|
بنات مصر والأحداث والواقـع المستقبلى بسم الله الرحمن الـرحيـم أخوتى أعضاء منتـدى بنـات مصر أسعد الله أيـامكـم وأصبحها بكل خير يمكن أحنا مرينا الفترة ألى فاتت بظروف بتعتبر ظروف مناخية موسمية بين التقلب بين الصعود والأنخفاض فى نسبة النشاط والتفاعل داخل المنتدى ودة مرتبط بعدة أسباب مرينا بيها هنـا بـداخل المنتدى منها بداء الموسم الدراسى لأن معظم الأعضاء والمشرفين والمراقبين ليهم ظروفهم الدراسـية ألى دوما بنراعيها مهو مش حنقف فى طريق مستقبلهم وبنعطيهم فرصة التـواجد على قدر سماح ظروفـهم بالتـواجد.. وبرضة كان قبلها غياب الأدارية المجتهدة النشيطة دمعة حائرة وبعدها بفترة غياب القلب النابض للمنتدى طارق سيلفر وهو كان بمثابة الصمام الدافع للمنتدى وهو فى منصبة ألى صعب أن أى حد يحل محـلة أو يسد مكانة فى الهيكل الأدارى ؟ ودة كان لزاما علينا ضخ وجوة جديدة للطاقم الأدارى وهم ۩۩ elMagic ۩۩ Words Whisper ودول من الناس المجتهدة فى المنتدى وأصحاب العطاء الوفير وأن شاء الله المنتدى يرتقى بتواجدهم هم وباقى الطاقم من مشرفين ومن مراقبين الأهم من دة كلة هو الأخوة الأعضاء ووالمنتسبين الجدد فهم مستقبل المنتدى وحـاضرة؛ألى بفضل ربنا تكاتف الجميع بنقدر نعبر الظروف الصعبة ألى ياما قابلتنا قدرنا نتخطاها بفضل تعاونـكم المثمـر معنا هناك مجموعة من الأقتراحات ألى أن شاء الله نقدر نقوم بيها ونفذها فى الـقريـب العـاجل نقطة تانية فية ناس كتير تستحق الترقيات والناس دى بتعتبر صمام الأمان المستقبلى للمنتدى مش معنى كدة أننا نسينـاهم أو تغافلنا عن دورهم وعـن تواجدهم النـاس دى الترقيات حتـوصل ليهم فى الوقت المناسب ومش يزعلو أو يقولو أننا نسينـا دورهم أو قللنا من تواجدهم لا هما موجودين ومذكورين ؛؛ نقطة تالتة .. النقد النقد مطلوب ومهـم جدا وأحنا من النوع ألى بيحب النقد البناء والهادف من أجل التطـوير والتحديث ولكن؟النقد لة أسلوبة وهى النصح والتعريف والصالح العـام وليس المهاجمة من دون نصح أحنا مش من النوع المتسلط والمتدخل فى الشئون ولكن؟من النوع المستمع والأراء الهادفة بنتقبلها بصدر رحب من أحدث عضو فى المنتدى حتى أقدم عضو فى بنـات مصر لأننا كلنا شغلنا الشاغل هى تلبية المتطلبات وتذليل العقبات بتواجة أى فرد بداخـل المنتدى أحـترامى للجميـع |
كلام جميل ي امجد وان شاء الله كلنا نتكاتف علشان نرجع المنتدى زى ماكان واحسن ان شاء الله |
احمد واسماء من الناس المميزة والمعروفة واللي ليها تقديرها من الكل والكل عارفهم وعارف امكانياتهم وشخصيتهم ان شاء الله ربنا يوفقهم في الادارة ويكونوا علي قدر المسؤلية اللي فيها عن نفسي عندي ثقة فيهم وان شاء الله قدها وقدود :) المنتدي حاليا محتاج تكاتف كل الاعضاء علشان يرجع افضل من اي وقت مفيش مكان لشخصنة الامور ويانا يا مفيش وشغل تامر حسني دا :04: المنتدي محتاج الكل دلوقت وهنا هيظهر الناس وحبها للمنتدي من عدمه :105: |
مش عارفه ليه حاسه من ورا الكلام دا مصيبة ^_^ استر يارب لا تقلق ازعيم الباقيين هنا هما اوفي الناس للمنتدي وبخصوص التعينات اللي حصلت فكانت من اروع الاختيارات وماجيك واسماء الكل بيحترمهم وعارف مجهودهم ربنا معانا الفترة الجاية |
اختيار موفق باذن الله ويرجعوا الغيبين بالسلامه |
كلام تمام التمام من إنسان رائع وجميل تواضعك الجميل يا أمجد بيرفع درجاتك ف قلوب الجميع قرارات إدارية ناجحة وأؤيدها بشكل كبير جدا أحمد وأسماء من الشخصيات القوية التي تستحق إدارة المنتدى الماجيك ماشاء الله عليه واسماء ماشاء الله عليها ربي يوفقهم ان شاء الله تتم المعاونة من الجميع للنهوض بالمنتدى من جديد ربنا يجيب اللي فيه الخير لمنتدانا العزيز تسلم يا أمجد لجهودك المثمرة لإنهاض المنتدى احترامي وتقديري |
انت نويت تتنحى ولا ايه يا امجد بالتوفييق للجميع داايما بقاا |
ربنا يوفقنا كلنا نقدر نتخطى المرحلة الصعبة وزي ماقلت كده التكاتف مطلوب جدا واسماء وماجيك يستاهلوا طبعاااا بالتوفيق دايما والى الامام |
تقبل مودتي اخي الغالي امجد صدقت بكل حرف من حروفك فليس هناك ما يقال بعد ما قيل هذا المكان هو بيتنا الثاني من نجتمع فيه حبا فالله ادام الله المحبة ولا اعتقد ان هناك تقدير فالتقدير جاء من المولي عز وجل بان جمعنا سويا وجمعنا تحديدا معك امجد ..تحياتي .احترامي .مودتي. |
ربنا يوفقك الجميع واختيار احمد واسماء لادارة اختيار في محله لانهم يستحقو واكتر |
| الساعة الآن 12:59 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب