ماهى لو اطلقت مش هكون مبسوطه بس حرام بجد اللى بيحصلها والشخص اللى زى جوزها ده مش بيتغير ولوحتى عاملته كويس هل غلط انى اشجعها على الانفصال؟ |
بصى قيثاره الموضوع فيه شقين اولا الضرب المبرح متهيالى يكون سبب كافى للطلاق بجانب كمان نه متزوج باخرى دى نقطه ف الطبيعى الكل هيقول ان الطلاق ضروره ملحه ولكن ع الجانب التانى الاولاد ذنبهم ايه مهما كان الاب ضرورى ومهم جدا ف حياتهم وهى دى طبيعة الست المصريه عموما انها تتحمل الكتير علشان اولادها ف رأيى انها مش تتطلق منه وتعيش علشان اولادها وباذن الله يجى يوم ويتغير وحتى لو مش اتغير تحتسب صبرها عليه عند ربنا ويكون فى ميزان حسناتها تسلمى منه وربنا يوفقك للخير دايما |
مفروض انتى صحبتها وتشجعيها تخلى بالها من بيتها وجوزها موش يمكن الشغل هو السبب ف مشاكلها وانو اجوز عليها كونتى قوليها تاخد اجازة مثلا ان شاء الله موش تطلق وربنا يهديه |
الطلاق حلال بس فى نفس ذاك الوقت ابعض الحلال انا بستسهل الطلاق يس لما ابقى مرتبطه ببيت واولاد الموقف بيختلف هو محترمش حقوقها كانسانه لها حقها فى انها تتعامل بشكل كويس وتحترم قدام اولادها تنفصل احسن لها وتربى اولادها باحترام متبادل ما بينها ومابين ابوهم والشغل افيدلها من انسان بيهينها ويزهقها احسن حاجه تصلى وتدعى ربنا يقدملها داايما الى فيه الخيير |
امم هو أنتِ عندكـ حق وفعلاً يعني مفروض أساساً من اول ما كان بيضربها كانت تطلب الطلاق هو شئ كويس انها تخاف علي اولادها وتستمر معاهـ بس مش لدرجة الضرب المبرح وانة ممكن يموتها ..بس انا ششايفة انها لو اختارت الشغل وسابت الاطفال مع زوجة وخصوصاً ان ليهم زوجة آب يبقي اختيار سئ بالمرهـ لأن هي مش تعرف ممكن زوجة ابوهم تعمل اية فـ ولادها او يبقي تعامل والدهم ازاي معاهم وهما كمان الي فاضلين ليها من بعد زوجها ربنآ يهدية واية فائدهـ الشغل وهي هتفقد فلذهـ كبدها انا شايفة انها تتركـ الشغل يمكن ربنآ يهدية ويحنن قلبة عليها ويخف الضرب بس اهم شئ تهتتم بأولادها وتجعلم دائماً فـ بؤرهـ عينها ..ومن وجة نظري انكـ مفروض مش كنتِ تقولي ليها ان لو رجعتي لزوجكـ انسيني لأن انتِ صاحبتها والواضح انكـ الاقرب ليها بدليل انها حكت ليكِ اسرارها واسرار بيتها فا مش تتخلي عنها واقفي معاها وي ريت لو تقوليها انها تكون مع زوجها لأن مش ليها غير اولادها وحاولي لو هي حتي راحت مع زوجها ابقي روحي ليها البيت واسألي واطمني عليها وربنآ يعينها ي رب ويهدي زوجها واعتذر علي الاطالة ودي .. |
اقتباس:
وعشان انا قريبه منها جدا عارفه ان جوزها ده مش هيتغير معنى انى اقولها ارجعى هبقى متاكده انها هتنضرب وتتهان حتى لو سابت شغلها الشغل ده مش عقبه فى حياتهم هو عارف ان الشغل ده متنفس لها بتبعد عن مشاكله معاه شويه فاعاوز يضغط عليها اكتر ويحرمها من شغلها اللى بتحبه وانا برضه قولتلها كده من زعلى عليها بس مش عوزاها تتطلق ربنا يهديه عليها يارب نورتينى واسعدنى رأيك حبيبتى |
اقتباس:
وكتيييييير كنت اصبرها واقولها مفيش بيت بيخلى من المشاكل اصبرى عشان ولادك لكن توصل لدرجه انها كان ممكن تموت فى ايده صعبه ربنا يهديه ويهديها نورتيينى ياقمر بردك ورأيك |
اقتباس:
وانى كمان مستصعبة فكرة الطلاق وجميل انها تستخير ربنا بركعتين يارب يصلح الحال نورتينى ياقمر |
اقتباس:
على ولادها وده اللى مخلينى حاسه بالذنب انى شجعتها على الانفصال ربنا معاها بجد ويهديه عليها نورتينى حبيبتى واسعدنى ردك |
انا مع كل الاراء الي فاتت بس انتي غلطتي في انك تخيريها بينك وبين جوزها لو رجعتلو بلاش تكوني سيف حاد ع رقبتها هي في موقف لا تحسد عليه بلاش في الوقت دا الخيارات لانها سعتها هتكون بين نارين والله يفرج عنها |
الساعة الآن 03:53 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب