|
لماذا يستفز المراءة هذا الرجل ؟ مسائكم عطر لفت نظري في حوار بناتي بيني وبين صحباتي وصحابتهم كان بيدور حول الرجل الغامض الغير واضح الي ممنوع الاقتراب والاقتراب منه بحذر والغير متفسر للبنات والي حواليه دايما دوائر تعجب واستغراب وجميع الاحاديث تدور حوله والي مبيقربش من اي حد ودايما عندو تثقة بنفسه عالية وكلامو متذوق وشيك في لبسه وحركته ونظرته بس غير واضح هو عايز ايه او بيفكر في ايه او تقدر تدخله منين اصلا متعرفش مداخله ايه ودايما بيقولو ان الرجل الغامض دا هو محط اهتمام بنات كتير حوله وتقريبا هو اخر واحد عارف كدا ودايما شايف ان الموضوع دا مش مهم وتافه وانه عادي ومش متكلف ولا متصنع وكل مازادت الصفات الغير مفهومة وواضحة كل مازاد تعلق البنات فيه غيبا وسرا ويكثر الحديث عنه في مجالسهم ومن ضمن الاسباب الكتير الي بتخليه عامل زي الشمس في المجرة الكونية ان المراة بتحب التفاصيل وبتحب المعلومات وتعرف كل حاجة بدقة في الاخبار والاشخاص وطالما هو متقدرش تعرف عنه اي تفصيلة يبقى هو المرغوب والمتصارع عليه ممكن البعض يشوف ان دي تفاهات بناتية لكن هي في الحقيقة بتفسر طبيعة حواء في كيفية الدخول الى عقل وقلب ادم بعد دراسته ومتابعته وتمحيصة وتفصيله بدقة متناهية عدو المراة الاول والي يستفزها ويثير غضبها لو خسرت هو الغموض وبتعتبر ان دا صراع بين ذكائها والمختفي عنها في شخص فلان زي الحرب بينها وبين نفسها ونجاحها فيه يعتبر انجاز حققته ممكن جدا تكافئ نفسها عليه ويعتبر من ضمن انتصاراتها الرجل الغامض رجل يستفز المراة ويستفز ذكائها وهذا النوع من الرجال قادر وعارف وفاهم ان غموضه دا هيجذب الكثيرات حوله حتى وان كانت طبيعته هي الي بتخليه كدا فذنبه انه داخل في دائرة الحرب مع تطفل بعض النساء / لكل رجل غامض امراة تختبر ذكائها فيه / مجرد رؤية ايميليا الجنزوري |
مهو حلاوتة فى غموضة أيمى؟ لو كشف كل أوراقة وبقى كتاب مفتوح مش حيبقى فية فضول الستات فى البحث والتنقيب وكمان حيبقى كدة فقد كل أسلحتة فى الجاذبية والغموض ألى بيلفت أنتباة أى ست وتبقى عاوزة تعرف كل حاجة عنة رؤية جميلة ايمى موفقة |
انتى قلتيها بنفسك هذا النوع من الرجال قادر وعارف وفاهم ان غموضه دا هيجذب الكثيرات حوله حتى وان كانت طبيعته هي الي بتخليه كدا وعارف ان دة بيستفز المراءة لان فعلا حواء بتحب تعرف كل حاجة عن ادم عشان تعرف اسهل طريقة توصلة بيها |
رؤية موفقه مواضيعك ف القسم دا ليها شكل مختلف دمتى متميزه ايمي تسلمي بقى |
هى بتبقى مختلفه من شخص للتانى على فكره موضوع الغموض ده وزى ما قال امجد لو هو كشف كل اوراقه مش هيكون محط انتظار او جاذب لاحد بس انتى فعلا قولتى حاجه مهمه اوى بتداقيني اووى فى البنات :49: هو انتم ليه بتحبوا تفكوا الالغاز :102: وليه بتعذبوا نفسكم فى التفحيص والتمحيص :18: هو المظهر مش كل حاجه فى الرجل ما هو سوى مدخل فقط اهم شىء الجوهر والشخصيه والثقه فى النفس هى اكثر حاجه قادره على تحطيم قلب اى امرأة :04: تسلمى ايمى عجبنى الفكره اوى |
هههههههههه الرجل الغامض بسلامته متخفي ف نضاره :109: تيب مفروض ايميليــا نعاتب الي كانو السبب << واقصد حسين فهمي وسعاد حسني :18: يحني متهيالي لما بشوف افلام زمان بشوف الحياه بسيطه وكلمة غموض دي ابعد مايكون عن وصف اي رجل / بل بالعكس كانت اكتر صفه تشتهر بها النساء يحني لو ترجعي بالتاريخ / هتلائي ان كليوباترا اكتر امراه كانت غامضه علي مر التاريخ حتي من بعد هذا التاريخ شجر الدر كانت معني للغموض ونضيف عليها كلمة المكر :102: ودي صفه محدش يقدر ينكرها موجوده ف النساء :p ومع ذلك الغموض ف الرجل صفه ايجابيه وموش سلبيه عشان انتو يامعشر النساء :p << ومحدش يقولي دا بيوجه كلامه لعشيرته :102::18: لما المراه بتفهم الرجل وقتها بتقدر تتحكم وتسيطر عليه لانها بذكاءها الفطري بتبتدي تعرف نقاط ضعفه والاهم بتقدر تعرف المكان الي هتربطه منو عشان تجره وراها وعارف ان في اولاد هيزعلو مني لما بقول انكم بتجرونا بحبل وراكم << بس دي الحقيقه :18::102: وهونا بعض رجال وموش كلهم بيكونو من الذكاء انهم بيفهمو حيل والاعيب النساء:116: وعشان كوودا بيكون لهم من الذكاء انهم يكونو شي غامض لها عشان متقدرش تجره وراها بحبل رؤيتك كتير حلووه ايمي وفكر جميل وجديد دمتي متالقهـ |
صحيح اناشوفت كتيرمن البنات بتحب الرجل الغامض ولكن مايمنعش انه فيه كتيرمنهن يفضلن الابتعاد عن مثل هذه النوعية من الرجال خشية ان يحدث ملايحمدعقباه شكرا لك ايمى وهذا الطرح المفيد تحياتى وودى |
بوافقك على كلامك بنسبة 99% لإني بصراحة رجل غامض جدا الغموض ده بيبقى سببه الأكبر حب الوحدة والإنفصال والخجل المرأة بطبعها خجولة بس مش بتحب الوحدة أو الإنفصال أبدا الرجل الغامض بيفهم أطباع كل الناس اللي حواليه وصعب أي امرأة تقدر تفهم أطباع الرجل ده لأنه منغلق على نفسه ممكن يتكلم عن كل حاجة حواليه بس مش بيتكلم عن نفسه والأنثى بطبعها بتحب تعرف كل حاجة عن اللي قدامها الشاطرة بقى اللي عندها الحاسة السابعة وبتعرف تقرأ شخصية الرجل ودواخله من ملامحه من نظرة عنيه من كلامه عن اللي حواليه غير كده هيفضل الرجل الغامض مستفز للمرأة دايما أنا بحييكي بجد يا إيميليا على افكارك اللي ف محلها دايما ما شفتش موضوع واحد ليكي مش حلو ومش معبر عن أهداف معينة رؤيتك ف محلها دايما وكل مواضيعك أجمل من بعض يدوم تألقك ونشاطك الجميل يا إيميليا احترامي وتقديري |
يصراحه انا بشوف الغموض صفه ايجابيه في الرجل لان ده بيميزه عن غيره بيكون عاقل ورزين وافعاله كلها متزنه.. وده اكتر شي بيشد البنت لهذا الرجل .خصوصا ً انها بتحب تبحث عن جميع مكنوناته وتفهم طبعه .... ودايما تحب الشي الصعب ..طبع حوا بقي من قديم الأزل رؤيه جمنيله منك حبيبتي لروحك والسعاده... |
اقتباس:
ورجال متصنعين الغموض نورتني امجد |
| الساعة الآن 06:43 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب