لوبطلنا نكره بعض
 

http://forums.banatmisr.com/imgcache...340alsh3er.png عجيبة الدنيا وغريبة وصدق حبيبنا المصطفى وهو بيقول الدنيا لاتساوى عند الله جناح بعوضة دنيا قال عنها العارفون إن حلت أوحلت وإن كست أوكست وشوف ياصحبى الدنيا دى اصلها كدابة وغرورة وملهاش أمان أبدا يوم ماتديلك أعرف أنها هتاخدمنك آه هى كده ياأما تاخدك أنت وتسيب اللى أتدهولك ياأما تاخد اللى ادتهولك وتسيبك زى ماكنت وعلشان كده يااصحابى وياأحبابى حبيت أفضفض معاكم شوية يمكن أتونس بيكم ولاحتى أتسلى شوية ومش عيب أنى أفرح بصحبتكم ولاأتسلى معاكم ماهو الواحدفينا لازم يبقاله أصحاب يفرح بانسهم ويتسلى بحكاويهم صحيح ساعات حكاويهم تودى فى ستين داهية بس هتعمل أيه ماهو أنت لازم تسمع حكاوى وياأما تستفيد من الحكاوى دى وياأماتروح فى ستين داهية المهم لابد وحتما من الحكاوى وبمناسبة الحكاوى ربنامايقطعلكم حكاية قولوا آمين أنابئا عندى حكاية وعاوز أفضفض معاكم بيها شوفوا وبعد مانذكرربنا ونصلى الحبيب عليه الصلاة والسلام زمان أوى يعنى يجيى من حوالى خمسة وخمسون سنة تقريبا كنت لسة ساعتها صغيروعندى حوالى ثلاثون عاما وكنت فى المرحلة الإعدادية على ماأذكر وكنت فى الصف الثالث وكانت عدنا مدرسة بتدرس لينا مادة الجغرافيا والتاريخ وهى كانت من المنوفية وساكنة فى مسكن تبع المدرسة المهم ماأطولش عليكم أناكنت غاوزى أرسم الخرايط الجغرافية وكل ماأـرسم خريطة تعجب بيها الأبلة وتروح كاتبة جيد صراحة أنازعلت من حكاية جيد دى قولتلها ياأبلة بلاش حكاية جيد دى قالت ليه قولت لحسن جارى أسمه جيد وأنازعلان منه ضحكت وقالت أيه رايك فى حسن قولت كويس يبقى عمى وأنابحبه ضحكت وضحكت أنامعاها وفجأة لقيتها الدموع نازلة منها عوم أيه ياأبلة هو أنازعلتك فى حاجة قالت آه زعلتنى وفكرتنى بأخويا كان زيك كده دمه خفيف ومايبطلش هزارولاضحك قولت وماله حصله ايه قالت رجع من المدرسة سخن وتعبان وبابا وداه المستشفى وبعدساعة رجع بيه ميت كان نورت البيت وضحكتها وبسمته وبابا كان بيحبه أوى علشان كان هو الوحيد على ثلاث بنات أناسمعت منها الحكاية دى ولقتينى بابكى بحرقة مش عارف ليه وهى ماسكة منديلها كانت بتمسح دموعها لقيتها بتمسح دموعى ووخدانى فى حضنها وهى بتقول مش ممكن مش معقول والله نفس بكاك هو نفس البكى بتاع أخويا محمود أفتكرت الحكاية دى من شوية مش عارف ليه ومعاها أفتكرت أن الدنيا دى مش مستاهلة نزعل من بعض ونشتم بعض ونكره بعض ونحسد بعض ليه بنعمل كده وليه مانكونش متسامحين ومتاحبين هو فينا حد يقدريعرف هيموت أمتة طيب لوالواحدمات وهو مزعل خلق الله تفتكروا هيدعو عليه ولاهيدعولوا يلا ياأحبابى نكون أحباب أخوكم رفعت http://forums.banatmisr.com/imgcache...341alsh3er.png http://forums.banatmisr.com/imgcache...342alsh3er.png

الكره بيحرق صاحبو قبل اى حد تانى
فضفصه حلوة ثانكس

خليك متفائلة ياسيلينا
لسة الامامى ممكنة
شكرا لك
شرفنى واسعدنى مرورك
تحياتى وودى

الله على كده
والله عليك ياماجد
وقلبك الطيب
ربنامايحرمنيش منك
وتفضل صحبى وصديقى طول العمر
بحبك نعم بحبك
فى الله ومن اجل الله
واتمنى لك كل السعادة والتوفيق والهداية
وربنايحبب فيك خلقه
صحيح سيلينا شايفة الدنيا سودة بسبب
تصرفات المجتمع
ولكن من تفاءل خيرا وجده
شكرا لك ماجد
وهذا المرور الرائع
تحياتى وودى

شكرا لك اخت منايا
وجزاك الله ايضا كل الخير
على هذا النصح والرشد
وأسعدنى تواجدك ومرورك
تحياتى وودى