منتديات بنات مصر - لقاء مع عضو جديد ومعانا ((كليوباترا *))

http://banatmisr.com/up3/uploads/1410543921452.jpg

السلام عليكم

غابت عننآ منه ( دمعه حائرة ) وكلنآ افتقدنآها :17:

ولانها كانت ديما حريصه على الترحيب بالاعضاء الجدد قررناآ نرجع جزء من تواجد منه معانا رغم ان تواجدها بيننآ عمرة ما هيتعوض

والنهاردة هيكون معايا عضوة جديده جميله

كليوباترا *

عضو مشارك

http://forums.banatmisr.com/imgcache...708alsh3er.gif http://forums.banatmisr.com/imgcache...708alsh3er.gif http://forums.banatmisr.com/imgcache...708alsh3er.gif

http://forums.banatmisr.com/image.ph...ine=1410537419

http://forums.banatmisr.com/imgcache...709alsh3er.gif

الاول اهلا بيكى فى المنتدى

http://forums.banatmisr.com/imgcache...710alsh3er.gif

عرفينا بنفسك

اهلا وسهلا بيكى وبكل اعضاء المنتدى( عائلتى التانية ) ^^

احم احم

بسم الله الرحمن الرحيم ..

انا عضوة فى منتدى بنات مصر

بتمنى دائما اكون افضل وافضل

وبحب اكون سعيده واعيش سعيده

وانقل سعادتى دى للناس كلها

عندى 17سنه<< و نص كده ^^

طالعه 1 جامعه وربنا يوفقنى اصل فى الحقيقة المجال بتاعى مش سهل ابدا

وعاوز ثقافه ومجهود

بشوف دائما ان الانسان لازم يعيش حياته صح

و يسلك الطرق الصح اللى توصله للنجاح و اللى هو عاوزه

وعشان كده بشوف ان

لازم الانسان يشتغل على تطوير نفسه اكثر

و يبص لقدام .. ما يفكرش فى الماضى ولا فى الحاضر

^^ يمكن ناس فى حياتى استغربت من كميه الصبر و التفاؤل اللى فيا

بس الحمد لله ربنا أنعم عليا بالنعمتين دول والحمد لله

بتهيألى هو دا كل اللى اعرفه على نفسى .. ^^

واكيد البنى ادم مش هو الحكم على نفسه

حكم الناس فى الغالب بيكون الافضل

بلدك ومحل اقامتك؟
بلدى حبيبتى هى مصر ^^ ام الدنيا كلها

كام عدد اخواتك؟

1 بس ^^ الحمد لله

الحكمه المفضله عندك؟
انا بصدق فى حكم واقوال كتير اوى وبفضلها
يعنى خلينا نقول مثلا
القناعه كنز لا يفنى ..
انا بصدق المقوله دي جدا لما بشوف غيرى بيتذمر من حاله

ازاى اتعرفتى على المنتدى ؟
من واحده اعرفها عرفتنى عليه ^^ وكانت احلى معرفه الحقيقه

هل فضلتى زائر مدة ولاسجلتى على طول؟
لألأ سجلت على طول

http://forums.banatmisr.com/imgcache...710alsh3er.gif

ايه شجعك تسجلى فى المنتدى؟
اعتبرت زى ما قولتلك العضوات فيه عائلتى الثانية ..

لقيتى ترحيب من الاعضاء؟
الحمد لله .. وترحيب مش بطال

اكتر قسم عجبك ايه؟
عالم حواء عاجبنى اوى

كونتى صداقات ؟
الحمد لله ^^
صلتى كمان بكل بنات المنتدى الحمد لله جميله مفيهاش مشاكل ^^

مين اكتر الاعضاء اللى بتابعيهم؟
لأ كتير اوى اوى اوى يا يويو
لدرجة اننى خايفه اظلم واحده وماذكرش اسمها
بس يمكن عشان انا متابعه قسم عالم حواء
فـ متابعتى لـ (انجى *) اكبر شئ

http://forums.banatmisr.com/imgcache...710alsh3er.gif

ايه هواياتك ؟
بحب التصميم . بحب الكتابه ^^ . و القراءه . والتصفح .. وكده يعنى

بتحبى المسابقات؟ واشتركتى ف حاجة منهم فى المنتدى ؟
اه بحبها ^^ .. اول ما شاركت ايوه .. كنت بشارك على طول فى مسابقات افضل فستان وكده .. انا فاكره :)

فيه مشكله قابلتك فى المنتدى ؟
لأ ^^ الحمد لله

دخلتى كل الاقسام ولالسه؟
لأ الحقيقه انا ما اخدتش بالى دخلت كله او لأ^^

هل شايفه ان فيه قسم زيادة او مالوش فايدة؟
لأ ازاى! .. بالعكس ده كل قسم ليه فايده معينه
واكيد ليه متابعيه ..

ايه رائيك فى تعامل المشرفين والاداره مع الاعضاء
لأ تعامل محترم اوى اوى بصراحه
وكلهم فيهم طيبه و ذوق فى الكلام وتشجيع كبير اوى

تحبى تضيفى اقتراح للمنتدى او قسم جديد؟
آآآآآ .. ماهو كل اللى هييجى على بالى يا يويو هلاقيه موجود الحقيقه ^^
المنتدى متكامل الحمد لله

http://forums.banatmisr.com/imgcache...710alsh3er.gif

بشكرك على قبول الدعوة واتمنالك التوفيق
ده انا اللى بشكرك يا يويو على انك اعطيتى لى فرصه اننى اتكلم معاكى
كانت امنيه لى بصراحه ^^
وانا كمان بتمنالك كل التوفيق حبيبتى ^^

نورتينا جدآ ي توتآ وكنت سعيده بتواجدك الجميل ده

وبشكر نفرتيتنى على الخلفيه والهيدر والبنر
انتظرونى بقآ ف حلقه جديده مع عضو جديد ^^