|
هم يضحك وهم يبكي مساء الخير انا طول عمري بسمع الجمله دي بس عمري ما ركزت في معناها النهاردة بئه انطبقت عليا بقالي فترة بعمل محاولات صعبه جدا عشان توافق جدتي علي الاقامه الدايمه معايا ربنا يبارك في عمرها يارب الفترة الجاية ببساطه هتبدأ دراستي ومش هلاقي احن من قلبها عليا وعلي ابني واخويا المهم وافقه الحاجة زوزه علي الاقامه وشرفتنا النهاردة وهنـــــــــا بدأت الكارثه بئه : يا سما انتي مابتذاكريش ليه ؟ انا في اجازة يا تيته برضو راجعي عشان الاستاذ يفرح بيكي ومتنسيش هيا خالتك مشيت راحت فين ؟ راحت تعزي يا تيته طب قومي صحي امك تروحي معاها :17: الله يرحمها يا قلبي خدي يا تيته شيلي محمد الواد دا شبهك يا بت مطلعش لامه يا زوزه منا امه وربنا وحماتك عامله معاكي ايه تمام الحمد لله انا مشوفتهاش اصلا يا زوزه الله يرحمها انا حاليا بقيت بسمع اسم امي بيتنادي قصادي كل شوية وكمان خالي المتوفي لسه جدتي معتقده اني في المدرسه وان محمد ابني اخويا الصغير اللي امه سيباه ونايمه من ساعه ما جدتي جات انا فعلا وجود تيته معايا خفف كتير اووووي بس اعتقد كدة اني هقابل مشاكل اكتر يعني بدايه من جارتنا اللي جات تسلم عليها وقبل ما تمشي سمعت تيته وهي بتقولي مين ام دم تقيل دي ؟ المشكله باختصار اني فهمت متأخر ايه سبب رفض العيله لاقامه تيته معايا وكمان اقتنعت اني زودت مشكلتي مش حلتها ؟ وبكدة هحتاج حد ياخد باله من تيته ومحمد بدل محمد بس :17::17::17: |
صح مشكلة وباين انها تعبانه وموش تقدر تخلى بالها دى محتاجة الل يراعيها معلش استحملى ويكون احسن انها موش تبقا معاكى وممكن تسيبى ابنك مع اخوكى لو كان فاضي لحد م تخلصى مشوارك ربنا معاكى سما |
|
ربنايباركلك فى تيته وحمنى وماتخفيش ربك صاحب التدابير وفضفضة جميلة سما مودتى |
لا حول ولا قوه الا بالله انا جدتى كدا على فكره ويمكن امر ربنا يعافى وملكيش بركه الا بيها يا حماتى :) |
ههههه جبتيه لنفسك ربنا يخليها ليكي ويخلي ابنك روعه الفضفضه |
ربنا يخليهم ليكي ويرحم ممتك يارب كل لحظة بتعدي بشتاق لتتيتا جدا الله يرحمها يارب مكنتش بس جدة وام واخت وصديقة وكل الناس |
يا سمسمه ربنا يبارك فى جدتك يارب ويحمى سى حمنى يارب فكرتينى بجدتى من بابا كانت علشان تنادى اسمى لازم تلف على اسامى كل العيله سبحان الله لهم محبه ومكانه فى القلب مهما غابوا بتبقى معانا صورتهم وروحهم ربنا يقويكِ يا احلى ماما فى الدنيا |
صح هم يبكى وهم يفرح مش ينفع تاخد بالها من محمد وانتى بكده زوتى مشاكلك فعلا كتير اه جدتك وليها حق عليكى بس كده المسؤاليه زادت عليكى ربنا يسعدك |
ربنا يخليهالك يارب والله مفيش احن منهم بس مينفعش تسيبي محمد معاها عشان تراعيه وانتي مش موجوده ومتقلقيش اكيد ان شاء الله هتلاقي حل وربنا هيسرلك الامور بس قولي يارب |
| الساعة الآن 01:55 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب