|
الزمالك يقتنص الفوز ويعبر الحدود بهدفين وكالعادة بنظافة شباك فاز فريق الزمالك على نظيره حرس الحدود 2/0 في المباراة التي جمعتهما مساء الاربعاء بملعب الدفاع الجوي في التجمع الخامس، ضمن الجولة الثامنة للدوري الممتاز. ليحقق الزمالك الفوز الثالث على التوالى بعد سلسلة من التعادلات , بقيادة فنيه للبرتغالى جايمى باتشيكو يحصد الزمالك العلامه الكاملة 9 نقاط فى ثلاثة مباريات , https://fbcdn-sphotos-a-a.akamaihd.n...adb05bbda4a9ba https://fbcdn-sphotos-e-a.akamaihd.n...10e8683f6a3eac الزمالك سيطر على اغلب فترات اللقاء , استطاع جايمى باتشيكو من تسيير اللقاء من بدايته لنهايته كما اراد , وسجل للزمالك خالد قمر في الدقيقة 30 وحازم إمام في الدقيقة 76. مباراة اسوء ما فيها اصابة حارس مصر الاول أحمد الشناوى , وافضل ما فيها كسر عقدة التسجيل فى الشوط الاول , و كذلك عودة خالد قمر للتسجيل الزمالك يصل للنقطة 15 و يتصدر الدورى مؤقتاً انتظاراً لمباراة انبى غداً , ففى حال فوز انبى سيعتلى هو صدارة الترتيب . |
شاهد ملخص المباراة والاهداف ‫ط§ظ„ط²ظ…ط§ظ„ظƒ ظˆطط±ط³ ط§ظ„طط¯ظˆط¯ ظ…ظ„ط®طµ ظ„ظ„ظ…ط¨ط§ط±ط§ظ‡ ظٹط§ظ„ط§ظƒظˆط±ط©â€¬â€ژ - YouTube |
مباراة فنيا لا ترقي لمستوي الزمالك المطلوب لكن اتحقق الفوز المطلوب , الزمالك كان في تباعد كبير بين خطوطه في المباراة غياب ايمن حفني واضح جدا تأثيره كذلك الازمة من غير لازمه اللي عملها عمر جابر افقدت الزمالك تجانس اكبر علي الجهه اليمين ثلاثي ما تحت راس الحربة هم اسوأ ما في الزمالك مقدموش اي حاجة مميزة وكانو اشباح لاعبين في المباراة النهاردة احمد عيد الافضل بينهم الي حد ما لكن مؤمن زكريا سيئ جدا واوباما اسوء ما يكون مكنش له وجود , خط الوسط الدفاعي ابراهيم صلاح وطارق حامد كالعادة في قمة عطائهم الزمالك بيمتلك افضل 2 محاور ارتكاز في مصر النهاردة وبكل بساطة نجم المباراة الاول هو ابراهيم صلاح زي ما ذكرت قبل كدة انه راجع من الاحتراف في مستوي خيالي تماما وبالنسبالي كابتن الفريق هو ♥ كوفي وعلي جبر بيكملوا بعض كالمعتاد وبيحافظوا علي نظافة الشباك الواحد مبقاش عنده شك في اي هجمة لاي خصم وبقي عنده راحة اعصاب غريبة جدا وتاكد انه الكورة مقطوعه ومش هتوصل ! مباراة سادسة علي التوالي بنظافة شباك وقوة اداء كبيرة منهم الاطراف كحازم امام و احمد سمير مقدموش المطلوب منهم في نظري كان في كتير افضل من سمير وحازم مش عاجبني اداءه علي الاطلاق رغم تسجيله لهدف لكنه لا يقدم اي شيئ هجومي للزمالك فعال وشايف انه كان افضل من كدة بمراحل في السنين اللي فاتت , لكل مجتهد نصيب جملة تلقي بظلالها علي خالد قمر لاعب مجتهد جدا ودايما ما بيكون اداءه ممتاز لكن بيصادفه سوء توفيق قدم مباريات كبيرة لكنه متوفقش في انه يحرز اهداف الامر اللي اثر عليه سلبيا بشكل كبير بالاخص مع التقليل والهجوم المستمر عليه لكنه والحمد لله تم النهاردة وكسر نحسه ولحظه احتفاله بتعكس احساسه ان شاء الله هتكون بداية لتألقه مع الزمالك في الفترة اللي جايا :105: |
تغييرات الزمالك , التغييرات بتعكس فكر المدرب بشكل كبير جدا وبتدل انه مدرب من المدرسة المتحفظة اللي بتسعي للنتيجة فقط مش مشكلة الاداء بالنسباله المهم تحقيق المطلوب تغيير اول اضطراري بنزول جنش بديل لاحمد الشناوي يمكن لقطة من اسوء ما يكون علي كل مشجعين الزمالك ويمكن المصريين ككل اصابة الشناوي خضتنا مش بس علشان الزمالك لكن علشان المنتخب فالحمد لله انه هيقدر يشارك وانها اصابة خفيفة ككل لا الشناوي تم اختباره ولا جنش تم اختباره كذلك في المباراة والبركة في كوفي و جبر ! حتي التسديدات كوفي مش سايبها في حالها :04: تغير ثاني بنزول مفاجئ لحمادة طلبة وخروج اوباما اداء مخيب جدا من اوباما تقريبا هايم في اللقاء بدون اي اضافة ونزول طلبة كباك يمين وترحيل حازم لنص الملعب تغيير صائب الحقيقة لانه احمد صبري كان مسبب مشاكل للزمالك وكمان لانه حازم امام واخد انذار في اللقاء ومعرض للطرح فوجوده كباك يمين ضد لاعب مهاري زي احمد صبري كان خطر جدا والمدرب عمل التغيير علشان يقفل الناحية دي وفعلا نجح في دا وحمادة طلبة قدم اداء متميز كذلك وكان قد المهمة اداء سيئ فعلا صادم لكتير من الجماهير من اوباما لانه من اللاعبين اللي كنا بنعول عليهم كتير وعلي تألقهم المعتاد شايف انه الافضل انه يخرج اعارة في يناير علشان يلعب اكثر لانه الركنة هتضره جامد , تغيير ثالث بنزول معروف يوسف وخروج احمد عيد فكر باتشيكو واضح وانه بيسعي للفوز زي ما ذكرت مش للاداء الجيد التغيير دا كذلك بيدل علي الفكرة دي احمد عيد يمكن افضل من مؤمن في المباراة لكنه ادواره مش معقدة يعني ميقدرش يقوم بكل اللي بيقدر يقوم بيه مؤمن كذلك بدنيا معندهوش القدرة انه يكمل مباراة كاملة بنفس الاداء نزول لاعب بيقدر يمسك كورة في نص الملعب علشان يمتلك المنطقة مع رجوع مؤمن زكريا كذلك لنص الملعب للاستفادة من مجهوده مع اعطاء حرية اكبر لحازم امام ولعبه تقريبا كمهاجم ثاني ! مقدرش اقول اداء المطلوب معروف ولا اظن اني فاهم الخطة فعلا ! معرفش هيا 4 2 2 2 ولا ايه بالظبط لكن اللي اعرفه انه فعلا نجحت واستغل سرعه حازم والمساحات اللي ورا في تسجيل الهدف الثاني وضمان المباراة :33: واضح زي ما قلت انه باتشيكو يسعي فقط للنتيجة بدون الاداء ودا في كل الحالات مش شيئ سيئ ابدا لانه الزمالك ياما كان افضل وخسر ويمكن يجد ف الامور جديد الفترة اللي جايا خاصة بوجود توقف للدوري بسبب مباريات المنتخب الافريقية وهيتعرف اكتر علي امكانيات اللاعبين ويقدر يقدم كل تفكيره وشغله ليهم فننتظر ونشوف :33: كمان للذكر بدنيا الزمالك بيتحسن يوم عن يوم والفريق في وضع مميز ضغط علي حامل الكورة من اول لاخر دقيقة في المباراة دور مدرب الاحمال بدأ يظهر وهيبان اكتر مع الوقت ان شاء الله |
تقييمي للاعيبة الزمالك https://scontent-b-fra.xx.fbcdn.net/...53&oe=54D7C30A احمد الشناوي لم يختبر حازم امام 6 علي جبر 8 محمد كوفي 8 احمد سمير 5 طارق حامد 8 ابراهيم صلاح 9 يوسف اوباما 1 مؤمن زكريا 2 احمد عيد 5 خالد قمر 8 التبديلات جنش لم يختبر حمادة طلبة 8 معروف يوسف 7 باتشيكو 9 |
فوز ثمين للزمالك صرف النظر عن الاداء المتواضع نتمنى يكون افضل ويتحسن ف المباريات الجايه الحمد لله كانت مباراه مهمه للزمالك لزيادة الثقه وكمان صعد به من المركز الثامن للاول حتى لو ليوم واحد ويمكن باذن الله تبقى طريق للفوز بعد كدا مبارك للزمالك وكل الزمالكاويه تحليل رائع بكل المقاييس وشامل يدوم النشاط |
اقتباس:
نقط ثمينة جدا واستمرار لسلسلة ناجحة من النتائج المتتالية ان شاء الله دفعه معنوية كبيرة للفريق في الدوري تسلمي يارب يا توحد سعيد انه عجبك وبمرورك الجميل :) والف مبروك بقي :105: |
| الساعة الآن 12:02 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب