|
آدم والبطالة مرحبا ازيكو النهاردة هاكلم فى موضوع مهم ومشكله بتواجه الشباب هى البطاله لفتره طويله وخصوصا ﻻصحاب الشهادات العاليه كل اسره بتصرف كتير ع اولادهم ع امل انهم ياخدو شهادة ويشتغلوا احسن وظيفه حاجات وافكار بنتوارثها وكل واحدهمه ف الشهادات العاليه وبيرفضوا اى شغل موش يكون ليه مستوى مرتفع وده من مظاهر التعالى اكتر حتى لو محتاج فلوس الشغل ده ممكن يفضل عاطل عن العمل وابوة بيصرف عليه ويمر بيه العمر وهو زى ماهو مع انو لو كان درس حاجه تنفع مجتمعه اكتر ويفكر ينجح فيها كان احسنلو من شهادة عاليه وموش مطلوبه البطاله ليها سلبيات نفسيه ع الشباب وبتزود الامراض النفسيه والجريمة ﻻنو ممكن يتطور الموضوع لتعاطى مخدرات نتيجة الملل والزهق من الفراغ ده غير انو اقتصاد البلد بيدهور عاوزة اقول ان اى شغل م دام حلال موش عيب ع الاقل احسن من انو يفضل قاعد ف البيت او ع القهوة مستنى حد يصرف عليه ويفكرو ف اهلهم شويه ويعرفوا انو جيه وقت يتفطموا من مصروفهم |
فكرة اى شغل حلال مافيشهوش مشكله كلنا مؤمنين بيهلكن تعالى ف التطبييق على امر الواقع ماحدش بيرضى يطبق ده ع نفسه ولا حتى الاهل يرضوا يجوزوا بنتهم لاى شاب شغال شغلانه المهم انه حلال وبيبنى نفسه وديما يقولك دى تعليم عالى عايزة واحد زيها والبطاله شبح بيواجه الشباب انا عن نفسى شايفه انه مش بايديهم ابدا تسلمى سما ع الطرح الراقى |
حلو جداااا الموضوع انا مش عندى اخوات ولاد بس فعلا الموضوع ده منتشر جداا وكان لازم حد يفتح الحوار ده ونتناقش فيه عشان نلاقى حل ونسيطر بأكبر قدر ممكن على البطاله |
موضوع البطالة ده مشكلة كبيرة ف الحقيقة البطالة دي ما بحملش أي حكومة مسؤوليتها إنتا لو عايز تشتغل هتشتغل لو حتى فين مش بس مخدرات وإدمان يا سما لا قولي سرقة قولي قطع طرق ممكن يحصل أي حاجة بسبب موضوع البطالة ده في النهاية هي الأرزاق على رب العالمين سبحانه وتعالى يعني اسعى يا عبد وربنا هيسعى معاك جميل الموضوع يا سما وقيم جدا طرحك للمشكلة دي اتكلمتي بطريقة مفهومة وعن سلبيات البطالة وبرده إقتصاد البلد مش متوقف ع حكاية البطالة دي ربنا يصلح الحال احترامي وتقديري |
عندكوا حق سعات الظروف اقوى منهم بس موش احسن م يبقا فاضى عاطل يشتغل والشغل موش عيب وزى م قال شاعر السرقه والجرايم كلها بسببها يبقا حرامى ولايشتغل شغلانه حتى لو بسيطه ثانكس نورتو |
موش بالسهوله دي سما ممكن يكون الكلام سهل لكن للاسف تطبيقه صعب عندك مثلا : شاب قعد حوالي 16 سنه يدرس ويصرف من دم اهله ع تعليمه وبالاخر نقوله روح اشتغل اي حاجه عشان تصرف علي نفسك تيب من الاول قلنا له اتعلم ليه ؟! وكان خادها من بدايتها وهو لسه طفل وراح يتعلم صنعه حتي زي مابتقولي يشتغل اي شغله بردو موش سهل كلام نظري يطبق عملي هوونا ف مصر لو شاب كبير راح اي صنعه طبيعي هيكون جاهل فيها وقتها حتة عيل صغير خبير بالصنعه هيعمل ريس عليه ووقتها هتكون اهانه حقيقيه لكرامه الشباب ومحدش يقول العيب موش ف الحكومه اوومال مين مسئول عن الشباب العاطل دا لو موش هي الحكوومه !! هههههههههههه الحكومه مسئوليتها تجد للشباب مجالات للعمل لكن للاسف كل حلولها روحو عمرو الصحرا هههههه صحرا بدون كهربا ولا مويه يقولو للشباب روحو عمروها هههههههه طرح راقي سما دمتي متالقهـ |
لا سهله ي ماجد لأنو هايبقا معروف انو بيشتغل مؤقت موش عشان فشل ف دراستو بشوف شباب مهندس او خريج تجاره ويشتغل ع تاكسي ولا ف محل الموهيم موش يقعد ف البيت |
المشكلة يا سما في منظومة التعيليم كل الاباء والأمهات عايزين ولادهم ياخدوا شهادات عالية ويكونوا دكاترة ومهندسين وايه النتيجة خريجين جامعات ومش لاقيين شغل يناسب تعليمهم ولا جامعتهم لكن لو عملنا زي البلاد الأجنبية نسيب كل واحد يتعلم في اللي يحبه عشان يقدر يدي ويثبت نفسه ويتخرج في الحاجة اللي بيحبها فاكيد هيلاقي مجال للشغل هنا دام هو اتعلم الحاجة اللي بيحبها شكراً حبيبتي للطرح |
اقتباس:
بردو هعيدها سما موش بالسهوله دي / الموضوع علي ارض الواقع بيختلف انتي قلتي هوونا سائق تاكس موش هكلمك انها لاتليق بحامل شهاده عاليه بس انتي ع بالك سهله سواقين التاكس ولا بتوع الميكروباس بيكونو واخدينها صياعه وعافيه وممكن كل يوم والتاني يعمل معاهم مشاكل حتي لو ماشي في حاله / هم موش هيسيبوه ف حاله عشان بيكون بالنسبه ليهم دهخيل علي مهنتهم والدخيل وسطهم مرفوووض << هي دي مصر ولو راح اي محل/ زي ماقلت الك اي عيل صغير عنده خبره بالشغل اكتر منو هيتامر عليه وساعتها كاننا بنقوله اركن كرامتك علي جنب عشان تاكل عيش وتعيش |
هى مشكلة جيل فعلا البطاله هى لها اكثر من محور طبعا مفيش تعين خالص غير لابناء القضاة لخريجى الحقوق وكذلك معظم المصالح الحكوميه حتى البنوك تلك الفئه اللى له قريب هو الوحيد المحظوظ فى البلد اما الاغلبيه الله يكون بعون الشباب ملايين الشباب يتخرج سنويا ومعظمهم لا يعلم هو اتعلم ليه انتى عندك حق ممكن يكون فيه اى عمل ولكن بصوره مؤقته لان اى شاب لازم يكون عنده طموح وراسم لنفسه هدف والغالبيه الان اما يعمل بالخليج او انه بيهاجر بلا عوده والله المستعان |
| الساعة الآن 08:07 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب