|
مشكلة تبحث عن حل ( الاسبوع الاول ) http://t1.gstatic.com/images?q=tbn:A...43kfB5yomUwiUT مشكلتنا الاولى من اختنا هالة ودا نص الرسالة:- انا حبيت واحد وهو كان بيحبني جدا واتفقنا ع كل شيء وحلمنا سوا بكل حاجة قعدنا سنة وكان مستني بس اخلص دراستي ويتقدم لاهلي لانهم مش هيوافقو من غير مخلص دراستي والسنادي كانت اخر سنة ليا فاجاة في يوم وليلة اصحى مش الاقيه اتصل عليه مقفول واسئل عنه اصحابو محدش عارف راح فين ولا بيعمل ايه انا خفت اوي بقيت ابعت رسايل ع موبيلو واستنى الرد وقعدت 3 شهور معرفش عنه حاجة وفاجاة بتصل لقيتو رد عليا قلي بعدين اشرحلك واستنيت شهرين كمان ولا حس ولا خبر قلت في عقلي بيلعب بمشاعري وبقيت في قمة غضبي منه ومستنية بس الاقيه قدامي وانفجر فيه ومع الوقت برد غضبي عليه وبقيت سمتنياه بس وادعيلو في كل صلاة يكون بخير حتى كل حاجة حواليا اتوقفت ومبقيتش حاسة باي حاجة حلوة من غيرو وبعد شهر من الخمس شهور الي عدت لقيتو بعتلي رسالة بيقولي فيها السلام عليكم .. ازيك يا هالة.. يارب تكونى بخير وبصحة دايما انتى وكل الاهل بعتذر ليكى عن اى اقلق او اى الم بسببى بس والله العظيم العظيم انا مكنش قصدى ومكنتش عايز اسبب ليكى اى مشاعر سلبية او الم وربنا يعلم ما فى قلبى ليكى للانك انتى عرفتنى معنى الحياة بجد وعمرى منسيت ولا هنسى اجمل ايام فى عمرى معاكى ومن سعت ما عرفتك وانا عمرى ما لعبت بمشاعرك كان ومازل اللى فى قلبى على لسانى وربنا يعلم لانك انتى الوحيدة والاخيرة اللى دخلتى قلبى وربنا يعلم انك انتى اغلى واعز واقرب حد فى الدنيا لقلبى انا تقريبا عايش جسد من غير روح وربنا يعلم الفتره اللى فاتت دى انا عايش ازى انا فعلا اتاخرت كتير اوى عليكى بس ده لانى مكنتش عايز اشيلك حمل اكتر من اللى انتى شيلاه وحاسس بيه ومش عارف اعملك ايه وده اصعب احساس مر عليا انى مكنش عارف اعمل حاجة ل اعز واقرب حد ليا طبعا مفيش اى اعذار او تبرير تمحى اى لحظة الم او قلق بس والله مش قصدى انى احرج مشاعرك .. بعد لما كلمتك وقولتك انى هكلم اخوكي عشان اشوف ازى هتقدملك كلمتو فعلا وقولتلو عايزك فى موضوع قبل لما اكلموا قولت اقول لامى اول مرة اعرف انى معرفش امى لقيتها رفضت مع انى كنت حكى ليها عليكى وكنت الامور تمام بس تقريبا لقيت الموضوع هيخش فى جد اتحولت اللى حصل ان كان فى بنت خالى امى عايزة تجوزهالى لان دى كان طلب خالى قبل لما يموت وعماله تلح عليا ومن بدرى انا مكنتش عايز اقولك النقطة دى عشان مجرحكش وعشان تحطنى اقدم الامر الواقع راحت حدد معياد مع خالى الكبير عشان اخطب بنت خالى التاني الله يرحمه .. فعلا حددو معياد انا مرحتش وامى كانت هتموت فيها ده كان اصعب حاجة عليا وانتى عارفة ازى امى واخواتى غلين عليا وقعدت فترة كبير سايب البيت وكنت بتقطع من ناحيتن ناحية انى عايزك من قلبى وناحية امى اللى اغلى حاجة عندى وموقف عمرى متخليت انى اكون فى وانا مش هقولك لو كنت مكانى هتعملى ايه بس والله العظيم انا كنت صادق معاكى وعمرى فكرت انى اخدعك او العب بمشاعرك ولا مشاعر غيرك وربنا يوفقك وفى كل خطوة فى حياتك وانتى تستاهلى احسن حاجة فى الدنيا لانك انتى احسن بنوته فى الدنيا انا اسف انى خذلتك / معرفتش ارد عليه وانا تعبانة من غيرو انا بعشق كل نفس فيه ومش لاقية حل في الي انا حاسة بيه واهلي دلوقتي عايزني اتجوز ابن عمتي ولسة هو جوايا مش قادرة اتخيل اني مع حد تاني غيرو قوليلي اعمل ايه ؟ / هالة |
بسم الله الرحمن الرحيم مَا عِندَكُمْ يَنفَدُ وَمَا عِندَ الله بَاقٍ وَلَنَجْزِيَنَّ الَّذِينَ صَبَرُواْ أَجْرَهُم بِأَحْسَنِ مَا كَانُواْ يَعْمَلُونَ صدق الله العظيم لا تعلمي ما هو أت فإن شاء الله خير لكِ وكما جاء بالخطاب أنكِ تصليين فلعل هذا أختبار من العزيز الجليل فرضاء الأم أهم من رضاء النفس حتي ولو كانت الأنفاس الأخيره إلا ما يغضب الله ويخرجنا عن دينه فبعد ذلك كل شيء أمر وطوع للام فزواجه إن لم يرضى فلا يجوز ويكون حرام فشرط الزواج الأول الرضا والقبول فإن كان راضي فأعلمي أنه ليس بخير لان تكني له أي شيء وأنتظري ما سيعطيه الله لكِ فهو خير وأبقى أعلم أن القلب يحب ويعشق ويتمنى ويحزن ويتألم يشرب الفرح مره ويشرب من كأس الحزن مره فإن كان صادق وأنه لا يريد تلك الفتاه فليأتي لامه بشييخ فقيه بالدين يعلمها أن هذا حرام ولا يجوز زيجه بغير رضا وإن لم يستطع إقناع أمه فعليه بالصبر والصلاه ولكِ في هذا الوضع أن تبتعدي وتحاولي النسيان بالصبر والصلاة حتي يأتي النصيب وأن لا تقتربي من الزواج الا إن أحسستي أن قلبك لا يخون من ستكوني معه والله أعلم بحرولكن |
من وجهة نظرى المتواضعة انه هويتكلم مع مامته ويفهمها ان هو بيحب البنت دى جدا ومش هيقدر يعيش من غيرها ومش هيقدر يكون مع واحدة تانية هوكده هيظلم بنت خاله وهى مالهاش ذنب اكيد مامته مش هتكون مبسوطة لما يتجوز بنت خاله و يكونوا هما الاتنين مش مبسوطين مع بعض اظن كده مش هتبقى حققت وصيه خاله "ابو البنت " بالعكس دى كده حكمت على البنت انها تعيش مع واحد بيحب واحدة غيرها و ما اصعبه من شعور ان واحدة تكون عايشة مع واحد و عقله و قلبه مع واحدة تانية و بالنسبة لهالة تستنى الولد ده لحد ما يحاول يقنع اهله زى ما قلت لومعرفش يبقى هى مضطره انها تحاول تنساه لكن برضو متظلمشى حد معاها ولا تظلم نفسها بانها ترتبط بابن عمتها وهى لسه بتفكر فى التانى تدى نفسها مهلة وبعدين تبتدى تفكر فى ارتباطجديد و ده كان راييي المتواضع |
يعني الاتنين بيحبوا بعض وما اتجوزوش بعض مشكلة ملهاش حل مش بتبحث عن حل ده لو هو اتجوز بنت خاله وهي اتجوزت ابن عمها بس برأيي الأهل هنا تدخلهم مش منطقي ولا مناسب ابدا يعني اتنين بيحبوا بعض ليه ما اتجوزوش بعض لأم الشاب بقول يعني ابنك حلال يحب البنت ويخرج معاها ولما تعرفي انه هيتجوزها بقى حرام ؟؟ انتي عارفة من البداية انه بيحبها ليه ما قلتيش لابنك من البداية انك هتجوزيه بنت خاله ؟ غالبا جوازة زي دي مش بتكمل لو فضلوا يفكروا ف بعض ومن حالات الزواج دي بتكتر قصص الطلاق طب ليه الغلط من البداية هالة ملهاش ذنب غير انها اختارت شريك حياتها وهو ملوش ذنب غير انه بيحبها وعايز يتجوزها الأم المفروض تفكر ف راحة ابنها وبس يا شيخة الحي أبقى من الميت جوزي بنت خالك لحد تاني من أولادك لا حول ولا قوة الا بالله بشكرك ايميليا ع طرح المشكلة هنا وان شاء الله نلاقي حل مناسب لسه فيه أمل لو لسه ما اتجوزوش احترامي وتقديري |
موش عارف ارد اقول ايه ايمي هي رساله توجع اصعب شي بالدنيا الفراق وخصوصا لو فراق حبيب اوقات بيكون عند البعض موت الروح وكانهم عايشين جسد بلا روح . بس هو سؤال .؟ ازاي اصحابه موش يعرفو شي عنو ! ع الاقل ولو واحد منهم يكون عندو اي معلومه الا لو كان الشخص نفسو وهو الحبيب موصيهم موش يبلغوها شي ! . الشي التاني ولو انو موش مووهييم ف موضوعها ايه كان وسيلة او طريقة معرفتهم ببعض ؟؟ ومع ذلك دام صار هووناك حب قوي خلاص موش مووهييم وسيلة الحب . وواضح من رسالته انو صادق ف كلامه وف مشاعره واحنا لنا في حياتنا الحكم بظاهر الامور وليس ببواطنها . وعشان كوودا ردي الي هالة عن نفسي / من اجل حبيبتي ممكن احارب كل العالم وموش بس كووداا / لكن اعمل المستحيل لاجل نكون لبعض دا لو حبيبتي موش بتحبني / بردو هحارب لاجل تكون ليا وحدي مابالك كووماان لو بتحبني وعاوزاني . وعشان كوودا موش هقولك اطلبي له العذر او حتي اقوله يحارب من اجلك عشان واضح من الرساله / للاسف انو شخصيه ضعيفه ودا واضح من موقفه السلبي من فرض زواج هو يرفضه بدون اتخاذه اي موقف ابجابي من اجلك او من اجل حبه الك وكوووماان هو اجبن من مواجهة المواقف او انو يكون له موقف ايجابي ودا بردو واضح من تهربه منك كل هذي الشهور / وبحجة عدم جرح مشاعرك / لكن للاسف دا اسمو ضعف وجبن في مواجهة المواقف وعشان كوودا لااري مبرر بالتمسك بمثل هذي النوعيه الضعيفة الشخصيه والسلبيه ف اتخاذ مواقف . دا بالنسبه للحبيب اما بالنسبه لقريبك / اري ان تاخدي وقتك للتفكير ولاترفضي او توافقي بالوقت الحالي عشان ردك الحين هيكون رد طبيعي للحاله الي انتي فيها ووقتها هيكون اتخاذ قرار غير سليم بمعني.. ممكن انك ترفضي ويكون السبب زي ماانتي قلتي / انك لسه بتفكري ف حبيبك ولو فات وقت وحسيتي انو حبيبك هذا نسيتيه وحسيتي انو لم يكن يستحق الحب وقتها هتندمي برفضك رجل قد يكون زوجا صالحا الك . وبردو نفس الشي اذا وافقتي الحين / ممكن يجيلك اوقات تحسي ان قبولك مجرد تعويض عن شي خسرتيه ووقتها جواك موش هيكون صافي لقريبك الي هيكون زوجك . عشان كوودا قلت الك خدي كل وقتك عشان تكون النفس هاديه ووقتها تقدري تتخدي قرار سليم . . ااسف ايمي ع الاطاله وحقيقي عجبني كتير اسلوب سردك للمشكله دمتي متالقهـ |
كل اﻻراء الل عدت انا معاها وموش ينفع ترتبط خالص بحد وهى لسه بتحبو وهو لو بيحبها بجد يحاول تانى ده راجل مفروض محدش يمشي كلامو عليه |
البنت دى فى موقف ربنا ميحطش حد فيها ااصعب حاجه انك تشوف احلامك بتتحطم قدامك وانت مش قادر تعمل حاجه غير بتتفرج عليها وهى حست بالوجع مرتين مره لما اختفى ومره لما رجع تانى انا شايفه انه كان اختفى من غير ما يقول حاجه اهون عليها من اللى هى فيه دلوقتى وعندى اقتناع ان اللى بيحب حد هيدافع عنه ومش هيسيب الظروف تتحكم فيه اولا هو مش بنت دى حتى البنات بتقول عايزه دة او مش عايزه امه على عينى وعلى راسي بس دى حياتك انت مش حياه امك انت اللى هتعيش وكمان مستغربه ان واحد يطلب من اخته ان ابنها يتجوز بنته مفيش حد بيرخص بنته كده حتى لو قدام اقرب الناس ليه اللى انا شايفه لو عايزك هيتمسك بيكى طالما هو اختار الطريق السهل يبقى دة فى صالحك وانك تكتشفى دة دلوقتى احسن من بعدين واكيد ربنا هيعوضك ولو ليكم نصيب مع بعض لو الدنيا كلها وقفت ضدكم مفيش حد هيمنع الجوازه دى وانتى بلاش توافقى على حد لمجرد انك مجروحه و اهلك عايزين المهم انتى عايزه ايه خدى وقتك عشان متظلميش نفسك وتظلمى حد معاكى |
يمكن أنا تابعت الأراء من الأخوة الأعضاء وكلها أراء تحترم.. ولية تعليق بسيط وهو حكاية تركة ليها فترة وهى بتتعذب لانها ما تعرف طريقة دة بيعتبر ضعف منة وكان أولى لية مصارحتها من وقت ألى حصل مع مامتة وأنها أزاى كانت مرحبة وقلبت والسبب أن خالة الله يرحمة موصى أن أبنها يتزوج أبنتة مع أنى أعرف على حد علمى أنة الوصية الواجبة ألى ممكن تنفذ هى وصية الأب أو الأم فى الدرجة الأولى ؟ نقطة تانية وهى ممكن يكون عندها حل مربط الفرس ؟ وهى مصارحة أبنة خالة بحقيقة شعورة أنة بيحب فتاة تانية من فترة وعدها بالزواج ولو هى فتاة عاقلة حتعرف أن قلبة مش معاها وحتقف معاة وتساعدة وتقنع الأم أنها تزوجة بالى بيحبها طالما هى غير راغبة فية ؟ بدل ما تقبل على نفسها ترتبط بزوج قلبة معلق مع غيرها وربنا يصلح الحال اتاحة مناقشة مشكلة صعبة ايمى بحييكى على مجهودك |
مش عاوزه اتفلسف فى رائ عشان محدش بيحس بالمشكله غير الى محطوط فيها بس انا عندى اقتناعه شخصيه دايماا انه الى بيتبنى على غلط بيفضل غلط للنهايه والغلط كالعاده بيتهد ومابيدمش هى حبته ودا حب محرم الشيطان شاهد علييه يمكن دا عقابها فى الدنيا الحرمان احسن مايبقى فى الاخره ربنا لما بيلاقى العبد تعلق بحاجه اكتر منه بيخلى الحاجه دى تزول من عنده عشان يرجع لربناا توبى لربنا واعرفيه بحق ادعيه يغفرلك ويمحى اى حب محرم من قلبك صلى كتير واقرئى قران ودايما خلى دعائك انه ربنا يقدملك الخير فى كل امور حيااتك ارفضى ابن عمتك مش عشان تنتظرى التانى بس عشان ماتبقيش ظلمتيه معاكى وادعى ربنا ونصيبك هيجيلك فى الحلااال الحلااال وبس |
افتكر كده خلاص مبقاش في نصيب يعني انتي لازم تنسيه وتعيشي حياتك ومش معني كلامي انك تجوزي وخلاص لالالالا قريبك كان قدامك من زمان يعني لو كنتي عاوزا كنتي هتوافقي بيه اصبري لحد ما تلاقي الانسان اللي علي الاقل تحسي انك هتقدري تحبيه وهتكوني سعيده معاه |
| الساعة الآن 05:56 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب