منتديات بنات مصر

منتديات بنات مصر (https://forums.banatmasr.net/)
-   منتدى يوميات الاعضاء (https://forums.banatmasr.net/f61/)
-   -   الحلقه التانية من ( المُعتقل ) مع ( big bốss ) (https://forums.banatmasr.net/msryat501369/)

phalsteen 02-05-2015 09:03 PM

الحلقه التانية من ( المُعتقل ) مع ( big bốss )
 
http://banatmisr.com/up3/uploads/1423165970683.gif


مساء الخير
اهلا بكم في حلقه جديدة من برنامج

المُعتقل

اتمني تكون الحلقه الاولي نالت اعجابكم

وطبعا زي ما سبق وقولت :
لا يُسأل عن الاجابات سوي صاحبها
فهي لا تمثل سوي آاراء وفكر صاحبها

http://banatmisr.com/up3/uploads/1398980564621.png


big bốss

مشرف سابق
http://forums.banatmisr.com/imgcache/2/69372alsh3er.gif

http://forums.banatmasr.net/imgcache...ine=1422693731

مساء الخير نور
اهلا بيك في المعتقل

مساء الفل يا سما

اهلآ بيكى


من متابعتك للبرنامج سواء الوسم الاول
واللي الحالي ايه رأيك في البرنامج
واتوقعت تبقي ضيف فيه ؟

برامج كويس من البرامج الى بتكشف ما وراء الكواليس
للاحداث الى بيمر بيها المنتدى من مشاكل و كدا
اه متوقع يتم استضفتى فيه


مش غريب ان بعد الاشراف والمراقبه
توصل علاقتك بالادارة لحظر للمدة الطويله دي
ويفضل السبب مجهول بالنسبة لاغلب الاعضاء
ياتري ليه وصل الوضع لكدة ؟

وصل الوضع لكدا لانى كنت متواصل مع طارق و منه
و اى مشكله بتتحل معاهم بالحوار
و التفاهم و كانت بتخلص فى وقتها
اما المشكله الاخيره مكنش
حد فيهم موجود و بصراحه انامش بعرف
اتعامل مع شخص انا مش مقتنع بتفكيره
للأسف ممكن يكون عيب فيا
طالما مش مقتنع بتفكير الى
قدامى يبقى الامور هتوصل للصدام


خلال فترة حظرك حاولت اكتر من مرة المشاركه
سواء بعضويات اعضاء تانية
ولا تسجيلك باسم مختلف
ولكن الادارة كانت برضوة بتلجأ للحظر
تصميمك كان تعلق بالمنتدي ولا
اعتراض علي اجراء الحظر عموما ؟


اولآ فيه اعضاء متعرفش سبب الحظر
سبب الحظر انى شتمت عضوه و غلطت فيها جامد
و السبب الى وصلنى لكدا محتفظ به لنفسي
طبعا وقتها كنت متعصب
و تدخلت الاداره و شتمتها هى كمان
و أخت حظر
5 شهور
سبب دخولى بعضويات اخرى
اعضاء كتير عرضوا عليا
ادخل المنتدى بعضوياتهم
و كنت بدخل بسبب
تعودى على المنتدى و ان مفيش

حد يملك سلطة انه يمنعنى عنه
تدريجيا فقدت اهتمامى بالمنتدى
لغاية لما انقطع الرابط الى بينى و بينه
و معدش فارق معايا زى الاول

وايا كانت الاسباب نور
توصل لغلط شديد اللهجه مع عضوة ؟

كل انسان فى حياته منطقه حمراء محظور
اى بنى ادم يدخل فيها
لو حد ادخل اكيد رد فعلك هيكون غير طبيعى

لو مكنش حصل تدخل من الادارة
وعدم تفاهم وصل الوضع للحظر
كنت هتعتذر للعضوة عن الغلط ؟

اكيد كانت المشكله هتتحل من غير تطور
لان الموضوع مش اطور الا لما ادخلت الاداره للاسف
و كان فى نفس اللحظه و الدقيقه


ياتري شايف قرار فك الحظر ايه
احتياج الادارة لنشاط وتواجد البيح بوص
ولا لانتهاء الخلاف واسبابه ؟

مش فارق بالنسبالى السبب ايه
لان القرار مكنش فيه تقدير و غير مقتنع بالمده بتاعته
انا فاكر مره حصل خناقه فى المنتدى ايام طارق و ضياء
طارق شتم مشرف الابداعات مش متذكر اسمه
و شتموا بعض فى توبيك
بسبب خلاف
و اتحذف التوبيك
و اتصلحوا و محصلش اى حاجه
و لما اشتكيت ازاى يحصل كدا ضياء قفل الشكوى :04:
طيب ليه مش اتحظر طارق و المشرف 5 شهور ؟؟؟؟


افهم من كلامك انه متمتش تصفيه خلافات
ولا صلح بين اي طرف زي ما سبق وقالت الادارة ؟

الموضوع منتهى من ست شهور
يعنى اتنسي خلاص
و القلوب صافيه مش محتاج لا صلح و لا تصفيه


شايف المنتدي ازاي بعد رجوعك
وياتري في حاجة اتغيرت بعلاقتك بالمنتدي
ما بين قبل الحظر وبعده ؟

اكيد طبعا اتغيرت حاجات كتير
ارتباطى بالمنتدى انهار تماما
حاليا المنتدى بالنسبالى تقضية وقت مش اكتر
شايف المنتدى ازاى عادى نشاطه معقول الى حد ما
الخناقات موجوده زى ما هى
مفيش تغير للافضل يستشعر
علشان كدا اعضاء كتير مبقتيش تدخل

قسم النقاس لما كان تحت رقابه البيج بوص
وحاليا ياتري ايه تعليقك
وشايف النقاش ازاي خصوصا انك السبب في تحويله حصري
وكمان فترة رقابتك عليه مكنتش صغيرة ؟

قسم النقاش محتاج تواجد المشرف باستمرار علشان يناقش
الاعضاء فى مواضيعهم
طبيعة النقاش له طبيعه خاصه محتاج تواجد باستمرار
اهو شغال حاليا بس مش بنفس نشاطه
و مش شايف فيه تكريمات او مسابقات برضو



لو اتعرض عليك العودة لقسم النقاش
هيكون ايه رد فعلك ؟

عدم التقدير
خلانى لا اطمح لاى منصب او اشراف تانى
سأكتفى باللون الاسود

http://banatmisr.com/up3/uploads/1398980564621.png


من خلال جمله واحده
عاوزة اعرف رأيك في د/ مرسي ؟

مش مقتنع بيه نهائيا

تفتكر النتائج اللي اترتبت علي عزل مرسي
ارحم من النتائج اللي كانت هترتب علي ااستمرار حكمه ؟

اه اكيد
حاليا مشكلتنا هى الارهاب و عاجلا ام اجلا هيتم القضاء عليه
اما لو الاخوان استمروا فى الحك كانت كل مؤسسات الدوله اتخونة
و مكناش هنقدر نعمل حاجه و كنا هنعيش فى بلد زى افغانستان كدا


مين المستفاد من العمليات الارهابيه في مصر
سواء للمدنينن او الجيش والشرطه ؟

المستفيد هم الاخوان
عايزين البلد توقف و الجيش يدمر
علشان ينتقموا منه


علاقه الشعب بالشرطه المصرية
في تحسن ولا في تصادم
في الفترة ما بين 25 يناير 2011 : 25 يناير 2015 ؟

من 2011 لغايت 2013 كانت تصادم و سيئه
من بعد ثورة 30 يونيو بدات تتحسن تدريجيا
و ترجع الثقه من جديد

بعد حوالي 8 شهور علي فترة حكم السيسي
30/6 انقلاب ولا ثورة ؟

ثوره عظيمه
حطت مصر على الطريق الصحيح

تقول ايه لمــــــــصر
ولمنتدي بنات مصر ؟

زى سعد زغلول ما قال مفيش فايده :18:
محتجين نزرع بذور التسامح و الاخلاص و الود
و نقطف اشواك الفرقه و التعصب و الغضب
علشان نكون صح


نورتنا جنــــــــــــــــرال
ونتمني تكون سعدت باللقاء

في رعاية الله s1

شكرا سما أسعدتنى الاستضافه


وبكدة خلص حوارنا مع بيج بوص
انتظرونا قريبا في لقاء اخر
في المُعتقل


Sea Pearl 02-05-2015 10:33 PM

::

حلقة جريئة وصريحة..
اهم حاجة ان الامور رجعت تمام..
ومش هننكر ان نور كان عامل كبير،
فى نشاط المنتدى وقسم النقاش خاصة،.
حلقة جيدة سما ../
بالتوفيق :)

big bốss 02-05-2015 10:37 PM

اقتباس:

المشاركة الأصلية كتبت بواسطة śèá pèárł (Post 4699425)
::

حلقة جريئة وصريحة..
اهم حاجة ان الامور رجعت تمام..
ومش هننكر ان نور كان عامل كبير،
فى نشاط المنتدى وقسم النقاش خاصة،.
حلقة جيدة سما ../
بالتوفيق :)


انا شمعه تحترق من اجل الاخرين

انا دايما كدا فى حياتى بحب اكون عامل مؤثر و مميز

شكرا لؤلؤة البحر

نورتى

.Lamar 02-05-2015 10:48 PM

اجابات جريئة
العصبية عمرها ما بتكون حل و سهل اوى
تضيع حقك لو ليك حق

و كتير بتكون حاجات جزء اساسي من حياتنا
و مع الظروف و الوقت بتتراجع اهميتها
ان شاء تتحسن اوضاع المنتدى

حلقة جميلة سما و ضيف مميز
شكرا ليكم
تحياتى و تقديرى

العاشق الذى لم يتب 02-05-2015 11:13 PM

جميلة الحلقة
ومنورهااكيد نور
وربنايصلح حال المنتدى
وحال مصر
ويجمعنا على المودة والتسامح
اللى ذكرهم نور
شكرانور
شكرا سما
دوام التألق للبرنامج
تحياتى وودى

انا جيجي 02-06-2015 12:19 AM

حلقة روعة يا سما انا معرفش نور الا من فترة قليلة بس ليه روح فى المنتدى

يعنى مواضيعه فيها انجذاب اكتر وتخليكى تتناقشى وتتحاوى وكده

دمت بخير

وكعادتك مميزة يا سما

Stop Ana Eltop 02-06-2015 12:58 AM

البرنامج دا خطير الصراحه كفكره واسلوب تقديم
نور عضو قديم ومعروف
واكيد الجزء التانی مش متفقه فيه معاه 😀😀

تسلمی ياسما ع المجهود .
بالتوفيق

واد حبيب 02-06-2015 04:36 AM

نفسي اعرف فين الخطوط الحمره بتاعتك دي علشان احظرك تاني ههههههه

big bốss 02-06-2015 08:49 AM

اقتباس:

المشاركة الأصلية كتبت بواسطة لمار* (Post 4699437)
اجابات جريئة
العصبية عمرها ما بتكون حل و سهل اوى
تضيع حقك لو ليك حق

و كتير بتكون حاجات جزء اساسي من حياتنا
و مع الظروف و الوقت بتتراجع اهميتها
ان شاء تتحسن اوضاع المنتدى

حلقة جميلة سما و ضيف مميز
شكرا ليكم
تحياتى و تقديرى


فعلآ اوقات العصبيه بضيع حقك

بس هنعمل ايه دى شىء ليس لنا فيه امر

مفيش اهتمام بيدوم دوام الحال من المحار

نورتى لمار

big bốss 02-06-2015 08:50 AM

اقتباس:

المشاركة الأصلية كتبت بواسطة العاشق الذى لم يتب (Post 4699452)
جميلة الحلقة
ومنورهااكيد نور
وربنايصلح حال المنتدى
وحال مصر
ويجمعنا على المودة والتسامح
اللى ذكرهم نور
شكرانور
شكرا سما
دوام التألق للبرنامج
تحياتى وودى


شكرا يا رفعت

نورت


الساعة الآن 03:36 AM

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w