منتديات بنات مصر

منتديات بنات مصر (https://forums.banatmasr.net/)
-   فضفضة الأعضاء (https://forums.banatmasr.net/f137/)
-   -   بخاف انام ..~ (https://forums.banatmasr.net/msryat484685/)

Lamees 09-10-2014 11:08 PM

بخاف انام ..~
 
مساءكم محمل بكل الخير أن شاء الله
انا هنا لأني عايز أفضفض شوية معاكم
حاجة تعباني شوية وهي اني بخاف انام
مهما كنت تعبانة ومش بنام غير لما يفيض بيا النعس اوي
بس مش هي دي المشكلة انا بضطر أنام فعلاً
المشكلة لما بنام بعد ما اغرق في النوم بساعة أو ساعتين تقريباً
بحس أن في حد صحاني من النوم بفزع وبقوم مش قادرة أخد نفسي
بقوم بسرعة من على سريري ومكنش عارفة في ايه بحس أني بموت
فكرت يمكن لما بكون زعلانة وانام وانا كده بيحصل الكلام ده
بس الموضوع اتكرر كتير لدرجة أني بقيت أخاف أنام
بفكر أني ممكن أقوم مرة من المرات أكون بموت فعلاً
من فترة كان بيجيلي شلل النوم تقريباً يومياً
خاصاً بعد الفجر وكانت حاجة متعبة جداً
لكن من يوم ما جيت البيت ده يعني من أول رمضان
مجاش الجاسوم تاني بس اتبدل الحال باللي بحكيه ده
الموضوع الأول كان عادي بالنسبة لي
بس حالياً الموضوع بيرهقني جداً نفسياً وجسدياً
أنا بحس أن نفسي مخنوق
وجسمي وجعني من عدم قدرتي على التنفس
طيب حد هيقولي نامي على وضوء ومتنسيش الأذكار
أنا بعمل كده فعلاً بس الأمر زي ما هو
مش بفكر أعمل حاجة تغضب ربنا زي أني اروح لدجال او كده
بس عايزة أسأل حد أثق في عقله يمكن يقدر يساعدني
بس كده وشكراً للأستماع

phalsteen 09-10-2014 11:26 PM

مش يمكن في حاجة تعباكي
او بتفكري كتير
والنوم محتاجه منك راحه ذهنيه
متقعديش لوحدك قبل ما تنامي
ونامي بعد ما تصلي ع طول
هي فعلا مشكله بتتعب كتير
بس حاولي بالارادة قوية
تشوفي اللي جواكي
مخلي النوم بعيد عنك
وطول ما انتي قريبه من ربنا متخافيش

العندليب الاسـمر 09-10-2014 11:33 PM

اختي الكريمة

قد لا اضيف كثيرا بتقديم نصائح عملية فيما يمكن ان تفعلينه قبل النوم واثناة مما نصت عليه السنة وواضح انك ما شاء الله تعرفينها وتحافظين عليها من النوم علي وضوء الي الاذكار الي النوم علي الجانب الايمن الي الذكر اذا انقلبنا في فراشنا الخ

لكن في نظري ان اهم من العمل بل ولابد ان يسبقه هو الاعتقاد
بمعني ان اهم من قول توكلت علي الله هو الاعتقاد الفعلي الجازم الراسخ في القلب ان تكالي فعلا علي الله
وفي حالتك اعتقد ان لديك مشكلة في الخوف من المجهول او انك من النوع الذي تحبين مواجه ما تعرفين وتخشين ما تجهلين وعلاجة الوحيد في نظري لابد ان تكوني علي يقين وانتي تضعين راسك فوق مخدتك انه لا احد ولا شئ لا عرض ولا مرض قادر علي ان يصيبك باذي الا لو اراد الله ذلك
وما دام اراد الله ذلك فلا حول لنا ولا قوة فلما نرهق انفسنا بالخوف من المرض او الخوف من الموت الخوف مما يمكن ان ياتيني في فراشنا او ياتينا ونحن علي حين غفلة ما دام انه غير قادر علي اصابتنا باذي ما لم يرد له الله ذلك

متعك الله بالصحة والعافية اختي الكريمة
وبالمناسبة صورتك الاولي كانت اكثر تعبيرا عنك ( راي )

شاعر الحب الحزين 09-11-2014 12:00 AM

روني

انا كانت بتجيلي الحالة دي تقريبا

بتحسي ان نفسك متدايق وبتخافي تنامي عشان خايفة

يحصللك حاجة ويدايق نفسك وانتي نايمة الشر بره وبعيد

واديني دلوقتي عادي

بصي انتي لو خايفة ونفسك بيفضل مدايقك على طول

روحي خدي تبخيرة عشان ممكن يبقى في نقص في الأوكسجين

التبخيرة دي هتحل مشكلة التنفس دي وهي كده كده هتروح لوحدها

بس الأحسن انك تاخدي التبخيرة لو خايفة ونفسك مدايقك دايما

بتمنالك الشفا اكيد يا روني

بس مش عايزك تخافي اطمني يا روني مشكلتك بسيطة جدا

ان شاء الله ربنا يشفيكي ويقويكي

خلي بالك من نفسك ومن صحتك

Aya 7ekaya 09-11-2014 12:48 AM

الحاله دى كانت بتجيلى ف وقت كان عندى مشكله كبيرة وكنت تعبانه نفسيا جداوكنت بقوم من النوم مش قادرة اتنفس
بس مع الوقت بقيت احس لانى بدأت اتعايش مع المشكله
حاولى تروحى لدكتو طيب هو ممكن يفيدك لو الناحيه طبيه

Lamees 09-11-2014 01:43 AM

اقتباس:

المشاركة الأصلية كتبت بواسطة nefertiti (Post 4615075)
مش يمكن في حاجة تعباكي
او بتفكري كتير
والنوم محتاجه منك راحه ذهنيه
متقعديش لوحدك قبل ما تنامي
ونامي بعد ما تصلي ع طول
هي فعلا مشكله بتتعب كتير
بس حاولي بالارادة قوية
تشوفي اللي جواكي
مخلي النوم بعيد عنك
وطول ما انتي قريبه من ربنا متخافيش


من ناحية في حاجة تعباكي فأكيد في
ومن ناحية بفكر كتير مش هكدب عليكِ
حريقة في التفكير بس كل الناس تعبانة وبتفكر
كلهم كده زيي مخنوقين وتعبانين وحتى النوم مش بيعرفوا يناموا
انا عارفة اللي جوايا كويس بس تعبت من الضغط ده

نورتيني سما
تسلمي حبيبتي

Lamees 09-11-2014 01:46 AM

اقتباس:

المشاركة الأصلية كتبت بواسطة العندليب الاسـمر (Post 4615085)
اختي الكريمة

قد لا اضيف كثيرا بتقديم نصائح عملية فيما يمكن ان تفعلينه قبل النوم واثناة مما نصت عليه السنة وواضح انك ما شاء الله تعرفينها وتحافظين عليها من النوم علي وضوء الي الاذكار الي النوم علي الجانب الايمن الي الذكر اذا انقلبنا في فراشنا الخ

لكن في نظري ان اهم من العمل بل ولابد ان يسبقه هو الاعتقاد
بمعني ان اهم من قول توكلت علي الله هو الاعتقاد الفعلي الجازم الراسخ في القلب ان تكالي فعلا علي الله
وفي حالتك اعتقد ان لديك مشكلة في الخوف من المجهول او انك من النوع الذي تحبين مواجه ما تعرفين وتخشين ما تجهلين وعلاجة الوحيد في نظري لابد ان تكوني علي يقين وانتي تضعين راسك فوق مخدتك انه لا احد ولا شئ لا عرض ولا مرض قادر علي ان يصيبك باذي الا لو اراد الله ذلك
وما دام اراد الله ذلك فلا حول لنا ولا قوة فلما نرهق انفسنا بالخوف من المرض او الخوف من الموت الخوف مما يمكن ان ياتيني في فراشنا او ياتينا ونحن علي حين غفلة ما دام انه غير قادر علي اصابتنا باذي ما لم يرد له الله ذلك

متعك الله بالصحة والعافية اختي الكريمة
وبالمناسبة صورتك الاولي كانت اكثر تعبيرا عنك ( راي )


نعم أخاف من المجهول فانا لا أعلمه
وأعلم أن أمري بيد الله وليس في أمكان أحد
أن يؤذيني ألا بأمر الله

شكراً لمرورك أخي
أسعدني تواجدك الكريم

Lamees 09-11-2014 01:50 AM

اقتباس:

المشاركة الأصلية كتبت بواسطة شاعر الحب الحزين (Post 4615113)
روني

انا كانت بتجيلي الحالة دي تقريبا

بتحسي ان نفسك متدايق وبتخافي تنامي عشان خايفة

يحصللك حاجة ويدايق نفسك وانتي نايمة الشر بره وبعيد

واديني دلوقتي عادي

بصي انتي لو خايفة ونفسك بيفضل مدايقك على طول

روحي خدي تبخيرة عشان ممكن يبقى في نقص في الأوكسجين

التبخيرة دي هتحل مشكلة التنفس دي وهي كده كده هتروح لوحدها

بس الأحسن انك تاخدي التبخيرة لو خايفة ونفسك مدايقك دايما

بتمنالك الشفا اكيد يا روني

بس مش عايزك تخافي اطمني يا روني مشكلتك بسيطة جدا

ان شاء الله ربنا يشفيكي ويقويكي

خلي بالك من نفسك ومن صحتك

أنا مش عندي مشكلة صحية بالعكس أنا الحمد لله
صحتي كويسة جداً ولا أعاني مشكلة في التنفس
من ناحية طبية الحالة بعيدة عن المرض
هو انا بحس ان في حد صحاني وكأن بسم الله
حاجة مش من البشر وبحس أن حاجة خنقاني وكأني
في عالم غير عالمنا ومش حاسة بحد ولا بحاجة
بأخد دقايق عشان افوق واعرف انا فين ويتحسن نفسي
وأقدر أفكر أنا هعمل أيه هنام تاني او هعمل اي حاجة تانية
تنسيني الضيقة اللي حسيت بيها

شكراً لمرورك خالد
أسعدني تواجدك
دمت بخير

Lamees 09-11-2014 01:53 AM

اقتباس:

المشاركة الأصلية كتبت بواسطة aya 7ekaya (Post 4615138)
الحاله دى كانت بتجيلى ف وقت كان عندى مشكله كبيرة وكنت تعبانه نفسيا جداوكنت بقوم من النوم مش قادرة اتنفس
بس مع الوقت بقيت احس لانى بدأت اتعايش مع المشكله
حاولى تروحى لدكتو طيب هو ممكن يفيدك لو الناحيه طبيه

فكرت أيه في موضوع الدكتور بس انتِ عارفة
دكتور نفسي هيسألوا ليه وعشان أيه
محدش هيفهم وجهة نظرك
والكل هيلومك ومش بعيد يقولوا عليكِ
انك لسعتي كمان ^_^
الله المستعان

شكراً يا جميلة لمرورك الجميل

شاعر الحب الحزين 09-11-2014 02:06 AM

اقتباس:

المشاركة الأصلية كتبت بواسطة اطياف الماضي (Post 4615212)
أنا مش عندي مشكلة صحية بالعكس أنا الحمد لله
صحتي كويسة جداً ولا أعاني مشكلة في التنفس
من ناحية طبية الحالة بعيدة عن المرض
هو انا بحس ان في حد صحاني وكأن بسم الله
حاجة مش من البشر وبحس أن حاجة خنقاني وكأني
في عالم غير عالمنا ومش حاسة بحد ولا بحاجة
بأخد دقايق عشان افوق واعرف انا فين ويتحسن نفسي
وأقدر أفكر أنا هعمل أيه هنام تاني او هعمل اي حاجة تانية
تنسيني الضيقة اللي حسيت بيها

شكراً لمرورك خالد
أسعدني تواجدك
دمت بخير

بصي يا روني هقوللك حاجة

الحالة دي متجيش ليكي غير وقت النوم صح

صعب تجيلك في النهار أو طول ما انتي صاحية

عمر التفكير ما كان له دخل ف التنفس

ربنا يزيدك صحة وعافية يا روني

طيب بما إنك مش عايزة تروحي لدكتور ولا تاخدي تبخيرة

بصي ما تنعزليش عن الناس ما تبقيش لوحدك يا روني

ما تفكريش في أي حاجة سلبية تدايقك

كلمة بخاف انام في حواليها مية علامة استفهام

نامي على جنبك اليمين واستعيذي بالله من الشيطان الرجيم

وقولي باسمك ربي وضعت جنبي وباسمك ارفعه اللهم ان امسكت نفسي

فارحمها وان ارسلتها فاحفظها بما تحفظ به عبادك الصالحين

وان شاء الله هتنامي مرتاحة يا روني


الساعة الآن 10:17 PM

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w