|
استــــــــغمايه مساء الخير الموضوع عن احساس غريب اووي بس في حد ذاته جميل وخصوصا لما يجي وانت موجوع او وانت مش في مزاجك المطلوب من بلكونتي بصيت لبنوتات الجيران بيلعبوا لعبه كنت بلعبها انا واخواتي زمان استغمايه لما كنت بروح استخبي في حضن ماما واعمل نايمه ولا اقول لبابا خبيني وراك ومتقولش لآيه لتضربني فضلت عيني مركزة اوي عليهم وشوية ولاقيت دموعي مع ابتسامتي متجمعين وجوايا احساس غريب اوي هو المنظر عجبني وضحك البنات فرحني ولا انا غيرت منهم ولا عشان رجعت لذكريات حلوة اوي لما لاقيت جوايا حلم بنت صغيرة لسه عاوزة تعيش والحقيقه انسانه عجوزة ضحكتها صعب تخرج لان ببساطه مبقاش ليها مكان ولا وقت ولا سبب ولا يمكن لاني افتكرت حضن محتاجاله وصعب الاقيه والصعب اهون عليا من كلمه مستحيل بس بكبرياء سرقته من عيون ابني ضحكت وسألته امته هيجري ويلعب ويستخبي في حضني ويقولي احميني وهنا كان السؤال مين فينا اللي بيحمي التاني وانا قوتي باخدها منه وفرحتي معاه وبعيش علي نفسه وبستني بفارغ الصبر كلمه منه ما علينا المهم انا لسه في امل في جزء مني في ابن واخ وصاحب وحبيب واب وام كل دا في نظره ولمسه من ايد صغيرة اوي بتشفي وبتزيح كل الوجع عمرك في يوم حسيت انك اضعف من اضعف ضعيف ؟ عمرك قررت تضحك عشان تخبي دموع عينك ؟ عمرك احترت وفكرت اوي وانت بتختار بين موت وموت ؟ هو ايه اسهل انك تموت وتتحرم من اللي بيحبوك ولا يموتوا هما وتتعذب انت بغيابهم واحتياجك ليهم ؟ اخيرا / هو احنا عايزيم ايه من الدنيا غير اننا نبقي بس مرتاحين ندور جوانا علي حبه خير حبه سعاده حبه امل باختصار حاجة بسيطه تدوب معني الوجع ؟ الحمـــــــــــــــــــــد لله لو هتدور هتلاقي كل الشوك اللي محاصرك هيوديك لوردة جميله الشوك خلاك تعرف قيمه الوردة وتحمد ربنا انه بعتهالك بحبكم في الله :07: |
احساس جميل اوي بجد احساسك شوفي حبيبه قلبي الاجابه كلها محصوره في أسئلتك عشان حنين لماضي الطفوله وذكري جميله عشان الحضن اللي كان بيحمينا عشان اللي غابوا عنا وبفراقهم عذبونا عشان افتقدنا البسمه وقلوبنا حزينه عشان افتقدنا الخير ومليت قلوبنا الضغينه عشان نفوسنا بجد بقت مريضه الانسان ضعيف اووووووووي لدرجه مش تتصوريها لدرجه ان دمعته بتنزل من اقل موقف قدامه لو عشنا بحب وصفاء قلب ونيه ...يمكن نلاقي شي حلو جوانا يفرحنا لروحك كل الحب والسعاده حبيبتي |
ومين فينا ما حن لايام الطفوله واللعب فى الشارع والله لسه من قريب انا واخواتى عملنا حاجه مجنونه رسمنا الاولى على الارض وحاولنا اننا نلعبها تانى بس طبعاً ملهاش طعم ولا لذه زى ما كنا صغيرين فكرتينا بأيام جميله يا سما .. ربنا يخليلك محمد وتشوفي فيه كل اللى كنت بتتمنى تحققيه |
الحمدلله ربنايفرح الجميع فضفضة جميلة سما ربنايسعدك ان شاءالله مودتى |
|
كل الناس بتتمنى ترجع لـ ايام الطفوله الا انا :04::04: كنا بنعمل اللى مايتعملش واحنا صغيرين بس كانت ايام جميله والله يكفى ان كنا لما بنحب حد بنحبه واحنا منعرفش يعنى ايه حب كان حب بجد ربنا يسعدك و يفرحك يا ام محمد فضفضه جميله منك |
| الساعة الآن 02:38 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب