انتبه !!! هو موقف حصل و اتكرر كتير قدامى حبيت أذكرهم علشان الناس تاخد بالها من النصب و مش تقع بالساهل * الموقف الاول معايا واحد زميلى فى الشغل معاه ابنه فى الجيش المهم فى يوم جاله راجل و قاله ابنك تعبان فى الجيش و اتنقل المستشفى و محتاج فلوس ضرورى طبعا الراجل قعد يتصل على ابنه لقى الموبيل مغلق و معرفش يوصل لابنه ، و طبعا كان خايف على ابنه اوى فأداه الفلوس و بعد كام يوم كلمه ابنه قاله مفيش حاجه انا بخير و مش بعت حد كل الحكايه كان موبيله مفيش شبكه فى المنطقه الى راح انتقل اليها و الى اخد الفلوس دا نصاب و معاه حد فى الجيش صاحب ابن الراجل دا عرف عنوانه و كل المعلومات و بعت حد ينصب على اهل الولد * الموقف التانى واحد بعت رساله للموبيل بتاعى بيقول ( ايوا يا محمد عمك لقى أثار تحت البيت و عايز مشترى بسرعه بس متقليش حد ) طبعا علشان اتصل انا و يقلى الرساله غلط و اروح عنده بقا اما يخطفنى و يطلب فاديه او يسرق الفلوس الى معايا اشهر طرق النصب دلوقتى و مره واحد بعتلى رساله من موبيله ( تم تحويل رصيد ب 50 جنيه ) و اتصل قال انا حولت غلط و رجلعى رصيدى صلبت الرقم اشوف الرصيد لقيته زى ما هو فقلتله موصلش الرصيد الاولانى حول تانى :04: ------ مش عارف ليه النصب دلوقتى بقي مهنه و بيحترفها الناس و مهنه يتاكل منها عيش بالظلم و الخبث و الحيل بصراحه دى كارثه محتاجه تتعالج فى مجتمعنا الى حصله موقف عن النصب ياريت يذكره علشان نتعلم منه |
( ايوا يا محمد عمك لقى أثار تحت البيت و عايز مشترى بسرعه بس متقليش حد ) في واحده صحبتي حصلها نفس الموقف بس جوزها قالها اتلهي دا نصب وحكتلي بصفتي المهنيه بئه وكأني هفهم لها حكاية الاثار دي :04: انا بئه مرة في رمضان اللي فات دا مرات عمي غاوية فوازير فكل يوم تقعد من الصبح تستني مسلسليكو وتخلص رصيد تليفونات البيت علي الاتصال في فيوم اتصل عليها رقم وقال لها انه تليفزيون الحياه وان الرقم دا كسب الحلقه الرابعه وانهم جايين في الطريق فضلت تستني ومبسوطه بئه وبتاع انها هتطلع في التليفزيون تقولوش هتمثل مع السقا وفي الاخر طلع ابنها بيشتغلها بس انا شربتها بصراحه ودخلت عليا واللي غاظني اوي وقتها انها ذلتي طلبات وانا مكنتش راضيه ازعلها لمطلعنيش جنبها في الحياه :04: |
الناس تعبانة يا بيج والسرقة انتشرت بشكل كبير احد اصدقائى اتثبت بسلاح واخدوا سيارته واتصلوا عليه بعد يومين لان رقم تليفونه كان فى السيارة تجيب مبلغ كذا وبعد ما نستلم الفلوس نسلمك عربيتك طب الضمان لانكم هتعطونى السيارة مفيش ضمان عطاهم الفلوس وبلغوه يروح لمكان هيلاقى عربيته موجودة بالمكان الفلانى راح فعلا بس لقى سيارة قديمة غير سيارته تركها ومشى خسر العربية والفلوس |
والله العظيم حصل أظرف سرقه فى عالم النصب بس الواد اخوي الصغير فى سنة 1990 كل يوم يجى بتاع البخور يبخر المحل واخوي كان معهوش فكه ادالو عشره جنيه وشوف ياصحبى العشره جنيه فى هذا الزمن فأخذ العشره جنيه وسبلو المبخره اللى بيبخر بيها ومن ساعتها مجاش تانى ومازال اخوى يبحث عنه .... عندما تحكم الدول الأسلاميه بقانون الشيطان الوضعى وينسو قانون الرحمن فكل شيء مباح فى وطن مباح فيه كل شىء معالجة هذه الظاهره المتفشيه فى المجتمع ناتج عن فساد الذين يتحكمون فى المجتمع من ؟؟؟؟؟؟؟؟؟؟؟؟؟؟؟؟؟؟؟؟؟؟ الخ الخ الخ تحياتى يابوص ابو نصير |
واحد بعت رساله للموبيل بتاعى بيقول ( ايوا يا محمد عمك لقى أثار تحت البيت و عايز مشترى بسرعه بس متقليش حد ) والله حصل لي الموقف ده بس كان ياآ خالد وبعته لي وانا طبعاً ولا عبرته لأن مكشوؤوؤفةة اووي .. والله الناآس بقت بتحب النصب زي ما بتحب تتنفس وهنقول ايه ربنا يهدي تسسلم ع الموضوع ~ |
ما الشغله تبعت البيت ظاهره قصه نصب اما الي ابنه في الجيش برضوا مصدقه الانه كيف عرف الرجل انه ابنه في الجيش وفي المنطقة الفلانيه الظاهر انه النصاب من حد بيعرفه وأكيد الحرص واجب وأكيد في أشكال كتيره ل النصب احنا عنا بيتصل علينا رقم من الموبيل يبتدئ ب رقم 057 وإذا تم الرد عليه يتم سرقه الصور الخاصه في جهازك الله يعينا من ها زمان هادا |
اقتباس:
ههههههههههههه الواد ابنها عسل وربنا وقع امه فى شر اعمالها :04: تسلمى سما نورتى |
اقتباس:
ياساتر مواضيع سرقة العربيات دا منتشر جدا ربنا يلطف منور يا كريم |
اقتباس:
تلاقيه غنى بالعشره جنيه دى هههههههههه ربنا يلطف يا ابو نصير |
اوعي تكون انت اللي بتنصب يا نور |
الساعة الآن 06:44 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب