منتديات بنات مصر - الحلقه السادسه من برنامج (المُعتقل ) مع ( ساحر الاحزان )

http://banatmisr.com/up3/uploads/1425067957442.jpg

مساء الخير
واهلا بالجميع في حلقه جديدة من برنامكم المُعتقل

الضيف اليوم شخصبية تختلف الاراء حول سياستها
ولكن لا جدال حول احترام مواقفها
علم من اعلام الصرح
صاحب القلب الحنون والصفح الجميل
ساحرالاحزان شخصيه
وان كانت هيا السلطه الاعلي هنا
فهو نادرا ما يلجأ للعقاب حتي وان كان لا بد

ساحر الأحزان

http://banatmisr.com/up3/uploads/1413792920222.gif

http://forums.banatmasr.net/imgcache...ine=1413811915 http://forums.banatmasr.net/imgcache...ine=1413811915 http://forums.banatmasr.net/imgcache...ine=1413811915 http://forums.banatmasr.net/imgcache...ine=1413811915 http://forums.banatmasr.net/imgcache...ine=1413811915 http://forums.banatmasr.net/imgcache...ine=1413811915 http://forums.banatmasr.net/imgcache...ine=1413811915 http://forums.banatmasr.net/imgcache...ine=1413811915 http://forums.banatmasr.net/imgcache...ine=1413811915 http://forums.banatmasr.net/imgcache...ine=1413811915 http://forums.banatmasr.net/imgcache...ine=1413811915

http://forums.banatmasr.net/imgcache...ine=1413811915

مساء الخير امجد

مساء النور سما

اهلا بيك في المعتقل

اهلا بيكى وبكل المعتقليبن والى ربنا كتب
ليهم الخروج بسلام من المعتقل

كنت متابع البرنامج الموسم الاول
وكمان كنت ضيف في احدي الحلقات
ياتري ايه رأيك في البرنامج ؟

هو برنامج كويس جدا بسى فية
بعض السلبيات محتاجة معالجة

انا ديمقراطية ساحر
مش زيك كأداري
بقبل النقد البناء انا كمان زيك مش ملاك
ياتري ايه السلبيات اللي في المُعتقل عشان نعالجها ؟

ومالة ديمقراطية دة شىء جميل بشوف لو أن فية رد
أو مناقشة ومش عجبتك بتتعصبى وبتجيلك
حساسية مع أنك معدة البرنامج يكون بالك طويل

بص اساحر انا بس الاقي مناقشه وهتلاقيني بلطت عصبيه علي طول
شاورلي انت بس عليها وانا دغري هتلاقيني موجوده :18:

وحاجة تانية مشاكل ماتت ربنا يرحمها بتنخورى
وراها وبعد ما أصحابها خلاص نسيوها
بيرجعوا يمسكو العصى والشوم لبعض بسببك:105:

ماتت ولا الادارة قتلتها وطلعتلها شهادة وفاة مزورة
لو كانت ماتت مكنش هيبقي فيها شوم ازعيم :D

ايه الفرق بينك وبين الماجيك واسماء
في الاختصاصات وياتري في تحديد مهام
ولا الموجود بيغني ؟

مفيش فرق بينا احنا طقم واحد متعاون مع بعضة
وفية تحديد مهام لكل شخص دورة ولو غاب نبنحل
محلة ونقوم بدورة لتسيير الامور داخل المنتدى

غيابك لفترة طويله آثر سلبي ولا ايجابي
من وجهه نظرك ؟
خصوصا بعد غياب دمعه حائرة
اللي اتردد اسمها في كذا حلقه
ان فتره ادراتها كانت اقوي علي المنتدي ؟

اكون صريح معاكى غيابى ذاد لما نزلت اجازة لمصر
فالوقت كان ضيق عندى ودة بسبب بعض الظروف
الخاصة الى أثرت على تواجدى بشكل فعال بالأضافة
لانشغال احمد واسماء بالدراسة والتواجد
كان بيكون أوقات محددة حسب ظروفهم

دمعة أنسانة مجتهدة وكانت متواجدة بصفة مستمرة
ويمكن أنا غبت عنها فترة وكان قايمة بالدور الأدارى
على أكمل ما يكون والمكان بيتها فى أى وقت

الادارة وسياسه سلبيه التعاملات
ودا في الاغلب بيظهر في الشكاوي
اعترافات ومصدقيه للطرف
لكن دون اي اجراءات تذكر للطرف المخطئ
وكأن سياسه الطبطبه بند قوي في الدستور الاداري ؟

دلوقتى أنا كأدارى
صعب أنى أنحاز لأى طرف مخطىء
ومش صاحب حق أنا
كأدارى نظرتى للشكوى بتخلف
عن الطرفين صاحب المشكلة والطرف التانى
وفى نفس الوقت مش حاخد
عقاب على هوى صاحب الشكوى
العقاب بيكون على قدر المخالفة فية شكاوى بتتحل
بطرق ودية وفية شكاوى
لازم تاخد فيها عقاب فأنا مش ملاك
أنا بشر لأن فية ناس بتقول أنها أتظلمت
أنا عن نفسى مش بحب الظلم
وما بحب أظلم من غير حق

هو الاداري مش بالاساس ليه دور رقابي
يعني دخولك وردك علي توبيكات مخالفه دون
توجيه نقد للي اعتمدها
او حتي اجراء منك بحذفها
او توجيه مخالفه
يتفهم ازاي ومش شايفها
غريبة دي شوية ساحر ؟

أنا كأدارى لية دور رقابى ومعاية كافة الصلاحيات
بسى الصلاحيات دى بستخدمها وقت اللزوم
يعنى أية موضوع مخالف من وجهة نظرك؟

أباحى ولا سياسى ولا أعلانى ولا خناقة وشتيمة
وعدم الأحترام فى الردود داخل المواضيع
ولا فية خناقة بين عضوين وكل واحد بيعمل توبيك يرمية على قفى التانى

حذفى للمواضيع بيكون من وجهة نظرى أنا كأدارى
ومسئول أنى مش أتغاضى عن أى خطأ أشوفة
لموضوع مخالف أو ردود غير لائقة داخل الموضوع وأتصرف معاها

وحكمى بيكون غير حكم غيرى أو بيكون متفق
معاة فى الأجراء والمراقب ولا المشرف المسئول
لو شاف شىء مخالف بيتعامل معاة مش حيسيبة

ولا فية خناقة بين عضوين وكل واحد بيعمل توبيك يرمية على قفى التانى

حلو اوي بالصلاة علي النبي كدة
وشهد شاهدا من اهلها
انا عايزة دهين بس :04:

بعد حظرك للبيج بوص اكتر
من 5 شهور زي ما قال
اقتنعت الادارة بضرورة العودة
ووافقت انت علي عودة المحظورين
موافقتك دي كانت سماح فعلا ولا اقتناعك بحاجة المنتدي للاعضاء ؟

دى مش أول مبادرة لعودة المحظورين
أنا عملتها قبل كدة أكتر من مرة لأن المحظور
أخد عقابة بنرجعة لو أستمر كويس فبيعتبر
شىء مقبول أنما لو رجع بيرجع تانى
وبعدين أحنا بشر برضة بنغلط وبعترف بعدها بغلطنا

ليه علي الرغم من الموافقه علي عودة الكل
استثني نجم وزهرة ومسافات فراق
رغم انه بقاله اكتر من مدة نور محظور ؟
نور قال انه اخطأ في حق ساحر ورودي
وعرفنا ان الغلط مكنش عادي
يبقي عمل ايه ادهم اكتر
من كدة يستاهل عليه الحظر لسنين
وكمان ميرجعش بعد قرار العفو ؟

دى وجهة نظر أدارية بنشوف أية ألى حصل
من العضو والعقاب ألى أتحظر
بسببة يستحق أنة يرجع ولا ما يرجع ؟

تحت ضغط النقد استسلمت الادارة
واضطرت لعزل المشرفين
اللي اتعدت فترات غيابهم
لشهور واكتر
ياتري ايه اللي بعد الخطوة دي هنشوفه من الادارة ؟

معظم المشرفين فى الدراسة وبنلتمس ليهم العذر

رغم زحمه التواجد الاشرافي علي الاقسام الادبيه
الا انه في شبه هجرة متابعه تامه
لقسم الخواطر وهنا اكيد في اسباب للتقصير
مطلوب من الادارة كشفها وحلها
ياتري ايه اللي تم لاصلاح القسم المهم دا ؟

كنت أفتكر أن قسم الخواطر كان شغال كويس جدا
هو حاليا فية خمول وأن شاء الله نضع لية الحلول
ألى ترجعة لنشاطة من جديد

سبق وعرضنا في احدي حلقات البرنامج
ان مراقبه واحدة لتغطية الاقسام الادبية
اللي تعتبر رقم واحد في الاهميه لبنات مصر
مش كفايه ورغم دا مفيش خطوات
من الادارة للنهوض ؟

المراقبة بتكون للمساعدة والتنسيق مع مشرفى الأقسام
وهى قايمة بدورها كويس أنما العامل الأساسى
بيكون على مشرف القسم ودورنا بيكون لتقديم طلب المساعدة

انا سؤالي مكنش رودي شغاله ولا لاء
انا بقول شايف ان الوضع الحالي للابداعات
يكفيه مراقبه واحده ؟ ووضع الخواطر تفتكر يكفيه
كلمه خمول بس ؟

الأبداعات العامية والأدبية المشرفين قايمين بواجبهم
على أكمل وجة ودور المراقب بيكون للمساعدة
ووجود رودى يعتبر معقول ومناسب أما قسم الخواطر
فحصل سلبية فية حتتعالج قريب أن شاء الله

الوضع الاشرافي والرقابي في الاقسام
الغير حصرية
مُرضي ؟

مش فى كل الاقسام لان فية اقسام بحاجة للمشرفين
والمراقبين قايمين بمراقبتها

لو الاداري غلط في عضو
والادارة اعترفت بالغلط
ايه القرار اللي هتاخد ضده ايا كان
القرار زي ما سبق وحددته
ولا الادارة مرفوع عنها القلم ساحر ؟

هو فية حد معصوم من الغلط مفيش حد والعضو
زية زى الأدارى فى المعاملة هو الفرق فى اللون بس

ودة بيرجع للمواقف السابقة أن كان فية تربص
سابق أو خلاف ولا أول مرة يحصل الخلاف
وأحنا بنحاول نصلح على قد ما نقدر
وأنا لو حصل منى سوء تعامل أو أستخدام نعسفى
للصلاحيات والعضو مظلوم وجانبنى الصواب
أنا معنديش أى مانع أنى أعتذر للى غلط فية

الاعضاء اللي بالاخضر تقريبا
ليهم يوميا 90% من النشاط اليومي للمنتدي
ورغم دا مفيش تميز ؟
التواجد اللي يحسب لعدد قليل اوي من الاعضاء
ورغم دا النظرة الادارية واحدة للكل
هنا تشوفها الادارة ميزة تُحسب لها ولا بدايه
لانهيار الصرح ؟

أنا معاكى أن فية ناس تستحق التكريم والتمييز
ودة أتاخر لظروف خارجة وأن شاء الله حيتم تكريمهم
فى أقرب وقت لأن دة حقهم علينا

ازاي بيتم تقييم المشرفين ساحر ؟
وبرضو عاوزين نعرف منك كيفيه اختاريهم ؟
وامته اخر مرة تم تقييم الفريق الاشرافي والرقابي
وعلي اي اساس برضو بتم الترقيه والتقييم ؟

كان بيتم تقييم للمشرفين ودة كان بينزل فى
قسم المشرفين غير أن فية تقارير للمشرفين
بينزلة المشرف بيعرض فية نشاطاتة داخل القسم

أنما بعد ما تم أعفاء عدد كبير من المشرفين
لتغيبهم متوقف حاليا وأن شاء الله حيرجع
بعض تعيين الدفعة الجديدة من المشرفين

أما بخصوص الترقية أحنا بنتابع للى شغالين
من غير ما يشتكو ويولوا وكل شوية عاوزين
نترقى أنا من يوم ما أنتسبت
للمنتدى عمرى ما طالبت بترقية أو منصب
وقلت أنها أتأخرت وكان مجهودى نابع من حبى للمكان
من دون ما أنتظر أى مقابل والحمد لله أهو أنتى
شايفة دلوقتى بدائتها من عضو جديد لأدارى
يعنى أجتهد وتفاعل وتواجد حتكرم وحتترقى ودة كلة حيوصلك لحد عندك

الحته الاخيرة دي مش اجابه سؤالي
بس يالا الادارة تقول زي مهي عايزة :04:

انا مش هطول عليك
وهكتفي باأسئله المنتدي
واتمني تكون سعدت باللقاء
كان طبعا يشرفني عمل الدعاية الكافيه للحلقه
بس ما باليد حيله مش ضامنه
اذا كانت الادارة هتسمح للبنر
بالتركيب ولا لاء :04:

لو حابب تقول حاجة للأعضاء اتفضل ؟

لا ولا يهمك أنا ألى سعيد أنى كنت ضيفك
فى المعتقل وأتمنى أن الصورة تكون وضحت

وبقول للأعضاء
أتمنى أننا نحب بعض ونعتبر المكان مكان
لينا كلنا وأن تعاملنا يكون بكل ود وكل أحترام

وأتمنى أنى أكون ضيف خفيف الظل فى البرنامج
بالتوفيق سما

في رعاية الله ساحر

خلصت حلقتنا
انتظرونا قريبا
وحلقه جديدة من المُعتقل