هو انا صح والا غلط السلام عليكم عاوزة رأيكم بتصرفي ن هو انا غلطت او كان تصرفي صح قبل يومين رحت لدكتورة بتاعتى و السكرتيرة بتاعت الدكتورة كلما بروح لدكتورة بتكون عصبيه وبترد ع العيانين بزعيق ونرفزة ومش بتحترم حد لا كبير ولا صغير فأنا كلمتها مش ينفع العصبيه ده وهى بمستشفى خاص وان بتصرفها ده مش بتسيئ لنفسها بس لا بتسيئ سمعه الدكتورة هى حاولت تبرر انهم مش بيفهموا قلت ليها انى المواقف كلها حصلت قدامى وانها عصبيه اوى وانها مش ينفع تتعامل مع العيانين كده لما جاء دورى كلمت الدكتورة والدكتورة قالت هتتكلم معاها النهارده اتفاجئت ان الدكتورة رفدت السكرتيرة والله انى زعلت وندمت انى كلمت الدكتورة ندمانه عشان كنت السبب في قطع رزق البنت هو انا غلط ياجماعه؟؟؟ حاسه بالزنب جااااااااااااامد |
انا حصل معايا نفس موقفك بس مقولتش عشان حيرتك دي انا عن نفسي مش شايفاكي غلط المفروض ان الانسانه دي تفصل بين عصبيتها وبين المرضي وتراعي ظروفهم مينفعش الاسلوب اللي بنشوفه دا دا عقاب تستاهله واكيد جه للدكتور منها اكتر من شكوي عشان كدة فصلها واهي برضو تتعلم من غلطتها ومتكرروش تاني متزعليش نفسك الساكت عن الحق شيطان اخرس وبيكي ولا من غيرك دي كانت لازم تتعاقب |
انا كمان عملت كدة عند دكتور نساء وتوليد كنت مع مرات اخويا وشوفت ان البنات اللى موجودة بتتعامل مع الناس بطريقة مش ظريقه ولا تليق بالمكان اللى هى فيه وكلمت الدكتور بس هو مفصلش حد منهم انما اعتقد انه عاقبهم واللى انتى عملتيه مش غلط بالعكس كان لازم تتعاقب علشان تقدر ظروف المرضى وتحترم نفسها قبل ما تحترم الاخرين |
لا انتى مش غلط الانسان المريض ده مهما كان نوع مرضه بيبقى محتاج كلمه عطف أكترمن العصبيه ولو هى مش اد المسئوليه دي يبقى تشوف شغل تاني يتناسب مع عصبيتها وبلاش تتعامل مع المرضى آجلا عاجلآ كانت هتسيب المكان ده.. يعني لو مكنتيش انتى اشتكيتي للدكتوره كان حد تاني قالها . فمش تحسي بالذنب بالعكس انتى رحمتى المرضى من اسلوبها السئ وربنا يشفيكي ويعافيكي وانتى وكل مريض |
لا أنتِ مش غلطانة أكيد دي سكرتيرة دكتور مش سكرتيرة جزار يعني لازم تتعامل بشكل إنساني مع المرضى ومش من حقها بأي حال انها ترفع صوتها وتعاملهم سيء حتى لو عصبت لتصرف غلط لازم تحافظ على احترامها للي قدامها .. تصرفك صح .. |
انا شايفه ان تصرفك صح لان اللي بيكون بعياده لازم تكون معاملته حسنه واسلوبه حلو مع المرضي لانهم عايزين معامله خاصه .... مش محتاجين عصبيه فوق مرضهم .... |
لا تصرفك سليم هو اكيد الدكتوره دي اتكلمت مع السكرتيره ومتوقع السكرتيره ردت عليها بأسلوب مش كويس بردوا وهنا الدكتوره اتأكدت انها مش هتتغير فا دا اجراء لابد منه والسكرتيره إما أن تحسن من طريقتها في التعامل او تشوف حاجه تانيه تعملها ربنا موجود ومبينساش حد عموما ومفيش حد رزقه بيتقطع كل واحد وله رزقه ونصيبه وربنا مقدر كل شئ .. |
اتفق مع رأي جميع الأعضاء |
ربنا ما يجعلنا قطاعين ارزاق مع كامل احترامى لتصرفك بس اعرفى ان البنت الى سايبه بيت اهلها او بيت جوزها ونازله تشتغل من صباحية ربنا لنص الليل هى نازله عشان محتاجه ولولا الحوجه مكنتش عرضت نفسها للبهدله دى انت من كلامك المفروض انك متابعه مع الدكتوره دى كان ممكن تهدديها انك هتقولى للدكتوره وتعطيلها فرصه تغير من اسلوبها والله لو مغيرتش اشتكى براحتك |
لا هى الل غلط ﻻانها م حافظتش ع شغلها وعملتو صح واكيد يعنى الدكتورة موش هاترفدها م اول شكوى |
الساعة الآن 11:14 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب