|
بخاف انام ..~ مساءكم محمل بكل الخير أن شاء الله انا هنا لأني عايز أفضفض شوية معاكم حاجة تعباني شوية وهي اني بخاف انام مهما كنت تعبانة ومش بنام غير لما يفيض بيا النعس اوي بس مش هي دي المشكلة انا بضطر أنام فعلاً المشكلة لما بنام بعد ما اغرق في النوم بساعة أو ساعتين تقريباً بحس أن في حد صحاني من النوم بفزع وبقوم مش قادرة أخد نفسي بقوم بسرعة من على سريري ومكنش عارفة في ايه بحس أني بموت فكرت يمكن لما بكون زعلانة وانام وانا كده بيحصل الكلام ده بس الموضوع اتكرر كتير لدرجة أني بقيت أخاف أنام بفكر أني ممكن أقوم مرة من المرات أكون بموت فعلاً من فترة كان بيجيلي شلل النوم تقريباً يومياً خاصاً بعد الفجر وكانت حاجة متعبة جداً لكن من يوم ما جيت البيت ده يعني من أول رمضان مجاش الجاسوم تاني بس اتبدل الحال باللي بحكيه ده الموضوع الأول كان عادي بالنسبة لي بس حالياً الموضوع بيرهقني جداً نفسياً وجسدياً أنا بحس أن نفسي مخنوق وجسمي وجعني من عدم قدرتي على التنفس طيب حد هيقولي نامي على وضوء ومتنسيش الأذكار أنا بعمل كده فعلاً بس الأمر زي ما هو مش بفكر أعمل حاجة تغضب ربنا زي أني اروح لدجال او كده بس عايزة أسأل حد أثق في عقله يمكن يقدر يساعدني بس كده وشكراً للأستماع |
مش يمكن في حاجة تعباكي او بتفكري كتير والنوم محتاجه منك راحه ذهنيه متقعديش لوحدك قبل ما تنامي ونامي بعد ما تصلي ع طول هي فعلا مشكله بتتعب كتير بس حاولي بالارادة قوية تشوفي اللي جواكي مخلي النوم بعيد عنك وطول ما انتي قريبه من ربنا متخافيش |
اختي الكريمة قد لا اضيف كثيرا بتقديم نصائح عملية فيما يمكن ان تفعلينه قبل النوم واثناة مما نصت عليه السنة وواضح انك ما شاء الله تعرفينها وتحافظين عليها من النوم علي وضوء الي الاذكار الي النوم علي الجانب الايمن الي الذكر اذا انقلبنا في فراشنا الخ لكن في نظري ان اهم من العمل بل ولابد ان يسبقه هو الاعتقاد بمعني ان اهم من قول توكلت علي الله هو الاعتقاد الفعلي الجازم الراسخ في القلب ان تكالي فعلا علي الله وفي حالتك اعتقد ان لديك مشكلة في الخوف من المجهول او انك من النوع الذي تحبين مواجه ما تعرفين وتخشين ما تجهلين وعلاجة الوحيد في نظري لابد ان تكوني علي يقين وانتي تضعين راسك فوق مخدتك انه لا احد ولا شئ لا عرض ولا مرض قادر علي ان يصيبك باذي الا لو اراد الله ذلك وما دام اراد الله ذلك فلا حول لنا ولا قوة فلما نرهق انفسنا بالخوف من المرض او الخوف من الموت الخوف مما يمكن ان ياتيني في فراشنا او ياتينا ونحن علي حين غفلة ما دام انه غير قادر علي اصابتنا باذي ما لم يرد له الله ذلك متعك الله بالصحة والعافية اختي الكريمة وبالمناسبة صورتك الاولي كانت اكثر تعبيرا عنك ( راي ) |
روني انا كانت بتجيلي الحالة دي تقريبا بتحسي ان نفسك متدايق وبتخافي تنامي عشان خايفة يحصللك حاجة ويدايق نفسك وانتي نايمة الشر بره وبعيد واديني دلوقتي عادي بصي انتي لو خايفة ونفسك بيفضل مدايقك على طول روحي خدي تبخيرة عشان ممكن يبقى في نقص في الأوكسجين التبخيرة دي هتحل مشكلة التنفس دي وهي كده كده هتروح لوحدها بس الأحسن انك تاخدي التبخيرة لو خايفة ونفسك مدايقك دايما بتمنالك الشفا اكيد يا روني بس مش عايزك تخافي اطمني يا روني مشكلتك بسيطة جدا ان شاء الله ربنا يشفيكي ويقويكي خلي بالك من نفسك ومن صحتك |
الحاله دى كانت بتجيلى ف وقت كان عندى مشكله كبيرة وكنت تعبانه نفسيا جداوكنت بقوم من النوم مش قادرة اتنفس بس مع الوقت بقيت احس لانى بدأت اتعايش مع المشكله حاولى تروحى لدكتو طيب هو ممكن يفيدك لو الناحيه طبيه |
اقتباس:
من ناحية في حاجة تعباكي فأكيد في ومن ناحية بفكر كتير مش هكدب عليكِ حريقة في التفكير بس كل الناس تعبانة وبتفكر كلهم كده زيي مخنوقين وتعبانين وحتى النوم مش بيعرفوا يناموا انا عارفة اللي جوايا كويس بس تعبت من الضغط ده نورتيني سما تسلمي حبيبتي |
اقتباس:
نعم أخاف من المجهول فانا لا أعلمه وأعلم أن أمري بيد الله وليس في أمكان أحد أن يؤذيني ألا بأمر الله شكراً لمرورك أخي أسعدني تواجدك الكريم |
اقتباس:
صحتي كويسة جداً ولا أعاني مشكلة في التنفس من ناحية طبية الحالة بعيدة عن المرض هو انا بحس ان في حد صحاني وكأن بسم الله حاجة مش من البشر وبحس أن حاجة خنقاني وكأني في عالم غير عالمنا ومش حاسة بحد ولا بحاجة بأخد دقايق عشان افوق واعرف انا فين ويتحسن نفسي وأقدر أفكر أنا هعمل أيه هنام تاني او هعمل اي حاجة تانية تنسيني الضيقة اللي حسيت بيها شكراً لمرورك خالد أسعدني تواجدك دمت بخير |
اقتباس:
دكتور نفسي هيسألوا ليه وعشان أيه محدش هيفهم وجهة نظرك والكل هيلومك ومش بعيد يقولوا عليكِ انك لسعتي كمان ^_^ الله المستعان شكراً يا جميلة لمرورك الجميل |
اقتباس:
الحالة دي متجيش ليكي غير وقت النوم صح صعب تجيلك في النهار أو طول ما انتي صاحية عمر التفكير ما كان له دخل ف التنفس ربنا يزيدك صحة وعافية يا روني طيب بما إنك مش عايزة تروحي لدكتور ولا تاخدي تبخيرة بصي ما تنعزليش عن الناس ما تبقيش لوحدك يا روني ما تفكريش في أي حاجة سلبية تدايقك كلمة بخاف انام في حواليها مية علامة استفهام نامي على جنبك اليمين واستعيذي بالله من الشيطان الرجيم وقولي باسمك ربي وضعت جنبي وباسمك ارفعه اللهم ان امسكت نفسي فارحمها وان ارسلتها فاحفظها بما تحفظ به عبادك الصالحين وان شاء الله هتنامي مرتاحة يا روني |
اولاً كتير مننا بيعاني من حاجة زي كدهـ انا شخصياً كانت بتحصل ليا فـ اوقات كنت بكون تعبانة نفسياً جداً ولكن حالياً انا كويسة لكن مش بقدر انام بفضل صاحية لغاية ما خلاص فجأهـ انام لوحدي ودهـ من كتير التفكير . التفكير مش بيخلي حد ينام حاولي تريحي مخكـ من التفكير وتكبري دماغكـ #جمدي اعصابكـ وكمان حاولي تشغلي قرآن لما تنامي وتسبية شغال عـ راديو اوي اي حاجة اما بالنسبة للصحيان المفاجئ لما كان بيحصل ليا صراحة قرأت عنة كتير وأغلبة حاجات عن الحسد وان مفروض الوآحد يشغل قرآن وفـ منهم فسروهـ علمياً ان بيكون حد مشتاقلكـ اوي وبيفكر فيكـِ جداً لدرجة انة حاول يعمل معاكـِ اتصال عبر المخ وانتِ نايمة فـ بيسبب انكـ تصحي مفزوعة وتحسي انكـ مش قادرهـ تآخدي نفسكـ صراحة دهـ كل الي عندي ..لكن حبيبتي لا تقلقي وان شاء الله خير وزي ما شوفتي لم تعاني بذلكـ لوحدكـ كتير مننا عانا بسبب نفس الشئ وان شاء الله ربنا يعافيكـِ ي رب ي روني. |
اقتباس:
اوكي هعمل كده وربنا الشافي شكراً لوجودك مرة تانية خالد تسلم يارب |
اقتباس:
عموماً يا حبيبتي انتِ في كلامك شيء من الصح فعلاً وأن كان حسد ربنا أن شاء الله هيبعده عني تسلمي لوجودك يا جميلة |
يا اختي الكريمة في رايي الشخصي ما دمتي تقرين بانك فعلا تخافين من المجهول فهذا هو المعضل الحقيقي سواء عندما كنت تتعرضين لما يسمي الجاسوم او اثناء تعرضك لهذه الحالة التي تنتابك حاليا فطبيعة خلق الله سبحانه وتعالي للانسان هي الضعف ليظل العاقل متعلقا ًبالله عز وجل في كل أحواله .. فهو أضعف من المرض .. ومن نفسه الشهوانية التي بين جنبيه .. ومن وسوسة الشيطان .. وهو أضعف من الجن ولا يراهم وهم يرونه .. وهو أضعف من الكوارث البيئية .. إلخ إلخ إلخ فالعاقل كما قلت : هو مَن يعرف أن الملجأ الحق الذي هو فوق الجميع وخالقهم : هو الله عز وجل .. وقد شبه العلماء حال الإنسان العاقل بالطفل الصغير الذي إن ابتعد عن أبيه ضربه سائر الأطفال الأقوى منه !!!.. أو بالماشي الذي تنبحه الكلاب ويخاف منها وهي أقوى منه وعلى افتراسه قادرة .. فلا مخرج له إلا باللجوء إلى صاحبها !!!.. فهل يتركنا راعينا علي ضعفنا لتفترسنا الوحوش او تفتك بنا المجاهيل دون مقاومة بالطبع لا بل وضع بين ايدينا طول الوقت سلاح ٌلا يملكه احد غيرنا! وقوة يقين في قلب كل متشكك !!!.. هي ثلاث سور ٍأشبه بالمسدس الذي بمجرد أن تمسكيه : يخاف منك الكل ويتسمر مكانه هلعا ً!!.. ولكن المشكلة الحقيقية هي : ان المسدس لا يكون له قوة حقيقية مؤثرة وقادرة علي الاطلاق في وجه عدوك الا بمستوي يقينك الظاهر والباطن بقوتة وتاثيرة ؟!!!.. لأن عدوك سيعرف ويشعر بهذا اليقين بل وسيخاف منك ويهابك او يطمع فيك ويقترب تبعا لهذا اليقين وسيستمر خوفك أمام أعدائك حتى وأنت ممسكة به !!!.. ولكن لو عرفتي فسيظهر في ثقتك وأنت ممسكة به وتقتربين من أعدائك بلا خوف !!.. وهذه الثلاث سور القصيرة هي : الإخلاص والمعوذتين ابحثي في معانيها وتامليها وانت تقرايها ولا تدعيها تفارق لسانك ليل نهار وسيذهب عنك ما يخيفك باذن الله وحوله وقوته اقرأيها بعد هذه اللحظة بشعور ٍجديد .. وبيقين ٍأكيد ..وسيتصاغر امام عينيك كل ما يخيفك لانك ستكونين علي يقين جازم بانك اقوي منها لا بقوتك الجسدية الضعيفة وانما بيقينك بمعية الله عز وجل ولا انصحك مطلقا باللجوء الي العرافين ولعياذ بالله وانما ان كان ولابد فعليك بالرقية الشرعية وسادرجها لحضرتك بعد قليل ن شاء الله اتمني لك الخير حيث كان والسعادة حيث وجدت |
رونى العظيمة صاحبة القلب والعقل الكبيرين كثيرامايتملكنا الشيطان بافعاله فهو الذى يوسوس لنادوما ليخرجنا من ايماننا وتمرالنفس بحالات من التوتر فيستغلها اللعين فذاك ضشيئ عادى لاتعريه انتباه واكثرى من ذكرالله عفاك الله وحفظك ورعاك ودمت بخيروسلام |
الحاله دي بسبب ضغط نفسي او مشاكل او مخنوقه من حاجه انا شايفه انك تريحي نفسك من كل حاجه حواليكي وتختلطي بالناس ولا كان فيه حاجه |
| الساعة الآن 03:50 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب