|
شحنات سلبية ف حياتنا شحنات سلبيه كتير بتدخل لنفسيتنا واجسامنا من غير مانحس منها تلاقى حد بيكسر طموحك ويقلل من قدراتك انك تقدر توصل وتحقق الل نفسك فيه وفيهم الل تلاقيه كل م تعمل حاجه وتبقا فرحان يحسسك انو عادى ممكن مثلا اتنين يكونوا بيحبو بعض وظروف الولد لسه بسيطه تلاقى كام واحد يطلع يفتى والل يقولك هاتتعبوا وبعد ماتجوزو هاتكرهوا بعض لما تقابلكو المشاكل والل يقولك فرق التعليم وفرق الماده والشهادة او لو نفسك تدخل كليه صعبه يجرى يقولك هاتسقط وتتعقد وحتى لو اتخرجت موش هاتلاقى شغل تبص تلاقيك اتمليت شحنات سلبيه حطمتك ومنتش قادر تكمل الل بدأتو نوع تانى م الشحنات دى بيقابلك ف ناس كل همها وشغلها انها تنكد عليك بيدايقهم انك مبسوط زى ميكونو اتخلقوا لعذابك وحتى لومكنتش بتئذيهم هم كارهين وجودك مبسوط يبدأوا ييبظوا حياتك بكلامهم ولو حتى جالك يعمل نفسو بينصحك نصيحة تضيعك وتبعدك عن هدفك يرتاحوا بعد ماتبطل انت تفكر فى الحاجه دى وتسيبها بنتعب كتير ف محاربه الشحنات السلبيه دى وبتاخد من اعصابنا كتير ووقتنا بيضيع مع ناس سئية وقرارت غلط ممكن ببساطه نتفادى كل ده لو حذفناهم من حياتنا واتخلصنا م شحناتهم السلبيه الل بتضرنا رؤيه لواقع ودعوة للافضل |
كل انسان ليه تفكيره الخاص وكمان لاز ميكون عارف انو فيه ناس كل مهمتها الاحباط بس طالما هو مقتنع بالفكره دى جواه خلاص يبقى ريموووووف لكل الناس فضفضه حلو هياقمر يدوم التميز |
مليانة الحياة بالممغصات بس العظيم اللى يقدريتغلب عليها تسلمى سما والفضفضة الراقية المفيدة تحياتى وودى |
دايما انصح صحابي بكلمة قريتها زمان وانا في اعدادي صاحبو اناسا متفائلين سعداء لانهم يصبغون علينا من سعادتهم وتفائلهم دول الي احنا محتاجينهم ياسما في حياتنا خلينا نبعد عن المحبطين والمتشائمين اكيد سعتها هتفرق اوي في حياتنا |
ببساطه يا سما مشكلتنا بنسمع كلام الناس كتير سواء هنستفيد منه او لاء بس لازم يعمل انعكاس داخلى استحاله كلمه تمر من غير ما تترك اثر فى نفسك وده اللى انتى بتقولى عليه بيعمل شحنات سلبيه بينعكس بعدين فى االتعامل تتضارب فى الافكار يأثر على التعامل مع الاخرين فالافضل نبطل نسمع نصائح مالهاش فائده والافضل نبوح باسرارنا لاشخاص قريبن جدا مننا وعلى قدر من التعقل والالتزام كده افضل تسلمى يا سما |
الاحباط لوحده يكسر احسن عزيمه وليه الناس تشكك في قدره اللي قدمها لازم ندي تحفيز لبعض علشان الامل ينولد بشكرك علي الطرح |
ثانكس ع الردود ومتفقة معاكو فيها نورتو |
| الساعة الآن 03:21 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب