|
الحقوني بالله عليكم السلام عليكم انا عندي مشكلة علي الفيس ومش عارفة اعمل ايه بالله عليكم تفيدوني الفيس بتاعي كل اما افتحه يقولي تم تغيير الباسوور بتاعك وانا مغيرتش حاجة هو كده يبقي اتسرق صح ؟؟ وكمان المشكلة الاكبر اني مش فاكرة باسوورد الايميل والمشكلة الاخطر اني كنت مأكدة حسابي برقم الموبايل بتاعي بس الموبايل بتاعي اتسرق من زمان انا مش عارفة اعمل ايه بالله عليكم افيدوني |
اهلا بيكى ي قمر اعتقد الفيس فعلا اتسرق ولازم يكون معاكى الباسورد بتاع الميل الا لو لقيتى حد يهكرة ويسرقه زى ماتسرق ده ع حسب معلوماتى وتابعى الفيس شوفى حد بيشارك فيه مثلا ولا لأا |
اقتباس:
دا ايه كل دا عايزة تسدديها من كل الاتجاهات ! عالعموم ليها حل باذن الله الاول عايزك تاخدي اسم اليوز بتاعك كوبي الاسم دا بيكون موجود فوق اما تفتحي الصفحة http://forums.banatmisr.com/imgcache...579alsh3er.jpg بعدين ادخلي علي الرابط دا https://www.facebook.com/hacked وتختاري اللي معلملك عليه دا http://forums.banatmisr.com/imgcache...580alsh3er.jpg وبعدين تكتبي اسم اليوزر اللي اخدناه كوبي فوق دا http://forums.banatmisr.com/imgcache...581alsh3er.jpg وتدوسي بحث ممكن تظهر قدامك صفحة بتقولك انه هذا الاكونت تم تغييره مؤخرا وساعتها اختاري انه دا هو اكونتك ف حالتي انا علشان الاكونت بتاعي سليم ومحدش غير حاجة فيه مظهرتش الصفحة اللي بتكلم عليها دي المهم بعدها هتفتح معاكي الصفحة دي http://forums.banatmisr.com/imgcache...582alsh3er.jpg اكتبي اخر الباسورد بتاعك اللي متعودة تدخلي بيه وهيفتح معاكي وهيطلب منك تأمين الاكونت بتاعك اختاري باسورد من اول وجديد وخليه مميز علشان محدش يسرقه منك بعد كده هقولك انه لو حد عارف باسورد الايميل بتاعك ممكن يسرقك من جديد تدوسي متابعه وهيجيبلك اي تغيريات تمت علي الاكونت بتاعت في اخر فترة وتقدري ترجعيها من الاول وجديد بعدها هيطلب منك سؤال امان علشان محدش يقدر يخترقك من الاول تختاري سؤال امان وبس كده انتهي الاكونت رجعلك تاني :) ونصيحة اعملي ايميل جديد وغيريه بالقديم في الفيسبوك وسجلي رقم تليفونك الجديد في الامان بدال القديم علشان الامر ميتكررش تاني ,, اتمني اكون افدتك ومعلش في اخر جزئية مقدرتش اكمل بصور لانه الاكونت بتاعي مفهوش حاجة ومش حابب اغير حاجة فيه :D ابقي قوليلي نفعت معاكي و لا :105: |
اقتباس:
هو فعلا اتسرق بس الحمد لله اللي سرقه رجعهولي شكرا بجد لاهتمامك :) ربنا يخليكي |
اقتباس:
الطريقه دى مبقتش تجيب نتيجه يا محمود جربتها أكتر من مره من فتره |
اقتباس:
شكــرا ليك جدا بجد ربنا يكرمك لما يتسرق تاني همشي ع الخطوات دي :d بس الحمد لله اللي سرقته رجعتهولي بس المشكلة انها بتقول انها عملت ايميل ع الياهو وطلع نفس ايميلي :/ وقال ايه كمان سجلت بيه ع الفيس فطلع لها الاكاونت بتاعي انا مش فاهمة ازاااي !! بس هو ينفع ؟!! المهم انا غيرت رقم الموب والباسوورد وعملت ايميل جديد |
اقتباس:
لالا شغاله يا محمود علي فكرة :105: ابقي جربها دي من الفيس نفسه |
اقتباس:
هههههههه لا ان شاء الله ميتسرقش تاني لا طبعا مينفعش اللي بتقوله دا اكيد لانه الايميل بيكون بـ id معين مفيش اتنين بيكون عندهم نفس الرقم ايه عمره ما واجهتك مشكلة وانتي بتعملي ايميل انه المعرف مستخدم ؟ دانا بقعد بالربع ساعه علشان الاقي حاجة جديدة :04: اها كويس انك غيرتي الرقم والباسورد وعملتي جديد كدة افضل واضمن وان شاء الله ميتكررش الامر تاني s1 |
اقتباس:
ياااااااااااااااااااااااالله كنت فين من بدري ده الموضوع ده حصل معايا بأكتر من مره:33: وكل شويه اعمل فيس جديد ,,لحد ما اتخنقت ربنا يستر بقي ع الفيس الحالي:105::105: |
اقتباس:
طب ف الحالة دي يبقي احتمال كبير حد مستقصدك :04: حاولي تأمني الاكونت بتاعك علي قدر الامكان لو مش بتدخلي من اماكن كتيرة ودايما من جهازك وموبايلك مثلا في خاصية مهمه جدا للامان واللي هيا طلب الموافقة علي تسجيل الدخول يعني حتي لو حد اخد الباسورد بتاعك وحاول يدخل بيه مش هيقدر الا اما تديه موافقه الفيسبوك هيبعتلك رسالة علي موبايلك برقم لازم يدخله الشخص والا مش هيعرف تقدري تعمليها من هنا http://forums.banatmisr.com/imgcache...237alsh3er.jpg بالعربي : الامان - الموافقات على تسجيل الدخول اظن دا كفيل انه يحمي الاكونت بتاعك والله اعلم :33: هو انا مش مفعله الحقيقة لنفسي بس انا حاطط باسورد قوي جدا :04: للايميل وللاكونت والاتنين متأمنين بالموبايل والخ وهيا هيا مش فارقة معايا :04: |
| الساعة الآن 07:46 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب