الفوقان ده فوقان بطلة كاراتيه
 

السلام عليكم
رجعتلكم تاني مع تهييساتي المتكرره :04:
وهذا الموقف حدث بالفعل
السبت اللي فات عملت اللوز وكانت اول عمليه في حياتي
الممرضه جت خدتني لاوضة العمليات وانا عامله فيها شجيعة السيما اللي مش هاممها حاجه وكده :05:
دخلت اوضة العمليات بكل ثقه كدهون :d
ومش كده وبس سلم عالدكاتره والممرضات واتعرفت عليهم وقعدت اهزر معاهم كمان :24:
الدكتور جه يخوفني بالشكاكه بتاعة الكانولا قلتله مبخافش انا :45:
المهم شمموني البنج من هنا وانا حاولت اقاوم لكن دون فائده وانطلقت في اغرب نومه في حياتي :33:
لما صحيت من هذه النومه اللي نزل عليا اني اضرب في كل حد ييجي جمبي اهلي والممرضات والدكاتره شلاليت واقلام وبوكسات وعماله اقلهم عايزه انام سيبوني اناااااام :24:
والسرير يجري بيا واللي في الاوضه كلهم يجروا ورا السري عشان يلحقوه :24:
وبعدها احاول اقعد اقوم دايخه اقوم نايمه تاني
كان يوم تاريخي والناس اجمعوا يومها ان الفوقان ده فوقان بطلة كاراتيه :04:

حمد لله علي سلامتك
والحمد لله انك بخير

بخاف م العمليات دي حمدلله ع السلامه عسوله