منتديات بنات مصر

منتديات بنات مصر (https://forums.banatmasr.net/)
-   منتدى يوميات الاعضاء (https://forums.banatmasr.net/f61/)
-   -   الحلقه الاولى ( ما لم تتوقعه ) مع ( morshooo ) (https://forums.banatmasr.net/msryat503571/)

morshooo 02-23-2015 01:26 PM

الحلقه الاولى ( ما لم تتوقعه ) مع ( morshooo )
 
بسم الله الرحمن الرحيم

اهلا بيكم

وحلقه جديدة من

( ما لم تتوقعه )


http://forums.banatmisr.com/imgcache/2/46936alsh3er.gif

البرنامج عبارة عن ( 10 اسئله )

مطلوب من الضيف انه يجاوب عليهم

وليه حق الاعتراض على اجابه اى سؤال لكن .

السؤال هينزل وهينزل اعتراض الضيف .

ماتنسوش ان البرنامج اسمه

( ما لم تتوقعه )

يعنى ممكن يكون سؤال او سؤالين هينطبق عليهم

( ما لم تتوقعه )


http://forums.banatmisr.com/imgcache/2/46936alsh3er.gif

فى البدايه تعالو نشوف الضيف

قال ايه قبل ما يشوف الاسئله .

اقسم بالله العظيم
ان اجاوب بكل صدق وصراحه
وسوف اتحمل اى سؤال يظهرلى
طالما وافقت على التواجد معك فى البرنامج
وسوف اوافق على طرح اى سؤال
ولا يحق لى ان ارفض نزول الحلقه
او حزف اى رد من الردود


http://forums.banatmisr.com/imgcache/2/46936alsh3er.gif


السؤال الاول :

عرفى الاعضاء ( انتى مين ) فى مالا يقل عن 5 سطور؟

ســـــــــــارة العزايزي

بينادوني هنا سما لانه اسم غالي عندي

ودي اول مرة اقول اسمي في برنامج

رغم ان في عدد بسيط هنا يعرفوا الاسم

عندي 22 سنــــــه

وبدرس اثار مصريه جامعه القاهرة

رقم بطاقتي مش حفظاه وربنا :11:

ومش هقوم ادور عليها عشان حضرتك :09:

وصورتي بلاش عشان منعملش فتنه بئه وكدهون

وانا اصلي مبيعجبنيش حد :p


http://forums.banatmisr.com/imgcache/2/46936alsh3er.gif

السؤال الثانى

ليه دائما بتحبى الاعضاء تهتم بيكى طول الوقت ولو حسيتى ان
محدش متابعك بتعملى اى تصرف او مشكله او حوار عشان
الاعضاء تشوفك ؟

دا اللي هو انا

انت بتهزر الئيم اعترف :24: ؟

تــــــــــؤ تـــــؤ

مش نفرتيتي اللي تعمل حاجة عشان حد يخلي باله منها

انا تقريبا العكس وانت اكيد عارف كدهون :p

يمكن عشان مش لازم ابرر تصرفاتي لحد

ولا يمكن اللي بيقول كدة شاغل نفسه بيا بزياده وبيعد عليا انفاسي

ومش لاقي مني اهتمام ولا تفسير ولا رد :04:


http://forums.banatmisr.com/imgcache/2/46936alsh3er.gif

السؤال الثالث

شايفا ان مشاكلك الدائمه مع الاعضاء دا وضع طبيعى
وماتقوليش ماليش مشاكل مع حد عشان مشاكلك كانت مع
( مورشو و نور ورفعت ) واكيد فى اعضاء تانيين ؟

زي بالظبط لما يكون لمورشو خلافات

مع ( نفرتيتي وساحر الاحزان وساد ايز والماجيك )

يبقي دا برضو وضع طبيعي :p

هو اللي مش طبيعي انك تفضل في مكان وميحصلش

خلافات في وجهات النظر

خصوصا لو انت مش اي حد :09:

اللي يهمني ان حتي الخلاف

او اللي بيحصل واختلف معاهم

مبيتعداش الخلاف للغلط مثلا

بالعكس انت لو سألت اي حد من اللي انت شايف اني مختلفه معاهم هيقولك

احلي كلام عني

ومستعده احلفلك :04:


http://forums.banatmisr.com/imgcache/2/46936alsh3er.gif

السؤال الرابع

اعجبتى بكام عضو قبل كدا من المنتدى ؟ وياترى شوفتى اعضاء
من المنتدى ولاد والا لا ؟

لا انا بيتعجب بيا بس :p

هو الاعجاب حرام يا مورشو

انا عن نفسي بيعجبني كل الشخصيات

المحترمه اللي هنا

اقلام وفكر وشخصيات

واكيد ليا برضو معجبين :09:

اها شور شوفت طبعا

انت تدخل علي الفيس هتلاقي البدع يبني

كله مفكر نفسه شاروخان زمانه

وربنا امر بالستر بئه :04:


http://forums.banatmisr.com/imgcache/2/46936alsh3er.gif

السؤال الخامس

شايفا ان اختك واخوكى معوضين رحيل والدك ووالدتك والا لا ؟
واخبار علاقتك بيهم ايه ومين اقربلك فيهم ؟

محدش بيعوض مكان حد

مهما كان مكانته

علاقتي بيهم زي علاقتي بالاكسجين


http://forums.banatmisr.com/imgcache/2/46936alsh3er.gif

السؤال السادس

ليه حلقه ( المعتقل ) مع ( morshooo )
ماطلبتيش ان يتحطلها بنر زى باقى الحلقات الى اتعملت سواء قبل حلقتى او بعديها ؟

مين قال انه محصلش مورشو

انا في المُعتقل بالذات بهتم جدا بالتنسيق

وبعرض الحلقه عشان المجهود اللي عملته ميضعش

والديزاين بتاع المُعتقل شاركني فيه اروع المصممين هنا

يعني حوراء عملت حلقه اسماء وماستر عمل حلقه رفعت

اللي اتنقلت الشكاوي والديزاين بتاع حلقتك تم زي الباقي

وكان من تصميم نرمين

وفعلا اول ما الحلقه تم اعتمادها نزلت البنر ويوميها

اتفاجأت انه متعلقش ووقتها للأمانه جالي ردين

الماجيك قال : اني مش انا المقصودة من عدم تعليق البنر


وبكدة يبقي المشكله مش فيا :04:

واسماء قالت : انها علي ما دخلت كانت الحلقه الجديدة نزلت

فالطبيعي ان الجديد اللي يتعلق


http://forums.banatmisr.com/imgcache/2/46936alsh3er.gif

السؤال السابع

محصلش قبل كدا وحد ( اتحرش ) بيكى حتى لو كان تحرش لفظى ؟

تحرش بيكي :49:

انا شرقاويه حضرتك

يعني عادي اقطعله ايديه :p

بخصوص اللفظي بئه كلاب الشوارع كتير

فبعمل نفسي مبسمعش


http://forums.banatmisr.com/imgcache/2/46936alsh3er.gif

السؤال الثامن

محصلش قبل كدا واتمنيتى الموت لنفسك ؟
ولو حصل فعلا اتمنتى كام مره وكانت ايه الاسباب ؟

بعد وفاه امي

خصوصا انه مكنش فات علي وفاه بابا غير ايام


http://forums.banatmisr.com/imgcache/2/46936alsh3er.gif

السؤال التاسع

هعرض عليكى كام سؤال ومطلوب منك
تختارى وتقولى السبب .


لو طلب منك تطلعى ادارى من المتواجدين الان ويتم عزله من الادارة هتختارى مين ؟ وليه ؟

( ساحر / اسماء / ماجيك )

ساحر الاحزان

عشان اتعين مكانه انا :03:



لو طلب منك تعزلى حد من المراقبين دى هتختارى مين ؟ وليه ؟


( حوراء / توحد اراوح / رودى / ايه حكايه )

انت حاطط السؤال دا عشان اقولك رودي مثلا

بما اننا كُنا علي خلاف :105:

ولا اقولك آيه اكمنها اخر تعيين :p

انا وانت والكل عارف انهم فعلا يستاهلوا المراقبه

وان محدش كامل طبيعي للكل سلبيات وقصور

بس المزايا هنا اكتر

وانا لو مكان الادارة ما راح اعزل حد بالعكس

هلاقي حل تكمل بيه المعادله واسد العجز اللي الكل مش ناكره :p


http://forums.banatmisr.com/imgcache/2/46936alsh3er.gif

السؤال الاخير

فى سؤال ضايقك من الاسئله الى فاتت والا لا ؟
وفى سؤال متوقعتش انه يتسئلك والا لا ؟

لا مش في حاجة ضايقتني

انا عارفه دماغك كويس

هو احنا اول مرة نتعامل :03:

ميرسي علي الحوار


http://forums.banatmisr.com/imgcache/2/46936alsh3er.gif

ضيفه حلقه النهاردة المتميزة

Nefertiti

http://forums.banatmasr.net/image.ph...ine=1423081252

http://forums.banatmisr.com/imgcache/2/46936alsh3er.gif

انتظرونى واعترافات جديده

وضيف جديد

:103:



كبريت 02-23-2015 01:29 PM

جميل الحوار استاذ مورشو الرائع
مع الاستاذة الرائعه نفرتيتي

شخصية قمة في الذوق والاحترام
ربنا يحقق لها كل احلامها يارب

تسلم ايدك استاذ مورشو

كبريت 02-23-2015 01:31 PM

ياعم انا بحب قلمك وفكرك
ورديت قبل ما تراسلني


انت عارف اني متابع قلمك يا كبير

مستني تعمل لي حوار جامد بقا كده
والعزومه علي ياعم وانا مش هكسفك :18:

The MaSster 02-23-2015 01:40 PM

حوار مميز

عجبتنى طريقه الاسئله والاجابه تمام


تسلم يا مورشو على البرنامج بالتوفيق

وبانتظار جديدك يا غالى

دائما مبدع

رآقيہ بأخلاقـى 02-23-2015 01:44 PM

وربنا عسل فى كل ردودك واجاباتك يا سمسمه
هى دى سما اللى اعرفها
معرفتيش تريحى مورشو ولا اديته فرصته للخناق هههههههههههه
ناصحة يابت ... وربنا يخليلك ابنك واخواتك يارب
ويرحم بابا وماما ويجعل مثواهم الجنه آمين

رآقيہ بأخلاقـى 02-23-2015 01:45 PM

كالعادة يا مورشو برنامج جميل
وده مش جديد عليك
انت كل مرة تطلع لينا ببرامج هايلة ومثيرة
فى انتظار باقى ضيوفك

big bốss 02-23-2015 01:48 PM

موضوع البنر دا مش فاهمه يعنى ايه بنر موضوع مش يتعلق و مش مقصوده ^_^

مش فاهم بصراحه

و موضوع ان فيه عجز فهو فيه عجز فعلا خصوصا فى الرقابه على المواضيع

اما ما يخص العسوله سما فهى رغم خلافى فى الماضى معاها

الا انها شخصيه جميله جدا و تعتبر انشط عضو فى المنتدى حاليا

بس هى عصيبه الى حد ما زيي :(

نايس حلقه مورشو

بالتوفيق لكم ،،،،،،

كبريت 02-23-2015 01:50 PM

اقتباس:

المشاركة الأصلية كتبت بواسطة big bốss (Post 4712366)
موضوع البنر دا مش فاهمه يعنى ايه بنر موضوع مش يتعلق و مش مقصوده ^_^

مش فاهم بصراحه

و موضوع ان فيه عجز فهو فيه عجز فعلا خصوصا فى الرقابه على المواضيع

اما ما يخص العسوله سما فهى رغم خلافى فى الماضى معاها

الا انها شخصيه جميله جدا و تعتبر انشط عضو فى المنتدى حاليا

بس هى عصيبه الى حد ما زيي :(

نايس حلقه مورشو

بالتوفيق لكم ،،،،،،


نسيت حاجه استاذ بيج بوص
نسيت ان نفرتيتي كمان نالت شرف رئاسة حزب العوانس

ولا ايه

phalsteen 02-23-2015 02:18 PM

اقتباس:

المشاركة الأصلية كتبت بواسطة كبريت (Post 4712347)
جميل الحوار استاذ مورشو الرائع
مع الاستاذة الرائعه نفرتيتي

شخصية قمة في الذوق والاحترام
ربنا يحقق لها كل احلامها يارب

تسلم ايدك استاذ مورشو

تسلم م/ احمد
الله يخليك
نورت بئه

phalsteen 02-23-2015 02:19 PM

اقتباس:

المشاركة الأصلية كتبت بواسطة رآقيہ بِأخلَآقـى (Post 4712363)
وربنا عسل فى كل ردودك واجاباتك يا سمسمه
هى دى سما اللى اعرفها
معرفتيش تريحى مورشو ولا اديته فرصته للخناق هههههههههههه
ناصحة يابت ... وربنا يخليلك ابنك واخواتك يارب
ويرحم بابا وماما ويجعل مثواهم الجنه آمين

ههههههههههه
الله يخليكي يا رفاعه معنوياتي انتي يا عسل :07:


الساعة الآن 03:41 PM

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w