السلام عليكم ورحة الله وبركاته

http://banatmisr.com/up3/uploads/1415916806981.jpeg

ساعات كتيرة جدا بنحس اننا لوحدنا مع الرغم ان كل الناس حوالينا بنتكلم ونلون فكلامنا لاننا عارفين مهما اتكلمنا محدش هيفهمنا كل يوم فحياتنا بنقضيه اوقات بيكون احلي يوم واوقات بيكون يوم ممل ومتعب اوقات بنلاقي مواضيع جديدة فحياتنا بنحب ناخد رأي بعض فيها بس للاسف محدش بيفهمنا مش هنتكلم بالفصحي لا بلهجتنا العامية لان مشاعرنا مش هنلونها وهندخل وهنتكلم وهنسأل علي بعض ولازم نكون واثقين اننا فالمنتدي هنا مش اعضاء وادارة والوان ومشاركات ونجوم احنا اخوات وهنفضل اخوات نسال علي بعض ونطمن علي بعض مفيش فرق بين عضو وعضو ...
مبدأيا دي مش مسابقة ولا اوسمة دا دفتر هنعمله فاليوميات لينا كلنا هيدخل كل عضو يعرف نفسه وكل يوم هيمر علينا فحياتنا هندخل في دفترنا وهنحكي عملنا ايه ويومنا كان ازاي ولو حاجه محيرانا هناخد رأي بعض فيها ..
الدفتر ده هيكون للابد مش ملك حد ملك الجميع ومفيش قيود احكي كل الي حصل مع اخواتك مع عدم الاخلال بقوانين المنتدي.
دفترنا خالي من المجاملات كلنا واحد مدير قبل عضو هيحكي وهنتكلم وهنقرب افكارنا من بعض ..
قبل مانكون اعضاء فمنتدي فاحنا فالاول وفالاخر اخوات والادارة هتضيف مشاركات تلقائي دا بعد اذنهم للمشاركين فالدفتر وهيكون ليهم تكريم كل شهر بس صدقوني تكريمنا فنظر بعض اكبر بكتير اوي ..
بانتظار موافقتكم اخواتي علشان نبدأ نفتح اولي صفحات دفترنا ..

تحياتي :محمود أبوزيد