منتديات بنات مصر

منتديات بنات مصر (https://forums.banatmasr.net/)
-   فضفضة الأعضاء (https://forums.banatmasr.net/f137/)
-   -   إوعـــــى تيـــــأس (https://forums.banatmasr.net/msryat484759/)

شاعر الحب الحزين 09-11-2014 03:48 PM

إوعـــــى تيـــــأس
 
السلام عليكم ورحمة اله وبركاته


إمبارح لعبت ماتش كورة غريب شوية

كنت بلعب لوحدي ضد 4 الأول عنده 17 والتاني

عنده 16 سنة والتالت عنده 12 والرابع عنده 11

أنا اللي طلبت اتحداهم كلهم يبقوا مع بعض ضدي

أكيد التفاصيل كلها بتشير إنهم يغلبوني نتيجة كبيرة جدا

بس الحقيقة اني كسبت وغلبتهم 10 _ 8

مع إن المباراة مش متكافئة وانا لوحدي كنت بلاعبهم

لا وكمان التغى ليا هدف بداعي التسلل :p


اللي عايز اقوله من خلال كلامي إن ف الحياة

عشان تحافظ على حلمك وأمنياتك لازم يكون عندك إصرار

هتتهاجم من ناس كتير لإرغامك على الإستسلام

والتخلي عن أمنياتك وطموحاتك ولازم تدافع كويس عن نفسك

هيتم إلغاء اكتر من هدف من أهدافك بس إوعى تيأس

سجل تاني وتاني كل ما قدرت ولقيت الفرصة مناسبة


هي الحياة دي زي ماتش كورة اللعب الجماعي

وتسجيل الأهداف بيخليك تكسب الماتش

وكل ماتش تكسبه ترتفع على سلم ترتيب الفرق

عشان كده اختار ناس صح يبقى هدفهم الوحيد

انهم يرفعوك وتساعدهم ويساعدوك انك تحقق حلمك

وإوعى تيأس لو خسرت وتقول لعبنا كويس وخسرنا

لا خلي الخسارة دي شعلة أمل واصنع منها قوتك

عشان تقدر تواجه ظروف الحياة الصعبة اللي بنعيشها


فوتكم بعافية

phalsteen 09-11-2014 05:28 PM


انا بعشق التحدي
طول ما انت جواك ارادة وتفائل
هتقدر
لو عرفك اليأس
عمرك ما هتشوف طريق النجاح
ومبروك الفوز بئه
عقبال الدوري ^_^
منور ابو ساجد

*قمر* 09-11-2014 05:32 PM

الحياه مش دايما نجاح ولا دايما فشل لازم نمر بالاتنين بس مش فى وقت الفشل نقف ونياس ونقول خلاص كده انا حاولت مفيش حاجه بتيجى من اول مره والمره اللى هتفشل فيها اكيد هتتعلم والمره اللى بعدها تحاول تبعد عن الغلط اللى عملته الدنيا مش بتقف عشان حد فشل او غلط وكل ماتاخرت فى تحقيق اللى انت عايزه كل ماكان طعم النجاح احلى بكتير دايما خلى عندك امل فى بكره وان ربنا هيعوضك بالاحسن هترتاح كتير فى حياتك ومتسمعش لكلام الناس عشان دايما بتتكلم فى فشلك وفى نجاحك حاجتين بس اللى يهموك انك متعملش حاجه تغضب ربنا وانك توصل لهدفك وتحققه
الله يعطيك العافيه

ana lola 09-11-2014 06:38 PM

عارف احنا بنسميها روح التحدى : ))
# ولو مش الانسان عنده القدره على المواجهه هيبقى ضعيف وهيتملكه
اليأس فعلا زى ما قولت
الحياه عمتآ لعبه لازم تجرب فيها كل حاجه
ولازم يكون عندنا جراءه لكدا ...

مُنـــــايا 09-11-2014 08:03 PM




التحدي جميل لكي تستطيع تكملة مسيرتك
لان الحياه لا تقف عند حد مُعين ساعه فشل وساعه يأس وساعه نجاح
لكن المهم قوة الاداره والمواجهه ....

لروحك السعاده



ساحر الأحزان 09-11-2014 08:34 PM

درس جميل فعلا يا خالد

والتحدى عكس الياس

كن على يقين

انك تقدر وتعبر

وما تفقد الامل

ربنا يوفقك

شاعر الحب الحزين 09-11-2014 08:52 PM

اقتباس:

المشاركة الأصلية كتبت بواسطة nefertiti (Post 4615752)

انا بعشق التحدي
طول ما انت جواك ارادة وتفائل
هتقدر
لو عرفك اليأس
عمرك ما هتشوف طريق النجاح
ومبروك الفوز بئه
عقبال الدوري ^_^
منور ابو ساجد

اكيد الإرادة والعزيمة هي

السبيل للنجاح واليأس هو اللي بيقتل الأمل

الله يبارك فيكي يا أم حمني

تسلمي لحضورك الجميل ده

نورتيني وسعيد بردك وكلامك

احترامي وتقديري

شاعر الحب الحزين 09-11-2014 08:59 PM

اقتباس:

المشاركة الأصلية كتبت بواسطة *قمر* (Post 4615758)
الحياه مش دايما نجاح ولا دايما فشل لازم نمر بالاتنين بس مش فى وقت الفشل نقف ونياس ونقول خلاص كده انا حاولت مفيش حاجه بتيجى من اول مره والمره اللى هتفشل فيها اكيد هتتعلم والمره اللى بعدها تحاول تبعد عن الغلط اللى عملته الدنيا مش بتقف عشان حد فشل او غلط وكل ماتاخرت فى تحقيق اللى انت عايزه كل ماكان طعم النجاح احلى بكتير دايما خلى عندك امل فى بكره وان ربنا هيعوضك بالاحسن هترتاح كتير فى حياتك ومتسمعش لكلام الناس عشان دايما بتتكلم فى فشلك وفى نجاحك حاجتين بس اللى يهموك انك متعملش حاجه تغضب ربنا وانك توصل لهدفك وتحققه
الله يعطيك العافيه

كلامك جواهر مكنونة يا قمر اكيد بنفشل أحيانا

بس لازم الفشل ده يبقى سبب لاستجماع قوانا

ودافع اكبر لنجاحنا ومش لازم نيأس أبدا

والنقطتين اللي ذكرتيهم في الاخر مهمين جدا

وهما اللي من خلالهم نقدر نوصل لأمنياتنا واحلامنا

الله يعافيكي يا قمر

مداخلة جميلة جدا وتفاعل ولا أروع

احترامي وتقديري

شاعر الحب الحزين 09-11-2014 09:20 PM

اقتباس:

المشاركة الأصلية كتبت بواسطة ana lola (Post 4615784)
عارف احنا بنسميها روح التحدى : ))
# ولو مش الانسان عنده القدره على المواجهه هيبقى ضعيف وهيتملكه
اليأس فعلا زى ما قولت
الحياه عمتآ لعبه لازم تجرب فيها كل حاجه
ولازم يكون عندنا جراءه لكدا ...

اهو كده بالزبط يا لولا

لو عندنا الجرأة وحب التحدي مش هنغلب فيها

هي فعلا لعبة والشاطر اللي يكسب بقى

تسلمي لولا نورتيني بوجودك وتفاعلك الجميل

احترامي وتقديري

شاعر الحب الحزين 09-11-2014 09:25 PM

اقتباس:

المشاركة الأصلية كتبت بواسطة مُنـــــايا (Post 4615839)



التحدي جميل لكي تستطيع تكملة مسيرتك
لان الحياه لا تقف عند حد مُعين ساعه فشل وساعه يأس وساعه نجاح
لكن المهم قوة الاداره والمواجهه ....

لروحك السعاده



فعلا هي الحياة متقلبة الظروف

لازم نتعود على كل معطياتها

ويكون هدفنا الوحيد تحقيق امنياتنا

حضورك راقي وتواجد رائع منايا

احترامي وتقديري


الساعة الآن 09:40 AM

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w