|
فارق السن بين ادم وحواء عن تجربه شخصيه مريت بيها حبيت اتكلم عن حاجه مهمه جدا ويمكن تكمن اهميتها حالياََ فى ظل الظروف الاقتصاديه الحاليه إللى بيواجهها معظم واغلبية الشباب بيضطر على اثرها بنات كتير ويمكن ولاد عائلات كبيره محترمه وكذلك من هم اقل مادياََ إنهم يقبلوا بمن هم اكبر منهم فى السن لاسباب متعدده اما ظروف قاسيه نتيجة لوضع إجتماعى صعب او لسبب ان بنت من عائله كبيره وثريه ولكنهت تعودت على وضع إجتماعى معين يضطرها إنها تقبل ممن هو اكبر منها فى السن طالما وفر لها وضع إجتماعى مريح هى تعودت عليه فى الحالتين إللى ذكرتهم ينتفى معهم صفة الزواج الذى يبنى على العواطف او الحب امام النظره الماديه له فهى الاكثر إشباعا ورغبه وإلحاح وانا حبيت احكى تجربتى كمثال حتى اقدر استطيع ان ابين وجهة نظرى اكثر .. وانا فى الكليه تعرفت على زميلتى وتكونت بيننا قصة حب كبيره,, ويمكن هى اختارتني من بين الكثيرين الذين توددوا لها حتى اساتذتها بالكليه استمرت قصتنا حتى التخرج فتقدمت لها رسمياََ وكان هناك تردد فى البدايه من جانب اهلها إلا انى إستطعت إقناعهم بمساعدة بعض اقاربهم مع رغبة حبيبتى فى الارتباط بى تمت الخطبه وبعدها سافرت للخارج لأكون مستقبلى مثلى كمثل اغلب الشباب وبعد فتره بسيطه من السفر لم استطع البقاء كثيراََ فى الخارج ولكنى بسهوله فى مصر استطعت التعاقد مع شركه خاصه بمرتب مجزى مع عمل آخر ليلاََ وواصلت الليل بالنهار حتى احقق حلمى بالارتباط بمن اختارها قلبى يمكن اتعطلت شويه عن موعدى المتفق عليه وايضاََ نظرة اهل العروسه لعودتي من الخارج كانت نظره ضيقه وليس فيها تفهم لأى شىء الموهيم بدون سابق إنذار وفى احد الايام وجدت اهل خطيبتي يرسلون لى كل الهدايا والشبكه الى منزل الاسره طبعا صدمت صدمه كبيره بل يمكن انهرت ولكن بعد فتره بسيطه تماسكت وواجهتها فكان ردها بارد وكأن لم يكن بيننا اى مشاعر او عواطف وإتضح إنها لغت كل مشاعرها وخضعت لرغبة اسرتها بل لم تنتظر سوى ايام بسيطه تعد على اصابع اليد ووجدتها قد خطبت لطبيب يكبرها بحوالى 15 عاما من ينظر لهما وهما سوياََ يعتقد إنه والدها .. هى مشكله بتواجه ادم وكذلك حواء وهى السن المناسب للارتباط لا اعلم وجهة نظر البنات والشباب واتمنى اسمع رأيكم .. |
هى كدة تخلت عنة لانة زى ما ذكرت لم يقصر فى الجهد بالعكس ضاعف من قدرتة حتى يفى ويلبى متطلبات تجهيز عش الزوجية؟ ولكنى أ‘عتقد هنا حصل تدخل خارجى من أهلها بأغرائها بالعريس الثرى المتقدم الذى يوفر لها عيشة بذخة اقنعوها بها حتى تتخلى عنة ؟ ولو أنها باقية علية لتمسكت بة حتى أخر لحظة ظريف موضوعك ياسر |
فعلا مشكلة كبيرة وكتيرمن الفتايات بترضى بهذالوضع واساب كتيرة بجواراللى انت ذكرتها ربنايصلح الاحوال ويدل الجميع على الخير شكرا لك ياسروهذا الطر ح تحياتى |
اقتباس:
فعلا هو ده إللى حصل يا امجد ولكن اين الحب هنا وهل فارق السن بينها وبينه يمحيه فارق المال وهل تقبل اى بنت انها تبيع نفسها وحبها مقابل المال شرفنى وجودك امجد تحياتي .. |
اقتباس:
يمكن الوضع الاقتصادى يغير نفس ولكن الحب يا رفعت صعب انه يباع ولكن الاهم ليه البنات بتقبل تتزوج باكبر منها فى السن رغم انه يوجد الكثيرين من الشباب المكافح والذى يستحق التضحيه فى وقت طغت فيه الماده شكرا يا صاحبى على رايك وشرفنى وجودك |
برده. في بعض اﻷسر والعائﻵت وبعض الثقافات بتفيد إن البنت مالهاش رأي ف مجتمعنا المصري يعني معظم البنات الي بترتبط برجال يكبرونهم بأعوام كتير دول مش بيبئا بمزاجهم ومش بيبئا تحت ارادتهم وفي بعض الفتيات تعمل كده لمصلحه او فلوس و..و..و.. ربنا يهدينا جميعا وربنا يسعدك ياسر تقبل مرورئ~ |
مش عاوزه اقولك الحقيقه واصدمك :04: بس الحقيقه الحب والعواطف والكلام الفاضى دا مابيأكلش عيش انا مش ماديه والله بس واقعيه شويه + انى مش معترفه بالحب الى قبل الجواز دا العريس مش مهم فارق السن لاننا فى زمن اصبح فيه الثقافات متقاربه اووى بمعنى انه ممكن بنت عندها 20 سنه تفهم احسن من راجل عنده 60 سنه بما اننا فى وقت الانفتاح والعولمه اهم حاجه فى الرجل دينه وخلقه السن عاادى مشكله نقدر نتجازها كذلك الفلوس نقدر نبنى بعض من تحت الصفر اما حتة قصتك دى صدقنى الظروف دايماا مش بتيجى فى الصالح العاام ويمكن برودها كانت بتساعدك بيه تنساها انا من وجهة نظرى بقن انه انت بدءت الحكايه غلط فختمت بغلط مابنى على باطل فهو باطل معجب بواحده حاقظ عليها حتى من نفسك وروح كلم اهلها ومش تبوصلها حتى غير بعد كتب الكتاب ابدؤا حياه فى الدنيا تكمل فى الاخره فى تباات ونبااات جايز هى فرصه لتصحيح اوضااعك وتبدء تانى من جديد :) تسلم ع التوبيك بالتوفيق |
اقتباس:
دى نقطه فعلا انتى اثرتيها هاجر اكيد معاكى حق فى عائلات بتفرض على البنت زواج مصلحه او اقارب بغرض المحافظه على شراكه ماليه او اموال وعلاقات عائليه ومش بينظروا لفارق السن ومش بيفكروا انهم كده بيظلموا بنتهم شكرا لكى هاجر على تفاعلك نورتينى |
مش عاوزه اقولك الحقيقه واصدمك :04: بس الحقيقه الحب والعواطف والكلام الفاضى دا مابيأكلش عيش انا مش ماديه والله بس واقعيه شويه + انى مش معترفه بالحب الى قبل الجواز دا الحب هو اساس الزواج بدونه يبقى مجرد عيشه والسلام تبقى جوازه والسلام والكلام ده بيكون للعقول الاتكاليه اهم حاجه انه يكون زى الناس ويتجوز زى الناس لكن عواطف واحاسيس والاشياء دى اهم شىء فى علاقة المتزوجين او اللى هيتزوجوا العريس مش مهم فارق السن لاننا فى زمن اصبح فيه الثقافات متقاربه اووى بمعنى انه ممكن بنت عندها 20 سنه تفهم احسن من راجل عنده 60 سنه بما اننا فى وقت الانفتاح والعولمه يا بنتى انتى فاهمه الزواج خطأ الزواج ليس مين بيفهم اكتر ,و عولمة ايه بس يعنى واحده عندها 20 متزوجه من واحد عنده 50 بلاش 60 بعد عشر او خمس عشر سنه هتكون فى عز انوثتها وهو خلاص منتهى الصلاحيه ,و يعتبر خسرت حياتها كلها وكمان لن يكون بينهم تقارب فكرى او مزاجى لأختلاف الاجيال اشياء كتير خطأ بتنتج من فارق السن .. اهم حاجه فى الرجل دينه وخلقه السن عاادى مشكله نقدر نتجازها كذلك الفلوس نقدر نبنى بعض من تحت الصفر طبعا معاكِ لازم من تلك الاشياء طيب الاشياء دى بتكون موجوده فى مختلف الاعمار يبقى ليه انها تضيع حياتها بسبب الماده مع رجل بعمر والدها اما حتة قصتك دى صدقنى الظروف دايماا مش بتيجى فى الصالح العاام ويمكن برودها كانت بتساعدك بيه تنساها انا من وجهة نظرى بقن انه انت بدءت الحكايه غلط فختمت بغلط مابنى على باطل فهو باطل معجب بواحده حاقظ عليها حتى من نفسك وروح كلم اهلها ومش تبوصلها حتى غير بعد كتب الكتاب ابدؤا حياه فى الدنيا تكمل فى الاخره فى تباات ونبااات جايز هى فرصه لتصحيح اوضااعك وتبدء تانى من جديد :) هههههههههه يخرب دماغك يا هوبا :102: انتى بتتكلمى كأنى كنت واخدها فى شقه مفروشه يا بنتى دى زميلتى فى الكليه وانا اتقدمت لأهلها وخطبتها يعنى مش خالفت الشرع وكنت بأبنى مستقبلى علشان اتوج حبى لها حتى الدين ياختى للاخوه الملتزمين اوى بالشرع وبيحافظوا عليه مفيش خطبه على العميان ,, يعنى لو حد جاى يتقدملك وانتِ منتقبه لازم يشوفك ويشوف وجهك هو سمك فى ميه روحى يا هبه ربنا يهديكِ :17: تسلم ع التوبيك بالتوفيق نورتى بقن |
كل شيئ نصيب انت تريد وانا اريد والله بالخير يريد يمكن في خير جايك اصبر طرح وفضفضه رائعه |
| الساعة الآن 09:13 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب