منتديات بنات مصر - مرتضى منصور | حسام حسن هو سبب ضياع الكأس

معنديش شيئ اقوله اكتر من اللي كتبته في التوبيك التاني فهكرره

المباراة حتي لو يتحملها الحظ في النهاية

الا انه حسام حسن يتحمل المسئولية من الثانية الاولي لحد ركلة جزاء ابراهيم صلاح !
مدرب علي ما تفرج دي وجهه نظري فيه دايما وابدا ,,
والحقيقة مش بيبذل اي مجهود نهائي في انه يغير الصورة دي من حساباتي ,

البداية برغم انه محمد كوفي كان ابرز لاعب ف المباراة بالنسبالي
الا انه مع ذلك اخطأ تماما في انه لعب بيه في خط الدفاع ,,
لكنه في نفس الوقت مكسبه اللي في الدفاع بيه خسر نص الملعب وبناء اللعب تماما !
اللعب باحمد توفيق وابراهيم صلاح بنفس الدور ومتشابهين في كل حاجة
خلاك مجرد بتفتك الكرات ولكن مبتعرفش تعمل بيها حاجة ولا تربط بالهجوم !

اعتماد غريب وعجيب علي الكرات الطويلة لعبدالله سيسيه في الهجوم طول المباراة !
علي اساسه انه سوبر مان اللي هياخد الكورة من وسط 4 مدافعين !
سيسيه هو افضل مهاجم محترف في الدوري المصري لكنه مفيش حد كده ,,

حسام حسن استاذ الكورة البالونية !!

تغييرات غريبة ومستفزه جدا يخرج الوحيد اللي بيربط الفريق ببعضه وله شكل
وينزل مهاجم صريح ثاني !
حتي لو ايمن حفني خلص بنزين وجاب دخان ومش قادر يجري !
قدامه احمد سمير وقدامه مصطفي فتحي !
لكن بغرابة شديدة يختار انه ينزل مهاجم تاني والاستمرار بلعب البالونة !
ايمن حفني الوحيد اللي وصل الزمالك للمرمي من الاساس ,,
تغيير متخلف !

ثم وبشكل عجيب يلجأ لاحمد سمير بدال احمد عيد عبدالملك
في الوقت الوحيد اللي محتاجينه فيه !
احمد عيد طول عمره بيشوط ركلات جزاء كويس وهو دايما المتخصص !
تخرجه في الوقت اللي خلاص هتلعب فيه حاجة هو متخصص فيها :11:
تغيير اكثر تخلفا !

مدرب لفريق يمتلك افضل عناصر في الكورة المصرية وبفرق شاسع عن الجميع
لا يفقه شيئ عن التدريب يعتمد فقط علي البالونات !
مدرب يصر انه يلعب مبارياته الودية فقط مع فرق الدرجة الثانية والثالثة
بلا اي احتكاك قوي لمعرفة العيوب !

هزيمة عادية بركلات حظ وسوء توفيق منك وحظ عجيب للخصم
عادي الكورة كده :(
هيا اسمها ركلات الحظ والاحمر معروف انه اكثر فريق محظوظ ف العالم !!
لكن لو كمل حسام حسن هيكون غباء تام :112: