|
رسالة البيج بوص الى اعضاء بنات المصر السلام عليكم و رحمة الله و بركاته اهلآ بكل اعضاء بنات مصر أخواتى و اصحابي كل سنه و انتم طيبين أن ليا حوالى اكثر من شهر بعيد عن المنتدى لكن أنتمائى للمكان الى قضيت فيه اكتر من 6 سنوات من عمرى و حبيت فيه حب عمرى و كرهت فيه و اتعلمت حاجات كتير بيحتم عليا أنى مش افضل ساكت و انا شايف المكان بيسقط ، شىء محزن تدنى عدد المتواجدين بشكل ملحوظ و المواضيع قلت و بأختصار المنتدى فى مرحلة احتضار و حزنت جدآ أن طارق سلفر سبكترا ساب الاداره ، كما حزنت من قبل على دمعه حائره لان الاعضاء دى قضيت معاهم لحظات جميله و ذكريات كتيره و اعضاء كتير لا يمكن تتنسي انا البيج بوص اتمنى ندائى ميكونش فى الوقت الى بدل ضايع الى كل عضو قضى لحظه حلوه فى مكان دا الى كل عضو أرتسمت بسمه على شفتيه بسبب المكان دا الى كل عضو بيحب المكان دا الى كل عضو ارتبط بالمكان دا ياريت نحافظ عليه قبل ما يسقط ياريت نعيد الروح فيه من جديد و نعيد المحبه الى كانت موجوده و اللمه الى كانت موجوده لانها بجد عمرها ما تتعوض و لا هنلاقى زيها تانى أرتباطى بالمكان دا و أى عضو فيه نابع من أرتباط فكر و مشاعر مش مسئلة تقضيت وقت فراغ و تسليه بس شىء محزن أننا نهدم المكان دا الى قضينا فيه عمر و ساب علامه فى حياتنا نسيبه يتهدم بسهوله ياريت القى قبول من الاعضاء لندايا علشان نعيد احياء المكان من جديد و ننشط المنتدى و الكل يدخل و نخلق حالة أنجذاب للمنتدى زى ما كانت الاول و نقتل حالة النفور الى موجوده و ربنا يوفقنا جميعآ اخوكم البيج بوص |
تسلمى ايسو على فكره المنتدى مفتقدكم انتى او نور كلامك سليم يا نور المنتدى فى حالة ركود بس يمكن ظروف العيد مش عارفين المشكله ان الاعضاء المهمين بيتركو المكان ويمكن ده مأثر على جو وروح المنتدى دائما لك مكانه الكل بيقدرها يا نور تسلمى ايسو |
هو انت قتلت ايسوو ؟ اصلها مش بتدخل :18: بالنسبه للمنتدى هي مرحلة سبات و هتعدي ان شاء الله ، الكل انشغل ، و اكيد مش هيكون دايما المنتدى نشيط :04: فتره و بتعدي ان شاء الله ، و يرجع احسن من الاول كمان ، و نحصل ناس غايبه رجعت مثلك و مثل منه ، و ناس كثيره كمان . هو مش بيكفي وجودي ، دا انا النشاط كله :04: |
اصعب شئ انك تشوف حاجه ساعدت فى بنائها تتهد قدامك حزينه كتير على حال المنتدى بيتنا التانى وحالة الركود اللى بئا فيه اجمل لحظات قضيناها فيه ازاى تروح ان شاء الله يرجع بفضل اعضاءه لنشاطه تانى وكل عضو يعمل اللى يقدر عليه نورت نور مكانك لفته كتير طيبه منك لوفائك للمنتدى |
اهلا بيك الغالى نور معرفتش اسلم عليك علشان الزايرمقفول كل سنة وانت طيب وحشتنى اوى وان شاءالله ترجع وان شاءالله المنتدى يرجع زى الاول بفضل الاعضاءالمخلصين وصحيح حزنالترك منة وطارق ولكن هم معانا وقلوبنا معاهم والبركة فى الادارة الموجودة كل الشكرلك اسراء كل سنة وانتم طيبين |
ان شاء الله يرجع بفضل أعضائه لنشاطه من ثاني وكل عضو يعمل اللى يقدر عليه ونورت نور و لفته كتير طيبه منك |
بص نور موضوعك ده يتشال ع الراس و كلام جميل جدا وانت من الناس اللى بحترمها جدا بس ليا وجهة نظر و رأى لو يهمك كان المفروض انك لما تعمل موضوع زى ده يا اما تعمل عضويه باسمك وتتكلم بيها يا اما اسراء اللى تدخل تعمل الموضوع و تقول ان الرساله دى منك لانك دخلت قبل كده بالاكونت و اتكلمت على انك اسراء و رديت على الناس على انك ااسراء ولما كلمتك عشان افهم حورت ف الكلام وقولت انها اللى قالتلك من نفسها ادخل اعمل ورد ع الناس ده كان معنى كلامك انت المفروض تصفى خلافاتك مع الاداره الاول و بعدين تشوف الاعضاء انما مش تدخل لكل عضو وتقوله اعملى حمله و كلام من ده لان العضو المحبوب الناس كلها بتقف معاه من غير ما يتكلم حتى ولا يقول لحد يارب تكون فهمت قصدى وكلامى ده اقسم بالله ماقصد منه حاجه انا بوصلك اللى ف دماغى تحياتى ليك انت و اسراء |
مرحلة وان شاءالله تعدي ويكون كل الخير شكرا لهذا النداء والرجاء |
انا اول مره اعرف ان طارق شال نفسه من الاداره دلوقت ! هو واضح فعلا التقصير من الجميع وانا منهم اكييد لظروف السفر والشغل بس المنتدى دا البيت التاني لكل اللى بيحبوه واكييد الروح هترجعله تاني يوما ما الموضوع مش هيقف علينا والمجال مفتوح لكل الاوجه الجديده وربنا يقدرنا ونعمل الصالح وانت ي نور دا مكانك بردوا موفقين جميعاً |
تحضرني تلك المقولة: زرعوا فأكلنا ..ونزرع ليأكلون ..! ويحضرني أن أقول الآن : كتبوا فنهلنا ونكتب لينهلون ..! المنتدى يمثل البيت الثاني لي.. وتعلقي به من عمر الأيام التي ربطتني به والذكريات الجميلة .. التي قضيتها فيه بكل مافيها من أفراح أو أحزان ..! سنواصل المشوار بإذن الله . ونحاول التمسك بهذا الصرح الجميل الذي شهد أجمل لحظاتنا و أقساها ، مع كل حرف كنا نخطه أو ننثره أو ننزفه فيه .. فلكل حالة كتابية طقوسها الخاصة التي لاتشبه سواها .. وصورها المحفورة في دهاليز الذاكرة التي لن تقدر عليها ممحاة الزمن حتى لو رحلنا أو ابتعدنا عنه رغماً عنَّا فلنترك كل أثر طيب لنا ولغيرنا .. فما نحن إلا ضيوف عند بعضنا .. أشكرك أخي الكريم نور والشكر موصول طبعاً للأخت الكريمة إسراء نتمنى أن نتكاتف جميعاً لمحاولة إنقاذه و الزود عن ربوعه ..و استمرار إنعاشه..! مع فائق احترامي نغـــم الشـــام بعـد المغيـب .. |
| الساعة الآن 03:40 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب