منتديات بنات مصر - مشروع زواج..الحلقة التاسعة.. أميرة الشعر الشجين

http://forums.banatmisr.com/imgcache...647alsh3er.gif

http://forums.banatmisr.com/imgcache...398alsh3er.gif

http://forums.banatmisr.com/imgcache...732alsh3er.gif
سلامْ يتهادى عبق يآسمَينه ليدثر آروُاحكمْ
بالرضآ والآطمئنآنْ صباحاتكم ومسائاتكم معطره بإذن الله بنقاء آرواحكم

http://forums.banatmisr.com/imgcache...732alsh3er.gif http://forums.banatmisr.com/imgcache...732alsh3er.gif
http://forums.banatmisr.com/imgcache...732alsh3er.gif

http://forums.banatmisr.com/imgcache...733alsh3er.gif

http://forums.banatmisr.com/imgcache...648alsh3er.gifأفراح وليالى ملاحhttp://forums.banatmisr.com/imgcache...648alsh3er.gif

السلام عليكم ورحمة الله وبركاته
ومن آياته أن خلق لكم من أنغسكم أزواجا
لتسكنوا إليها وجعل بينكم مودة ورحمة
ذاك قول الله جلا وعلا
ويقول سيدالبشرصلوات ربى عليه وسلامه
(تناكحوا تناسلوا فإنى مباهٍ بكم الأمم يوم القيامة)
مشروع زواج
هو برنامج اسبوعى أردت من خلاله مناقشة
الأعضاء لكى نتعرف على الجوانب المضيئة فى هذا المشروع والذى هو مشروع حيوى وماأظن أحدا فى الدنيا
إلا وفكرأن يتاجرفيه
وهذه التجارة كثيرا ماتكون رابحة ومرات تكون خاسرة ومع ضيوفى الأعزاء نناقش سويا
متى تكون التجارة رابحة ومتى تكون خاسرة
ومع سابع حلقات البرنانج
يسعدنى ويشرفنى تكون ضيفة الحلقة الليلة هى

وغابت قمر عن المنتدى منذ فترة
أتمنى أن تعود قريبا
وأتمنى أن تكون بالف خير
http://forums.banatmisr.com/imgcache...649alsh3er.gif

http://forums.banatmisr.com/imgcache...648alsh3er.gif

اميره الشعر الشجين

من مبدعى المنتدى

http://banatmisr.com/up3/uploads/1369334394351.gif http://banatmisr.com/up3/uploads/1369334394351.gif http://banatmisr.com/up3/uploads/1369334394351.gif http://banatmisr.com/up3/uploads/1369334394351.gif http://banatmisr.com/up3/uploads/1369334394351.gif http://banatmisr.com/up3/uploads/1369334394351.gif

http://forums.banatmasr.net/image.ph...ine=1420916952

ازيك واخبارك تحياتى وسلامى

[اميره الشعر الشجين]

س ــ الزواج هو حلم كل فتاة وشاب وهو أمر
من الله ورسوله وبه تكون الحياة
فماذا تنظرى لهذا المشروع من وجهة نظرك؟

الزواج طبعاً شئ واجب وفرض علينا وبيأكد طبعا على أن الله سبحانه وتعالى خلقنا ذكراً وأنثى لنتكامل ونكن يد واحده ومن نظرى أن الزواج شئ لابد منه لانو بيعصم أمور كتير ممكن نقع فيها وأحنا مش حسين وغير كدا دى سنه الحياه واكيد ربنا مبيفرضش حاجه الا وفيها الخير لينا مهما نكون شيفين احنا s1
س ــ غلاء المعيشة وظروف الشباب المادية
ساهمت فى عزوف الشباب عن الزواج
فكيف التغلب على مشكلة العزوف هذه؟
مشكله الغلاء والماديه عمرها ما هتبقى مشكله بس المشكله الاكبر بتبقى كامنه فى بعض الاحيان مابين الاهالى مابين مطالب وغيرو وغيرو وساعات احنا البنات وانا بعترف بنفترى شويه فى المطالب لانو الا مبيجيش قبل الزواج عمرو ما هيجي بعد الزواج وعلى ما اظن ان مشكله التغلب دى تكون بين العروسين بالبعد عن اراء الاهل طبعاً
يعنى لو حصل نصيب طبعا الشاب هيفهم عروسته عن حاله وحالته الماديه ومقدرته ولو هيا شيفه انها متقبله الموقف خلاص بس بصراحه بشوف ان نفور الشباب عن الزواج مش بحجه الغلاء ساعات بسمع اراء واولهم اخويا ان الزواج دا سجن ومسؤليه ومش هيعرف يكون على راحته :33: وياعالم هيقدر ولا لاء :109:

س ــ هل الحالة المادية وحدها هى السبب فى تأخرزواج الفتايات والشباب؟
لالالا s1 ساعات بتكون الفتاه نفسها شيفه نفسها ومحسسانى انها لو متجوزتش امير ولا عيل سيس شبه مهند مستعده تعنس ويا اما تلا قى الشاب الا هياخدها بعيد وجو الافلام الهندى دا بقى واحيانا الشاب عملى فيها مقطع السمكه وديلها ومصمم على واحده تكون اميره وملكه جمال ويشوف دى ويعرف دى ويرتبط ويسيب وغيرو وغيرو لحد ما عمره يفوت ويقضيها اى حاجه
فانا استبعد الحاله الماديه لانو لو اهل العروسين كويسين هيشيلو بعض وهيقدرو ظروف بعض

س ــ هل غلاء المهور وتعنت أسرة الفتاة وغلوهم فى
طلبات زائدة ساهم فى تفاخم وتأخيرمشروع الزواج؟
ممكن لاء وممكن آه بس أنا شيفه حكايه المهر اليومين دول هيا المشكله فعلاً وحتى لو البنت مش عيزه اهلها بيرفضو لانهم عيزين يضمنو حقها بس فيه ساعات افتراء وغباء فى المهر وبينطلب مبالغ بجد شنيعه فطبعا دا بيأخر من جواز البنت او الشاب

س ــ هناك أسر حينمايتقدم لطلب أبنتهم أحد الشباب
يرفضوه بحجة أن نسبه ومنصبه لايساوى حسبهم
فهل هذا حق شرعة لهذه الاسر؟

اممم بصراحه حكايه المنصب والنسب دا مش يعنى حكم فى الموضوع اصلو طالما هو راجل ويقدر يشيل مسؤليه على أكمل وجه ويكفى بيتو ايه بقى الا يعيبه
بس تقدر تقول شغل تظاهر وفشخره ع الفاضى والمليان وشوفت من دا كتييييييييييييييييير وفى عيلتى انا وبلا كسوف شخصياً s2

س ــ لو تقدم شاب ومحصلته التعليمية أقل من الفتاة
ولكن لديه القدرة المادية والمعيشية تفتكرى
من حق الفتاة أن ترفضه؟

ممكن ترفضه ويكون ليها الحق فى كدا لو هيا مش مرتاحه نفسياً ليه او مش حسه انها هتعمر معاه وكدا لكن ملهاش حق ترفضه لمجرد ان تعليمه ااقل منها اصلها مش هتعمل حاجه بتعليمه طالما بيشتغل وهيخليها اسعد انسانه حتى لو دخله بسيط ايه المشكله بالعكس دى تقف جنبه وتسانده وبعدين حتى لو هيا اعلى منو تعليميا يعنى هتعمل ايه يعنى دى مجرد شهاده واخرتها بيت وعيال :20:

س ــ كثيرا مانسمع ونرى قصة حب بين فتاة وشاب
وعند مجيئ هذا الشاب لأهل الفتاة يرفضوه عقابالجرمه
فماوجهة نظرك فى تلك الحالة؟

والله يا اخ رفعت انا معرفش لانى مش بؤمن بحكايه الحب بين ولد وبنت قبل الجواز انا مشيه بمبدئ الصالونات يعنى حد مثلا يتقدم خلاص حصل نصيب وكدا وجواز خلاص هنا بقى يبتدى الحب لانى بصراحه بحس ان البنت لو حبت واحد ومش هتكون ليه انها خانت زوجها الا لزال فى علم الغيب وقالت كلام فى حق واحد مش من حقه يتقاله غير الكلام دا وكذالك الولد فا قصص الحب والهبل دا ما ليش رد عليها

س ــ وسائل التواصل الحديثة ساعدت وسهلت بعض
الأموروالمزيد من التقارب بين الشباب والفتايات
فماذا تقننى هذه المعرفة وماسلبياتها وإجابياتها؟

لو تقصد وسائل التعارف فدا طبعاً دور اساسى فى التعارف فيها الا بينجح ويستمر وفيها طبعاً كدب وغيرو
الاجابيات محدوده مابين انها بيكون ليك اصدقاء فى حدود الادب وغيرو وطبعا السلبيات اكتر منها بقى بيكون للتحرش كلامياً واو عاطفيا وساعات بيحصل مقابلات وكدا انا عن نفسى بنصح ان التقارب من النت بالذات شئ مؤسف ومحدش يقتنع بيه

س كثيرا مانسمع عن خطبة وطلب زواج عن طريق هذه
الإتصالات كيف ترى ذلك وهل توافقى لو تقدم لخطبتك
عريس عن تلك الطرق؟

بصراحه بصراحه حصلت معايا وكان واحد اكبر منى بأربع سنين وكمان دكتور وحكالى كل شئ عنو لدرجه انو لما طلب نمرتى ورفضت قالى طب مش لازم هاتى نمره مامتك او خوكى صدقينى انا مش زى الشباب التانى والكلام دا ومستعد اجى لبيتك ولو انتى عيزانا نتعرف شخصيا طبعا رفضت ولبخت جامد معاه فى الكلام
طبعا طبعا ارفض وبشده رغم انو فيه فعلا علاقات نجحت عن الطريق دا بس حب النت والكلام دا ما بعترفش بيه

س ــ الشكوى من العناس وتزايده فى الفترة الأخيرة
تفتكرى ماهو السبب الحقيقى وراء تلك الظاهرة؟

العناس دا اولا لسه بيكون امر الله مجاش ومأذنش بالزواج وبيكون تكبر البنت او الشاب سبب من اسبابه وساعات بيكو تعجرف الاهل سبب اساسى للمشكله دى

س ــ كثرت المشاكل الزوجية ووصلت
لكثيرمن حالات الطلاق المبكر هل لديك
معلومات أو مبررات لهذه الحالة وماهول الحل من وجهة نظرك؟
والله دى اعراض ناس وماقدرش ادخل :04:

ممكن يكون امم مش عرفه والله :18::18: بس اكيد فيه بعض الشباب التافه الامبيقدروش الزواج وبعد ما يتزوجو يعنى ممكن يكون حاجات اتغيرت او يعنى ههه بصراحه مش عرفه بوص لما اتجوز واطلق هقولك :04:

ســ بعد تمام الزواج تكتشف الفتاة أن زوجها
عكس ماكانت تراه قبل الزواج
سواء حالته المادية أو التعاملية ماذا سيكون
تصرفك لوكنت أنت فى هذه الحالة؟

اولا انا بحب الصراحه جدا لو واحد اتقدملى وحصل نصيب واكتشفت انو بالغ فى بعض الحوارات وكدا كونى بقيت زوجته طبعا لازم اتقبلها واتحمل طبعا ظروفه الماديه اين كانت ومضغطش عليه بس طبعا هوصله بعد العتاب بس بلطف شويه :08: بس مش اتخانق واسيب البيت والشغل الحمضان دا :28: وطبعاً بالنسبه للتعامل بقى دى تبقى انا وشطارتى وازاى اقدر اكسبه :05:

س هناك بعض الفتايات ترفض التعاون مع زوجها فى
مناحى الحياة الزوجية منها المادية وأهمهارفضها
للإنجاب بحجة جمالها ومظهرها إيه رأيك فى كده؟

هههههههه انا وانا اصغيره كنت بقول كدا :18: بس لما طبعا كبرت شويه عن الهبل الا انا كنت فيه وابتديت اشوف بقى بنات خالتى لما اتجوزو وخلفو بيبى قطوطه كدا بصراحه حبيت الموضوع يعنى جمال ايه بس بضحكه من طفل ولا كلمه ماما الا بالدنيا كلها ويقعد يتف عليا :09: يعنى بصراحه اعرف من دول كتير بس ابدا يعنى جمالها دا مش هيفضل معاها مش هتربيه وتحسن تربيته ويوم ماتموت هيدعلها بالرحمه لالالا التفكير دا قمه الغباء

س ــ مشكلة الحماوات وكثيرا مانرى الزوجة
تترك بيتزوجها بسبب والدته فهل هذه تمثل مشكلة حقيقية؟
مش عرفه بس فيه فعلا حموات يعنى اقول ايه بس s2 مينطاقوش وتحس انك عايز تولع فيهم بس انا بشوف ان اصلن عجرفه الحموات دى اكيد ليها سبب من الزوجه نفسها وحتى لو الزوجه مبتعملش حاجه بوص بقى عارف انت شغل الحموات المفترى دا كان مع أمى وكنت لسه صغيره ولما اجى اتكلم امى تقولى لاء انتى لما تكبرى ويكون عندك حماه زيها واخوكى يتجوز وانا اكون حما مراته اكيد انتى مش هتئبلى انها تكلمنى زى مانتى هتكلمى حماتك هتعمليها كأنها أمك التانيه مهما عملت وسوت اسمعى من هنا وطنشى من هنا وجوزك لما هيلاحظ دا طبعا هيكون زيك كدا وبالتالى محدش زعل :28: طيبه اوى امى بس انا لاء :09:

س ــ الزوج والذى يكون دائما منصف لأهله على حساب زوجته
كيف ترى ذلك التصرف؟
دا شئ طبيعى جدا جدا جدا طيب يجيى على زوجته وهيكون مؤلم فعلاً لو هيا مظلومه بس اكيد هيا لازم تفهم كدا يعنى بمعنى اصح يخدهم على اد عقلهم وزوجته هيراضيها بقى بعدين بس فى ازواج بتتمادى فى الحكايه دى وتقدر تعتبر دا سبب من اسباب الطلاق
وساعات الزوجه نفسها بتكون هيا الاموش كويسه :71:

س ــ على الجانب الآخر أم الزوجة توصى بنتها
بأن تكون قوية أمام زوجها ولاتستسلم له بسهولة
تفتكرى هذا التصرف سليم أم ماذا؟

ياريت امى تكون كدا s2
انا كنت بقول كدا انى لازم اكون قويه الشخصيه مع جوازى والعصمه فى ايدى وحاجات كتير :18:
بس أمى ديما تقولى كونك بنت كونى بنت مع زوجك قويه الشخصيه لما الظروف تقع بيكى وبيه عشان تسانديه حتى لو انتى السبب فى نجاحه متحسيسهوش بكدا بالعكس حسيسه انو هو الا كان اد الظروف والكلام دا بقىs1 ومهما يكون منو حتى لو ضربك متبجحيش فيه وسيبه خالص لانك فى كل تصرف معاه فى المواقف المختلفه بتجبرى يتعامل معاكى بتصرف حلو بعد ماشاف رد فعلك :18::18: انبى طيبه
حد يشوفلى ام غيرها s2 انا بقى من رئى الحجه s1

س ــ ماهو مشروع الزواج الناجح بين المتزوجين حديثا
وماهى مقوماته من وجهة نظرك؟

عارف ان المجوزين اليومين دول بحس بحاجه غريبه اوووى وياهم ايه هيا وربى ما اعرف :28:
بوص بقى من الاخر هو امر الله مقومات مش مقومات ال اربنا اذن ليه بالزواج هيتنيل :116: وغير كدا يبقى ربنا رحمه ااقصد يعنى لسه امر الله مجاش s1
ـســ فتايات كتيرة بتوافق على العريس اللى
أكبرمنهاسنا لظروف متعددة
هل هذا يعنى جريمة فى حقها ولامافيش مشكلة؟

بابا الله يرحمه اكبر من أمى ب 11 سنه s1
ومره سئلتها ازاى المفروض يكون بينكو على الاقل 5 سنين قالتلى اولا الا خلانى اوافق ان بابكى مكنش ممانع منعاً باتا انى اكمل تعليمى بعد الجواز وحصل فعلا وغير كدا فتح ليها الصيديله منو ليها وكمان قالت انها واقفت عشان كانت مرتاحه ليه وقدره تتفاهم معاه
وكويس جدا واسلوبه حلو معاها بتقول بس الغلطه الوحيد الا كانت فى جوازها انها خلفتنى s2s2
يعنى مش جريمه ولا حاجه تبقى جريمه لو غصب من الاهل وعشان الفلوس وكدا

س ـــ عندماتوافق الفتاة على قبول الزواج من زوج متزوج بأخرى
فهل تصرفها ده معيب ولا يكون حل لبعض مشاكل
ربما تأخرسنها أو قبولها بسبب علاقة عاطفية بينهم؟

:05::05::05: ممكن تكون ظروفها اجبرتها لكدا يعنى مش طيقه اهلها مثلا وعيزه تتخلص بأى طريقه وكان دا الوحيد الا قدامها بس بجد هتوقع نفسها فى مشكله جامده وهتظلم نفسها :33:

س ــ ماهو فتى أحلامك وماهى الصفات التى تريدنها فيه؟
:18::18: انا لو استنيت العمر كلو مش هيجى :18: وبعدين شاروخان متجوز اصلن :110:

هههههه اممم والله عادى الا يبعتو ربنا ميعبش الراجل غير جيبو بس اهم حاجه ميكنش بيشرب سجاير وبيصلى ومش بيعمل صوت وهو بياكل :04: ويكون زى ابويا فى كل حاجه من الكبيره للصغيره عشان بجد قليل اووى انى الاقى زوج زى ابويا :08:
وكمان عيزاه صريح معايا انا نيله اصلن :04: ااقصد يعنى ممكن اتكلم بجرءه كبيره اووى وبصراحه ومنكسفش يعنى مثلا يقولى كل حاجه عنو مهما كانت وميداريش يكون صريح مش منافق تحس من كلامه باكتر من اجابه واكتر من فعل طبعاً اهم صفه ميكنش من بتوع الاخوان :04:

س ــ ماذا تنصحين كل فتاة مقدمة على الزواج؟
انا مش هنصحها انا هدعلها :05: يعنى ممكن نقول انها عرفه خلاص انها هتروح على بيت زوجها كل حياتها بقت ليه متفكرش باى حاجه بقى قديمه لو كان فيه ماضى بحايتها لانو لمجرد التفكير خيانه فى نظرى
وكمان متتعلاش عليه لو شفته تعبان مثلا مش عيب انها تشد منو الجزمه بأسم انها مش خدامته وان دا اسلوب مش حضارى بالعكس دا ربنا سبحانه وتعالى بجلالته قال لو مكنش السجود ليه لامر الزوجه تسجد لزوجها يعنى ميبقاش ربنا معظمه كدا واحنا نتعالى تخفف عنه متكنش تقل عليه مش من اول ما تشوف خلقته هات هات وكمان لازم تتكيف على مستواه وقدرته الماليه حتى لو هتعيش معاه على جنيه تستحمل رخامته ولو اتعصب علها شويه من تعبه مش تعملى فيها بقى بتعايه وتروح على بيت اهلها بالعكس تحاول تكلم معاه بأسلوب مرح وتشوفه زعلان ليه وايه مضيقه وحتى لو طلع ميستهلش اعرفى انك بتعملى دا عشان بتحبى زوجك فى الله وان مكنش عشان الزوج يبقى عشان ربنا s2 امممم خلاص كدا جبرت :09:

شكراً يا عاشق على الاضافه بجد بجد انا اتحولت من الكتابهs2

يدوم التميز ياخيووووو :08:

حكاية خيووووووو
دى عجبتنى جدا
والشكرليك يايوشا
وآسف حقك عليا
وسلامتك من الحول
هبعتلك نظارة طبية

أحبتى فى الله أنتهت حلقة اليوم
مع ضيفتى الكريمة يوشا
أنتظرونى وحلقة جديدة قادمة
وحتى ذلك الحين أستودعكم من لاتضيع ودائعه
مع تحيات
أخوكم
رفعت
الشكرلك يوشا
لتكرمك وتشريفك البرنامج
أتمنى لك كل التوفيق والسعادة

أحبتى فى الله أنتهت حلقة اليوم

مع ضيفتى الكريمة الدكتورة آية
أميرة الشعر الشجينرة

أنتظرونى وحلقة جديدة قادمة

وحتى ذلك الحين أستودعكم من لاتضيع ودائعه

مع تحيات

أخوكم

رفعت

http://forums.banatmisr.com/imgcache...650alsh3er.gif

[/COLOR]

[flash=http://www.ro-ehsas.net/uploads/13914362691.swf]WIDTH=0 HEIGHT=0[/flash[/QUOTE][/QUOTE][/QUOTE][/QUOTE]