|
ســر اسمك اييه ؟؟ ملاحظة: التوبيك دا من تلت شهور ونص مااشى السلام عليكم ورحمة الله وبركاته اخباركم ايه ان شاء الله تماام بفتح الفيس فى امانة الله لقيت مرار ( رانسى يعنى ) بتحكى قصة حياتها وسر اسمها فدخلت البتاع الى هى كاتبه فيه الموال دا لقيت ناس كتيير غيرها كاتبه سر اسمها بصرااحه استمتعت جداا وانا بقرأ هههههههههههههههههه حاجه حلوه والله انك تلاقى واحد اسمه يونس وبيدلعوه يقولوله يا علاء هقتبسلكوا بعض المقتطفات بقن اقتباس:
اقتباس:
قولنا انت بقن سر اسمك ايه انا سر اسمى كان ليا اخت اكبر منى وحلوه كدهون وزى القمر ماشاء الله واسمها هبه بس توفت وهى عندها اسبوع واخويا كان عنده 3 سنين تقريبا ولما انا جيت اخويا مسك فى اسم هبه فسمونى هبه انت سر اسمك ايه بقن ؟؟ مستنيااكم |
لا دة سر من اسرار المهنة واهالينا بيخبطو الاسامى ويا صابت يا خابت |
يوم ما أتولدت كنت البنت رقم 6 ما شاء الله 6 هموم بابا الله يرحمه من كتر ما سمى بنات زهق راح قال لأخويا وكان صاحبه موجود وكان طبعاً فرحان عشان ميدخلش الجيش راحوا سموني أسمي ده وكان جميل والله بشكرهم عليه وللعلم دخل الجيش بعدها عشان جاله اخ بعدي |
مش سر ولا حاجه يعني والدي الله يرحمه هو اللي أختار إسمي والاختيار ده بسبب عيوني ..:109: تسلمي يا مخفيه ع التوبيك لروحك السعاده |
انا بقى جيت بعد 4 بنات وكان قبلهم 2 اتوفو ^_^ فالراجل ابويا كان واخد قرار انه هيفضل كدا لحد ما يجيب ولد حتى لو بعد حين ^_^ والحمد لله ربنا كرمه بمورشو ^^ فقال هسمى ( احمد ) الراجل بيحمد ربنا يعنى انه كرمه بعالمى زى مورشو ^_^ بس بعديه ربنا كرمه بـ ( محمد ) كمان ودى كانت قصه كفاح اسمى منورة اليوميات |
دا و لا سر و لا حاجه ، ابوي حابب اسم الهنوف ، و اتكتب اسم كذا ، و خلصت الحكايه :d |
بابا كان ليه صديق كان ليه بنت جميله جدا فقال لامي لو جت بنت هسميها علي اسمها وفعلا سماني علي اسم بنت صديقه لانها كانت جميله جدا |
بصي يا ستي انا اتولدت وبابا كان في مسافر سريلانكا ماما اختارت اسم انجي وفي السبوع خلاص انطبعت الكروت انجي بعدها جه بابا فجدتي اشتكتله وقالتله ودي ادندلها رنجه ولا ايه يا محمد زعل بابا بئه وخد الموقف ازاي الحاجة تزعل فنعقد مجلس الامه قصدي العيله وغيروا الاسم وعملوا سبوع جديد بث خلاص |
انا ع اسم جدتي ام والدتي ايميليا بتحب ممتها اوي راحت سمتني عليها وانا ممتنة لمام انها سمتني عليها لانها مفيش زيها خاااااااالص لا هي ولا اسمها ولا اي حاجة منها ربنا يخليها يارب ويديها طولة العمر |
والله مش عارفه سر اسمي هبقي اسال الحاجة امي بس اكيد عادي يعني اللى اعرفه كانوا هيسموني هدى معرفش ليه غيروه وسموني ايمان والغريبه اني لسه عايشه:04: ولما جت اختي اللى بعدي سموها هدى بس كدة |
| الساعة الآن 10:28 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب