|
فاض بيآآ آلسلآم عليكم ورحمه الله وبركاته حقيقى القسم دا وحشنى من ايام ما كنت مشرف فيه وكنت ديما انوىانى اكتب بس كنت بتردد واخيرا قررت انى افضفض هنا ووبالمرة اشوف رايكم معااياا برغى كتير صح خمول القلب احساس انا عايشه من فترة مبقتش حاسس بحاجه حوالياا اتعلق بشئ واكون متمسك بيه وعاجبنى وفى لحظة تانية استغنا عنه كذلك معرفتى مع الناس ناس كتير معجبهاش اسم مدونتى بس فهتهم وجهه نظرى وانا مش قصدى ولا عندى النيه بتاتا انى اقصد حد او اشهر بيه او اى حاجه مش تمام مشكلتى بسيطة جدا نفسى احس بحب الناس ليا وانى احس بحبى لناس دى مشكلة تعبانى بجد ناس كتير كانت معايا وافترقنا من غير اسباب سراب وطيف بيعدى عليا وانا مش بمسك فى حد ولا بتعلق بحد اوى عشان مزعلش عليه اوى لو حد يعرف يفسر حالتى ويساعدنى انا شاكر ليه انا مفكرتش اكتب الا لما فاض بيا بجد واسف على الاطالة s1 |
الاحساس ده مش بيجى مرة واحدهبيجى بعد صدمات كتير ومشاكل بعد مانثق ف ناس ونحبهم ويخذلونا ف مش بنقدر نحس بطعم السعاده ولا بحب الناس بس لازم تكون دى فترة ف حياتك لان ده طبيعى وبعدها ترجع من جديد زى ماكنت ماتسمحش لمشكله او ازمه مرت بيك انها تحول حياتك كلها للاسوء او تبعدك عن ناس بتحبك بجد |
الفتــور فى العلاقات بعد المحبه او زى ماسميته خمول القلب ده بيبقى سببه انعدام الثقه بشكل متكرر فى ناس لقيت منهم خذلان يمكن اغلبنا بيمر باللحظات دي ..وخصوصا فى علاقتنا ع النت بتبقى متوقع ومنتظر شئ من شخص عزيز عليك ولكن بتلاقي رد فعل تاني خالص تحس بخيبه أمل فيـه * لو كل واحد فتش فى نفسه هيعرف ان ف الغالب بيبقى اختياره هو خطأ من البدايه مش لآزم نثق فى أى حد بسهوله الحرص مش وحش أبدا بالعكس بينجيك من حاجات ممكن تحصلك مع الوقت زي ( خمول القلب ) فضفضه جميله وصادقه تسلم رائــد ربنا يعوضك خير و يسعـدك |
دايما بنبني علاقتنا مع الآخرين ع الثقه وحسن الظن وبطيبه وحُسن نيه بعدها تُقابل بالغدر وخيبه الامل ..... عايزه أقولك حاجه حب كل الناس وعاملهم بأخلاقك انت بس مش تعطي ثقتك الكامله لاي حد بسهوله سيب نفسك علي طبيعتها حرس أه بس مش تخون حاول تتأقلم مع الكل واتعايش معاه واتمسك بيه مش تسيبه لاي موقف يقابلك ..لا جرب مره واتنين وتلاته .... الا بقي لو لقيت انه خلاص مفيش فايده شوف هي مرحله بتيجي علي الواحد وبعدها بتزول ربنا يسعدك ويحققلك ما تتمناه دمت بخير |
معنديش اكتر من اللي البنات قالوه وافتكر انك في بدايه الطريق طالما عارف المشكله وربنا يوفقك |
اول حاجه اسم مدونتك حلو وعجبنى موش شرط انك تبقا منعزل انك وحش ممكن جدا الناس الل وحشة ونساعدك ف ايه بس ده انت كده تمام اوى هو ده الصح عاوز تحس بمين الكل انانى ومنافقين خليك كده احسن والل يحبك هايفهمك ويفك العزله الل انت فيها غير كده محدش يستاهل ربنا معاك وتتحسن نفسيتك |
طيب ما تراجع نفسك وتعيد حساباتك واحسبها عقليا ومنطقيا وشوف السبب اية ؟ هل هو خطاء فى أختياراتك؟ انك مقدرتش تختار الاختيار الصح ولا من اسلوبك لان فية ناس بتتكلم بحسن نية وكلامها بيطع فية شوية كعبلة غير مقصودة ؟ أو العكس صحيح نقدك بيكون قاسى وأنت فى نيتك الاصلاح ربنا يوفقك |
زي ما آمجد قال راجع حساباتكـ آصل مش كل الناس غلط وانت آكيد مش دائماً صح ! انت غلط فـ حاجة آكيد سببت فـ بعد الناس عندكـ قد يكون قصدكـ وقد يكون لا . لكن الكلام دهـ مش يخص الشخص الي بعد عندكـ عـ قدر ما هو يخصكـ لأنة هو مش لية علاقة انت بقي غلط فية بقصد او بغير قصد بس اسمة فـ الاول والاخر غلط بحقهم. راجع نفسكـ وعيد حساباتكـ من تآني ألجأ لربنا فضفض لية واحكيلة بوجعكـ . هيقف جنبكـ ويبعدكـ عن الغلط . وبالنسبة لأنكـ مفتقد الحب حضرتكـ متزوج وتقدر تعوش اي حب مفتقدهـ من زوجتكـ لأنها سندكـ وانت وهي مش ليكم من بعض ومش تحاول تدور عـ حد غيرها تعوض فية حبكـ لأن اي حب تآني تآكد انة عمرهـ ما هيفيدكـ بالعكس هيضركـ ويسبب وجعكـ . ربنآ يسعدكـ .. |
طيب وانت ايه الى مزعلك !! خليك كداا احسن انت اى حد تعرفه نتيجة حتميه فى النهايه ان هتفارقه يبقى ماتمسكش فى الناس اوى عشان فعلا ماتزعلش على حد عيش حياتك زى ما انت عايز وزى ما انت شايفها عاوز تحب الى قدامك حبه وسيب كله على ربنا مش عاوز تحب الى قدامك ماتحبوش وترهق مشاعرك لما حد يبقى جمبك ماتسيبوش عشان ماتصفصفش على اللاشئ عيش حياتك واحاسيسك بتلقائيه ايا كانت ايه هى وايا كانت ايه النهايه ماتحملش نفسك فوق طاقتها |
مش هضيف كتير ع الردود الي قالت حاجات مهمة فعلا بس هقولك كل حاجة بتيجي في وقتها وكل حاجة ليها وقت يعني متستعجلش ع نفسك او تدور ع حاجة مش موجودة خليك في الي موجود معاك واستمتع بيه وعيشه والي مش موجود هيجي لوحدو ولو فتشت جواك اكيد هتلاقي حاجات انت مكنتش واخد بالك منها معظمنا كدا وفي الاخر الي محيرو بيلاقيه جواه بس عايز شغل او تدوير |
| الساعة الآن 01:56 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب