مشروع زواج ..الحلقة(2) وأطياف الماضى
 

http://forums.banatmisr.com/imgcache...732alsh3er.gif http://forums.banatmisr.com/imgcache...732alsh3er.gif http://forums.banatmisr.com/imgcache...732alsh3er.gif سلامْ يتهادى عبق يآسمَينه ليدثر آروُاحكمْ بالرضآ والآطمئنآنْ صباحاتكم ومسائاتكم معطره بإذن الله بنقاء آرواحكم

http://forums.banatmisr.com/imgcache...733alsh3er.gif http://forums.banatmisr.com/imgcache...734alsh3er.gif ا السلام عليكم ورحمة الله وبركاته ومن آياته أن خلق لكم من أنغسكم أزواجا لتسكنوا إليها وجعل بينكم مودة ورحمة ذاك قول الله جلا وعلا ويقول سيدالبشرصلوات ربى عليه وسلامه (تناكحوا تناسلوا فإنى مباهٍ بكم الأمم يوم القيامة) مشروع زواج هو برنامج اسبوعى أردت من خلاله مناقشة الأعضاء لكى نتعرف على الجوانب المضيئة فى هذا المشروع والذى هو مشروع حيوى وماأظن أحدا فى الدنيا إلا وفكرأن يتاجرفيه وهذه التجارة كثيرا ماتكون رابحة ومرات تكون خاسرة ومع ضيوفى الأعزاء نناقش سويا متى تكون التجارة رابحة ومتى تكون خاسرة ومع ثانى حلقات البرنانج يسعدنى ويشرفنى أن تكون ثانى ضيفة معى هى العظيمة الجليلة أطياف الماضى الراقية رونى اهلا رونى ومرحبا بك وبرنامج مشروع زواج أرجوالتكرم على الإجابة على مايلى س ــ الزواج هو حلم كل فتاة وشاب وهو أمر من الله ورسوله وبه تكون الحياة فماذا تنظرى لهذا المشروع من وجهة نظرك؟ زي ما قلت هو حلم كل فتاة وشاب هو أكبر واضخم مشروع ممكن تعمله في حياتك عشان كده لازم يكون متخطط له كويس يعني مش عشان لازم نعمل المشروع ده يبئا ندخل فيه من غير دراسة وتدبر للموضوع من جميع الجوانب كمان هو اصعب مشروع ممكن تعمله لأن الفشل فيه بتكون الخسارة فادحة مش مال بس زي باقي المشروعات لأ بتكون خسارة نفسية س ــ غلاء المعيشة وظروف الشاباب المادية ساهمت فى عزوف الشباب عن الزواج فكيف التغلب على مشكلة العزوف هذه؟ هي مشكلة انا معاك بس دايماً اللي قاصد خير ربنا بيديله الخير كله يعني لازم نسعى ونحقق أحلامنا على قدنا ومش دايماً هتلاقي صعوبات في ناس ولاد حلال بيدوروا لبنتهم على راجل يحترمها ويقدرها وموضوع متطلبات الجواز بتكون في المرتبة التانية س ــ هل الحالة المادية وحدها هى السبب فى تأخرزواج الفتايات والشباب؟ مش دايماً يا رفعت المشكلة بتكون فلوس في ناس معندهاش مشاكل مادية ورغم كده لسه نصيبها مجاش الموضوع كله بيرجع للقسمة والنصيب ولو أن فعلاً المشكلة المادية هي الاساس عند ناس تانية كتير س ــ هل غلاء المهور وتعنت أسرة الفتاة وغلوهم فى طلبات زائدة ساهم فى تفاخم وتأخيرمشروع الزواج؟ فعلاً رفعت في ناس بتطلب شبكة بـ 30 و 50 الف ده غير المهر ممكن يعدي الـ 100 الف بس في ناس زي ما قلتلك معندهاش مانع تتنازل عن كتير في مقابل أن الشاب يكون أبن ناس ومتربي ومش قصدي ابن ناس يعني في مراكز مرموقة في الدولة لأ أبن ناس يعني ابن ناس طيبين وبيعرفوا الحلال والحرام ويكونوا بيعرفوا في الأصول وعيشرتهم طيبة س ــ هناك أسر حينمايتقدم لطبة أبنتهم أحد الشباب يرفضوه بحجة أن نسبه ومنصبه لايساوى حسبهم فهل هذا حق شرعة لهذه الاسر؟ أصلك ونسبك هو عملك يا رفعت وكلنا ولاد حوا وأدم أنا مش مع الناس دي ابدً دول بيفكروا بطريقة رجعية أو أنهم عندهم كبر وتعالي وده أمر مرفوض من تواضع لله رفعه س ــ لو تقدم شاب ومحصلته التعليمية أقل من الفتاة ولكن لديه القدرة المادية والمعيشية تفتكرى من حق الفتاة أن ترفضه؟ شوف يا رفعت الرأي الأول والأخير للفتاة يعني انها تقبل بيه دي حاجة تخصها هي لوحدها وهي بردك اللي هتعاني لوحدها بس مش كل حاجة التعليم على فكرة معاك ان هيكون في فرق في التفكير كتير بس مش شرط اكيد لكل قاعدة شواز لو عقليته عجبتني ايه المانع ولو حبيته مهيكنش في مشكلة اصلاً من شهر تقريباً في واحد معرفة من بلدنا أتجوز واحدة بكالوريوس تربية وهو من غير شهادة بسرعة فكرت انها وافقت لأنها حبته معنديش تفسير تاني لكده س ــ كثيرا مانسمع ونرى قصة حب بين فتاة وشاب وعند مجيئ هذا الشاب لأهل الفتاة يرفضوه عقابالجرمه فماوجهة نظرك فى تلك الحالة؟ يعني لو هما بيحبوا بعض وبيتقابلوا مثلاً مش لازم يصيحوا ويسمعوا المنطقة كلها يعني يخلوها في سرهم بس الأهل اللي بترفض مش واعيين بالعكس لو انا مكانهم هفكر ده واحد بيحب بنتي يبئا لازم اجوزه ليها خصوصاً انها هي كمان بتحبه وليه أجرح قلوبهم مادام هما بيحبوا بعض اللي بيرفضوا منطقهم غريب بجد س ــ وسائل التواصل الحديثة ساعدت وسهلة بعض الأموروالمزيد من تقاب الشباب والفتايات فماذا تقننى هذه المعرفة وماسلبياتها وإجابياتها؟ صعب يا رفعت انك تقرأ ما ورا الشاشات يعني ازاي أحكم على حد مش شايفاه ومنين أصدق أنه زي ما بيقول أعرف يا رفعت ان كتر الكدب خلانا مش بنقدر نصدق بسرعة زي زمان س كثيرا مانسمع عن خطبة وطلب زواج عن طريق هذه الإتصالات كيف ترى ذلك وهل توافقى لو تقدم لخطبتك عريس عن تلك الطرق؟ التواصل على النت زي التواصل في المجتمع الخارجي يعني مفهاش حاجة لما واحد يحب واحدة ويحاول يعرف عنها كل حاجة وان كان جاد ياخد خطوات ايجابية زي بالظبط واحد شاف واحدة في الحقيقة عجبته حاول يعرف عنها كل حاجة واتقدم وخطبها طبعا أوافق مش اصلاً هشوفه ولا هتفضل الحكاية ورا الشاشة وبس ^_^ س ــ الشكوى من العناس وتزايده فى الفترة الأخيرة تفتكرى ماهو السبب الحقيقى وراء تلك الظاهرة؟ كلمة عناس او عنوسة دي مش مؤمنة بيها اسمها في واحدة مجاش نصيبها لسه أو لسه ربنا موفقهاش والسبب الرئيسي النصيب س ــ كثرت المشاكل الزوجية ووصلت لكثيرمن حالات الطلاق المبكر هل لديك معلومات أو مبررات لهذه الحالة وماهول الحل من وجهة نظرك؟ التسرع دايماً يارفعت السبب الرئيسي ورا حالات الطلاق الكتيرة اوي دي وكمان الضمير اللي مات بيتسبب في كده يعني واحد اتجوز عشان يغيظ واحدة تانية وبعد شهرين يرجع للتانية ويطلق مراته وابنه في بطنها عشان يتجوز التانية رغم ان أهله من البداية معترضين عليها تفتكر ده انسان عنده ضمير لأ طبعاً س ــ بعد تمام الزواج تكتشف الفتاة أن زوجها عكس مانت تراه قبل الزواج سواء حالته المادية أو التعاملية ماذا سيكون تصرفك لوكنت أنت فى هذه الحالة؟ دايماً يا رفعت كل العيوب بتكون ظاهرة واحنا اللي بنحاول نداريها مش عارفة ليه بنغمض عيونا عن العيوب عشان نمشي المركب والنهاية ايه اننا بنتصدم بشخص غريب نعرفه وكنا عاملين نفسنا مش عارفينه كل ده بيرجع لسؤ التفكير يعني هما عملوا فترة الخطوبة ليه مش عشان كل واحدة تقدر تحدد هي هتقدر تكمل مع الشخص ده ولا لأ س هناك بعض الفتايات ترفض التعاون مع زوجها فى مناحى الحياة الزوجية منها المادية وأهمهارفضها للإنجاب بحجة جمالها ومظهرها إيه رأيك فى كده؟ الزواج لا يتم بريقه الا بطفل يزين حياتنا ازاي واحدة تتنازل عن اهم حاجة في حياتها انها تكون أم متهيألي يا رفعت مفيش من النوعية دي خلاص أما عن الفتاة اللي مش بترضى تساعد زوجها من الناحية المادية دي انانية ومعندهاش أحساس ولا تصلح من الأساس للزواج الحياة الزوجية مشاركة مش انانية س ــ مشكلة الحماوات وكثيرا مانرى الزوجة تترك بيت زوجها بسبب والدته فهل هذه تمثل مشكلة حقيقية؟ كل المشاكل بترجع لضيق الأفق يعني لو كل بنت فوتت لحماتها الدنيا هتمشي زي الفل بس لازم من الاصتطدام معاهم في يوم من الايام بس دي مهمة الزوج انه يوفق بين والدته اللي ميقدرش يستغنى عنها ولا انه يغضبها وبين حبيبته اللي يتمنى رضاها وسعادتها س ــ الزوج والذى يكون دائما منصف لأهله على حساب زوجته كيف ترى ذلك التصرف؟ يعني هو غلط عايزة اقول ان أهله ميقدرش يستغنى عنهم ولا يزعلهم بس هو اتجوز بنت ناس لازم يحافظ عليها وميرضاش انها تتهان لأن كرامتها من كرامته يعني المفروض اهله يريحوها عشان راحة ابنهم وبالمقابل لازم هي تقدر ده وتريح أهل زوجها من أجل راحة زوجها حبيبها س ــ على الجانب الآخر أم الزوجة توصى بنتها بأن تكون قوية أمام زوجها ولاتستسلم له بسهولة تفتكرى هذا التصرف سليم أم ماذا؟ مش مع اي بنت تسمع لكلام امها وتكون مجرد لعبة امها تحركها زي ما تحب وعلى حسب افكارها هي المفروض انها شخصية مستقلة وليها رأي وعقل تفكر بيه يعني لو جوزها طيب ايه الداعي انها تمشي ورا كلام امها وتقولها مثلاً قصصقصي ريشه والكلام الفاضي ده او تقولها فتشي وراه وماتديله الأمان ده كله غلط المفروض كل أم تسيب بنتها تمشي حياتها زي م تحب وزي ما ترتاح وبعدين الأم اللي تتدخل في حياة بنتها بالشكل ده أكيد عندها نقص في حياتها هي بتحاول تعوضه في حياة بنتها وربنا يهدي س ــ ماهو مشروع الزواج الناجح بين المتزوجين حديثا وماهى مقوماته من وجهة نظرك؟ الزواج هيكون مشروع ناجح بالود والمحبة والأحترام ثم الأحترام ثم الأحترام رفعت هنا أضمن زواج يستمر حتى أخر العمر س ـــ فتايات كتيرة بتوافق على العريس اللى أكبرمنهاسنا لظروف متعددة هل هذا يعنى جريمة فى حقها ولامافيش مشكلة؟ والله زي ما يعجبها هي اللي هتعيش وهي اللي هتعاني انا بعتقد أن فرق الزواج المناسب بين الزوج وزوجته 5 سنوات معقول لكن ان واحدة تتجوز واحد اكبر منها بـ 20 سنة مثلاً هي بس اللي هتجني ثمر الجوزاة دي والمعاناة اللي هتعيشها س ـــ عندماتوافق الفتاة على قبول الزواج من زوج متزوج بأخرى فهل تصرفها ده معيب ولا يكون حل لبعض مشاكل ربما تأخرسنها أو قبولها بسبب علاقة عاطفية بينهم؟ مهما كانت الاسباب يا رفعت مش مقبول ابداً انها تتجوز واحد متجوز وعنده اولاد ينفعش هي كده زي الحرامية س ــ ماذا تنصحين كل فتاة مقدمة على الزواج؟ أقولها الله معك الجواز ده معركة يا كسبان يا خسران والكل حالياً خسران معقدة عارفة ^_^ شكرا رونى سعيد بضيافتك أنا أسعد رفعت شكراً للاستضافة الجميلة تحيتي للجميع تحياتى وسلامى أحبتى فى الله أنتهت حلقة اليوم مع ضيفتى الكريمة رونى أنتظرونى وحلقة جديدة قادمة وحتى ذلك الحين أستودعكم من لاتضيع ودائعه مع تحيات أخوكم رفعت وشكرا لك رونىشرفنى اللقاءمعك فى البرنامج وأشكرلك حسن التعاون واللإفادة والتى وجدتها هنا من خلال إجاباتك وفقك الله دوما الف شكر لحضرتك سعدت بوجودى بينكم تحياتى وسلامىhttp://forums.banatmisr.com/imgcache...734alsh3er.gif وسيكون لنا لقاءٌ دائم معكم مع ضيوف لنامعكم وقفات ولقاءات http://forums.banatmisr.com/imgcache...732alsh3er.gif http://forums.banatmisr.com/imgcache...732alsh3er.gif http://forums.banatmisr.com/imgcache...732alsh3er.gif مع تحيات أخوكم رفعت

[/QUOTE]

حلقه ماتعه يا أ.رفعت

رونى الغاليه

رغم عقلانية ردودك

بس عندى تعليق

الزواج ليس بمعركه اوحرب معرضه للكسب والخساره

الزواج حياه متكامله

تبنى على الموده والحب ومن اتقى الله عاش فى هناء

فالزواج سنة الله فى الارض

اسعدك الله فى كل حياتك ومنوره حبيبتى البرنامج

ربنايصلح احوال الجميع
شكرا سمو الاميرة
شرفنى واسعدنى مرورك
مودتى

جمالها كونك أنت ضيفتها اللى منوراها
كل الشكرلك
رونى
للاستضافة والاجابة
والمرورالرائع
دعواتى وتحياتى

جميل التعقيب
وجميل المرور
اشكرك بسنت
شرفنى تواجدك
تحياتى وودى

الحلقه حلوه اوي وكتير عجبتني واراء جميله وعين العقل بصراحه استمتعت واني اقرأ يعطيكم العافيه في انتظار حلقات جديده