منتديات بنات مصر

منتديات بنات مصر (https://forums.banatmasr.net/)
-   فضفضة الأعضاء (https://forums.banatmasr.net/f137/)
-   -   نفسيتي تعبت (https://forums.banatmasr.net/msryat484131/)

اخت محمد 09-05-2014 04:03 PM

نفسيتي تعبت
 
انا لسة مخلصة ثانوية عامة بس انا تعبت فيها اوى اكت علطول ف الدروس بجيب الدرجة النهائية و مذاكرة و تعب و مشاوير كنت بنزل دروس من 12 الظهر برجع البيت 8 بليل كنت بنام لحا الساعة 1 و بفضل اذاكر لتانى يوووم المهم بعد ما خلصت امتحانات كنت فاكرة انى مش هنزل عن 96 ف المية انا اصلا علمى رياضة و كنت بحلم انى ابقى مهندسة اتصالات دى كانت امنية حياتى ل اتفاجأت انى جبت 89 فى المية نزلت 14 ف الرياضيات و 12 درجة عربى بابا رفض يعملى تظلم و كان راضى بنتيجتى
طبعا انا مرحلة تانية ثانوية عامة كتبت اول رغبة حاسبات بجميع الجامعات و بعدها كتبت تربية عام فجاتلى التربية كنت عاوزة ادخل علوم بس والدي رفض ادخلها علشان مالهاش مستقبل و كده بابا خاف عليا لانى كنت حزينة و خسيت اكتر من 10 كيلو من قلة الاكل و مكنتش بخرج ولا كنت بكلم حد حب يقدملى ف هندسة خاص لقى المصاريف غالية عليه اوى هو كان نفسه ابقى مهندسة كنت كل سنة بطلع من الاوائل ع المدرسة حتى كانوه فاكرين اني هجيب مجموع كبير و كده

انا دلوقتى جايبة درجة حلوة اوى ف الانجليزى ف انا هدخل تربية انجليزى بس كل ما افتكر الى تعبته ف ثانوى نفسيتى بتتعب ع المجهود الى كنت بعمله يطلع ف الاخر على تربية

ساحر الأحزان 09-05-2014 04:31 PM

مش تزعلى نفسك ولا تتضايقى

وشوفى رغبة تانية تكون محببة ليكى

ولا تبكى على اللبن المسكوب

وبصى لمستقبلك وركزى بقى فى الكلية المنتظرة ؟

وربنا يوفقك

حنان الجزائرية 09-05-2014 04:38 PM

لا ياحبيتي دى قدرك وانت مابتعرفي الخيروين
يمكن لو دخلتي هندسه كانت راح تواجهك مشاكل
في المستقبل انت مش قدها
مشان هيك ركزي في الانجليزي واكيد راح تنجحي
انا كمان مثلك كنت حابه ادخل صيدلة واواصل الدراسة بفرنسا
بس لانوا معدلي يسمحلي اعمل التخصص دى في الجزائر بس
غيرت الشعبة واهو راح ابتدي الدراسة في التسيير والاقتصاد
وتعبك مش على الفاضي دي كلها معلومات كسبتيها راح تلزمك
في حياتك
بالتوفيق ياحبيبتي
اتمنالك الاستمرار والنجاح

شاعر الحب الحزين 09-05-2014 04:43 PM

زي ما قال أخي أمجد

انسي الماضي بكل ما فيه وركزي ف مستقبلك بس

أنا عارف إن صعب القلب يتقبل فكرة النسيان بالسهولة دي

خصوصا إنه تعبك وجهدك وكل واحد نفسه عزيزة عليه ما يقبلش يضيع تعبها هدر

بس بما إنك قدامك مستقبل حاولي تتأقلمي مع موضوع التربية الإنجليزية

ومع الأيام هتنسي وترتاح نفسيتك بإذن المولى سبحانه وتعالى

اتمنالك السعادة والتوفيق

تسلمي للفضفضة الصريحة دي

ربنا يوفقك

الأميرة رودي 09-05-2014 04:43 PM

هى تربيه عموما مش وحشه
ده نصيبك وارضي بيه
ومش تظلمي والدك معاكي ف مصاريف كليه خاصه
اجتهدي انتى ف تربيه وعوضي اللى مقدرتيش تعمليه ف الثانويه
ممكن من التربيه تبقى حاجه كويسه اوي تشرفي والدك
بأنك تحطي طموح قدام عينك مش تكتفي بالبكالوريوس
ممكن تعملى دراسات عليا بعدها واكملى مشوارك ف التعليم للدكتوراه
الدنيا مش بتقف عند خساره معينه
بالعكس ممكن من خسارتك دي تبدأى مكسب جديد
ربنا يكرمك ويوفقك

اخت محمد 09-05-2014 04:52 PM

اصل ان المشكلة بابا و ماما مدرسين فصعبان عليهم انى ابقى زيهم كل اب و ام نفسه يكون عيالهم احسن منهم و الى شافوه ف التدريس مش عاوزيني اشوفوه

شاعر الحب الحزين 09-05-2014 05:16 PM

مفيش مشكلة انك تبقي مدرسة زيهم

مهمة التدريس بتختلف باختلاف الأجيال

وانتي خلي ثقتك كبيرة ف ربنا وف نفسك

وان شاء الله ربنا يوفقك

حنان الجزائرية 09-05-2014 05:41 PM

اقتباس:

المشاركة الأصلية كتبت بواسطة اخت محمد (Post 4609078)
اصل ان المشكلة بابا و ماما مدرسين فصعبان عليهم انى ابقى زيهم كل اب و ام نفسه يكون عيالهم احسن منهم و الى شافوه ف التدريس مش عاوزيني اشوفوه

فعلا دي دائما تحصل

انا كمان بابا دائما يقلي خليكي بعيدة عن الشركات

وادخلي التعليم هههههه ماتجي نغيرانا وياكي هههههه

انت استحملي بقى وحاولي تحبي التخصص دى

يلي فيه الخير ربي يجيبه

بالتوفيق حبيبتي

وردة الاسلام 09-05-2014 06:08 PM

شوفي حبيبتي هذي قسمتج بالدنيا وما كل ما يتمناه المرء يدركه والله شكاتبلج راح تشوفيه والله يوفقج بحياتج اني بنت اخويه طلعت معدل هذي السنه 96 مع اضافات المدرسه صارت 98 وهسه تريد طب اسنان وابوها ميخليها تروح طب اسنان يقول تعب يريدها تروح صيدله وهسه خطيه كلش محتاره

♥SaRa 09-05-2014 10:59 PM

معلش حبيبتي هوني عليكـِ كل شئ نصيب ومش لوحدكـ الي اتظلمتي فـ كتير كدهـ
وانتِ تحمدي ربنا انكـ دخلتي تربية تربية مش وحشة بالعكس تربية دي تعليم أجيال
وحاجة حلوة دهـ غيركـ كانوا متفوقين ومن الاوائل دائماً ودرجتهم كويس ودخلوا تجارهـ :(
وآكيد ربنآ شايل حاجة كويسة ليكـِ فيما بعد لأن ربنا عمرهـ ما بيظلم حد .
والله اعلم ربنا ممكن يجازكِ بخير بعدين فـ اية :)
ربنا يسعدكـ واحمدي ربنا وبلاش تحبطي نفسكـ احمدي ربنا :).


الساعة الآن 02:30 PM

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w