|
حلقه جديده من ( لـــــــــو ) مع ( داليا المصرية ) بسم الله الرحمن الرحيم مزاج الخير عليكم :04: النهاردة هنبدء مع بعض ( الموسم الثالث ) من برنامجكم ( لــــــــــو ) http://banatmisr.com/up3/uploads/1414954973361.gif فكره التوبيك هيتم استضافه عضو من اعضاء المنتدى هيتحط فى ( 10 مواقف ) وهيقولنا ( لـــــو ) اتحط فى المواقف دى هيتصرف ازاى تعالو نشوف مع بعض مين ضيف حلقه النهاردة : http://banatmisr.com/up3/uploads/1414954973361.gif معانا العضوة المتميزة / داليا المصرية http://banatmisr.com/up3/uploads/1414955402011.jpg ودلوقتى مع المواقف :24: http://banatmisr.com/up3/uploads/1414954973361.gif اولا / المواقف الخاصه بالمنتدى لـــــــــــــــــــــو 1 / جاتلك رساله خاصه من عضو وبيقولك ( ياريت لما تنقلى توبيك تكتبى انه منقول ) ؟ هتقوليله ايه ؟ هقوله اوكيه اللى يمشي عليا يمشي على غيرى معنديش مشكلة (بس طبعا مش هكون طايقة العضو ده تاني) يعني لو رسالة كمان مش هستقبها ولا ارد عليه ليه مرة واحدة قلة ذوق معايا ماشاء الله ليه مره واحده بس :04: ليه مقدم على وظيفه حكوميه :24: http://banatmisr.com/up3/uploads/1414954973361.gif 2 / قومتى الصبح دخلتى المنتدى لقيتى نفسك مشرفه قسم وتانى يوم الادارة بعتتلك رساله ( عفوا على الخطأ الادارى ) واتشلتى من الاشراف ؟ هتعملى ايه ؟ اول يوم وانا مشرفة يعنى هقول ناس بتفهم وافرح شوية وبعدين افكر اعمل ايه جديد فى القسم تانى يوم مع الخطأ الادارى هزعل اوى لانى هيبقا شكلى وحش جدااا وهبعت رسالة للادارة اشوف ازاى حصل كدة وعلى حسب الرد اشوف ان كنت استمر بالمنتدى ولا انا مش محل ثقة وانسحب بهدوء من المنتدى انا بس ليه سؤال بسيط يعنى هتفرحى شويه دى :04: يعنى هتشترى كيلو جوافه ولما يخلص فرحتك هتخلص معاه :24: http://banatmisr.com/up3/uploads/1414954973361.gif 3 / لقيتى عضوة بعتالك رساله وبتقولك ان فى كلام بيتقال عنك بين الاعضاء انك قابلتى العضو ( فلان ) ؟ هتعملى ايه ؟ ههههههههههههه ياسلام هقولها ايه\ هضحك اوى ومش ههتم لانى عندى ثقة بنفسى ولان اللى يعرفنى مش هيصدق وبعدين انا مبصدقشى كل اللى يتقالى اصلا بس اكيد (ما شتمك الا اللى بلغك) احسن حاجا انك قولتى انك واثقه فى نفسك دا على اساس ان فى حد صورك معاه ما اكيد انتى متاكده انك ماقبلتهوش :18: http://banatmisr.com/up3/uploads/1414954973361.gif 4 / الادارة بعتتلك تختارى قسم تشرفى عليه وبعد ما اخترتى بعتولك ان مشرف القسم مش موافق تكونى مشرفه معاة ؟ رد فعلك هيكون ايه ؟ لو الادارة هتخيرنى القسم اللى ابقا مشرفة فيه اكيد انا من نفسى هكلم المشرف بالقسم واشوف رائيه ان كان موافق ان اشاركه ولا لاء وبناء عليه ارد على الادارة وابقا هربت من الموقف المحرج ده وتيجى منى احسن والاقسام كتير http://banatmisr.com/up3/uploads/1414954973361.gif 5 / عضو عضوة ضافتك عندها فيس او ميل وفجاة اكتشفتى ان الى بيكلمك ولد مش بنت ؟ هتعملى ايه ؟ ولا حاجة هقفل خالص وبدون حتى انى اوضح انى عرفت الكدبة بتاعته (وكفى الله المؤمنين شر القتال) بس يشوف حد غيري http://banatmisr.com/up3/uploads/1414954973361.gif ثانيا : المواقف الشخصيه لـــــــــــــــــــــــو 1 / ماشيه فى الشارع ولقيتى شاب جاى يسلم عليكى ويقولك انا فلان مش فكرانى وانتى اصلا والا تعرفيه ؟هتعملى ايه معاه ؟ ههههههههه اوضح حاجة انا عندى مشكلة كبير ة فعلا انا نساية جدااااااااااااا لدرجة انى بنسى الاماكن والاسماء واشخاص لو مر عليهم سنة بعيد عنى وساعات اقل من شهر لو معاملات سطحية معاهم (زهايمر صغنون كدة) ساعات كتير بيقابلنى ناس وانا نسياهم تماما ازيك عاملة ايه داليا ؟ طبعا بتعامل معاهم عادى وبسلم عليهم بس بحاول مقفش كتير معاهم واخلص نفسي بسرعة ومتعرضش لذكر اسماء او احداث وكل حاجة الحمدلله وبتعدي (يعني لو حد عرف سري ده هبقا اشتغالة تمام) طيب والنبى يا داليا عنوانك بسرعه لشباب المنتدى وصدقينى من بكره هتلاقى الشباب كلهم بيقبلوكى وبيفكروكى بنفسهم طالما عندك ( زهايمر ) :04: http://banatmisr.com/up3/uploads/1414954973361.gif 2 / واقفه فى البلكونه وفجاة لقيتى ناس متجمعه وعمالين يشورو عليكى ويقولو ( هى دى ) وخدو بعضهم ومشيو ؟ هتعملى ايه ؟ هخاف اوي انا جبانة خالص هقفل الشبابيك واتربس الباب واتصل بكل اللي اعرفهم اوصفلهم الناس واسئلهم اعمل ايه؟ (وممكن مخرجش يوم او يومين) http://banatmisr.com/up3/uploads/1414954973361.gif 3 / راكبه باص على اساس انك مروحه وفجاة لقتيه ماشى من طريق غريب واكتشفتى انك ركبتى غلط ؟هتعملى ايه ؟ هههههه حصلت معايا ونزلت اخر الخط واتصلت باختي انا تهت ونزلت غلط فى مكان تانى قالتلى شوفى المكان اللى انتى فيه اسمه ايه وانا هجى اخدك عادي انا واخدة على كدة اصلا (انا لسة قايلة انى بنسى الاماكن كمان) لدرجة اني مبعرفش اخرج مشوار بعيد لوحدى http://banatmisr.com/up3/uploads/1414954973361.gif 4 / بليل لقيتى جوزك عمال يحلم ويقول اسم بنت زميلته فى الشغل وعمال يقول كلام حب وغزل الراجل بيحلم محدش يقدر يكلم ؟ هتعملى ايه معاه ؟ انت بتهزر مورشو ده يبقا الله يرحمه فى ساعتها (اصحا يابيه اصحا ياباشا اقعد هنا وقولى مين دى اللي امة لا اله الا الله داعين عليها ) احنا بنلعب ولا ايه ايوة بقى طلعى الشعبى الى جواكى :24: والشبشب الاخضر هيشتغل :04: http://banatmisr.com/up3/uploads/1414954973361.gif 5 / قررتى تنظبطى الشقه وتغسلى السجاد وفجاة وانتى بتغسلى السجاد ظهرلك ( فار ) حلو كدا صغير وعمال يتنطط على السجادة هتعملى ايه ؟ ولا حاجة هتنطط انا كمان اكيد هنشوف احلى رقصه بينكم :24: http://banatmisr.com/up3/uploads/1414954973361.gif مرسي مورشو على استضافتك الطيبة وبالتوفيق دايما ان شاء الله ويارب اكون ضيفة حفيفة سلام http://banatmisr.com/up3/uploads/1414954973361.gif نورتى التوبيك وبكدا بتخلص حلقه النهاردة استنونى وحلقه جديده وضيف جديد وماتنسوش تسمعو دى ‫ط£ط؛ظ†ظٹط© ظ‚ط§ط¯ط± ظˆطھظ‚ظپظ„ظ‡ط§ - #ط§ط³ط¹ط¯_ط§ظ„ظ„ظ‡_ظ…ط³ط§ط،ظƒظ…‬â€ژ - YouTube |
عسوله داليا وتلقائيه خالص وماشاء الله عندها سرعة بديهه توبيك جميل جدا شكرا ع المجهود المميز |
توبك راااااااااااااااااايق جدا واليا انسانة لذيذة بجد تشكر مورشو على التوبك الرايق ده |
توبيك جميل وحوار رائع وراقى جدا ..وعن جد كل زوؤؤ ياداليا وخفيفة ضل وتلقائيه انا حبيتك من اسلوبك ...تقبلى خالص تحياتي لك. .وللمجهود المميز مورشوو. |
والله مبسوطة برجوع التوبيك ده فكرته حلوة كله من الخيال شكراً للضيفة الجميلة وشكراً ليك مورشوو ومجهودك الجميل |
جميله ياداليا ردود افعالك بسيطه وتلقائيه حكايه الزهايمر الصغنون دي قلقانه عليكي منها شوفيلها حل ربنا يوفقك فى كل حياتك ياحبيبتي |
توبيك وفكره جامدين مورشو داليا عسل اجاباتك ياقمر منوره الحلقه حبيبتى |
بصراحه فكره جميله جدا مش عارفه الفكار دي بتجيلك منين منوره الحلقه داليا وتسلم مورشو على الحلقه |
اقتباس:
والحمد لله ان الحلقه عجبتك بالتوفيق |
اقتباس:
نورتى التوبيك وعقبال ما نجيبك |
| الساعة الآن 06:19 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب