|
21 / 3 عيد تحرير سيناء -_- http://forums.banatmasr.net/imgcache...932alsh3er.jpg ازيكم بجى وحشتونى وربنا ندخل فى الموضوع طبعا يوم السبت جاى وكلنا عارفين ده يوم ايه اوعى حد يقولى ده عيد تحرير سيناء :112: طبعا فى ناس هتشترى هدية لمامهتها وناس هتكبر دماغها بس احذر بئا لو مامتك قالتلك يا حبيبى مش عايزة هدية ف عيد الام ده انت هدية عمرى اوعى تسمع كلامها هتندم ندم عمرك بعد كده سيناء كلها قبل التحرير بصواريخها ودبابتها هتكون فى بيتكم :18: ومن قهرتها هتقول انا اللى عشت ليهم وكنت بخاف عليهم نسونى حتى اسمى بعد كده بالشبشب وهديهم :18: لا بجد بئا سيبكم من التهييس ده طبعا الهدية مش بسعرها وفلوسها الهدية بقيمتها بس بلاش استعباط وتجيب ورده ام جنية ونص دى :45: واكيد أى هدية هتجيبها مش هتوفى حقها لام تعبت وسهرت على راحتك يلا بئا كله يقول جاب لمامته اية واللى مش جاب قول بردوا عشان نبئا نيجى نزورك ف المستشفى :18: واللى هى ماما تقول جالها ايه واللى متجوز يقول جاب لام العيال ايه :103: |
كل سنة وانتي طيبة يا سيلا النهارده جبت للوالدة قزازة ريحة عطر قلتلها ما ترشيش منها غير في البيت وهي عارفة دي مقدمة لهدية تانية يوم عيدها ان شاء الله هو صح عيد مش مشرع بس بما انه بيدعوا للحب والتراحم ف ده يعتبر رد بسيط جدا لكل أم تعبت وربت وكبرت واتحملت كتير الله يحفظ امهاتنا جميعا وامهات المسلمين ويرحم كل أمهات المسلمين ويصبر اهلهم خصوصا ف يوم زي ده ربنا يوفقك ويسعدك يا اسيل زمان عن طلتك ولا انتي بتظهري ف المناسبات بس عالعموم ربنا يسعدك |
توبيك عسول سو لايت طريقتك في العرض دمها سكر انا جبتلها تابلت بس لسا مش فاجأتها لما اديهولها يارب يعجبها بقا |
انا جبتلها عباية سودا للخروج وحاجات تانية خاصة وعملتلها تورتة عيد الام كل سنة وكل ام طيبة |
انا هروح ازورها وهاخد معايا ورد عشان هيا كانت بتحب الورود لكن انا بيجيلي هدايا :28: |
اقتباس:
كل سنة وكل ام طيبة طيب وايه الهدية التانية ؟ منورنى شاعر انا بقالى كام يوم هنا بس ده اول توبيك وان شاء الله هنشتغل زى الاول مع اليوميات وانت معانا بردوا :113: |
اقتباس:
يابخت مامتك بئا الحمد لله مامهتنا مش ف المنتدى كانت حصلت ثورة بسبب التابلت ده هههههههه نورتى اميرة وكل سنه ومامتك طيبة بلغيها هااا |
اقتباس:
تتصورى كنت هجبلها عباية بردوا بس هى اختارت هديتها للمطبخ كانت عايزة صوانى بيركس وجبتها الحمد لله كل سنه ومامتك طيبة نورتى رونى اهلا بطلتك الجميلة |
اقتباس:
الله يرحمها ويرحم المسلمين اجمعين بس قولى يا اروبه جالك ايه :33: انا فاكرة هدية احمد ليكى السنة اللى فاتت انا بئا جالى شنطة باسم البنات وسلسلة من ابو العيال |
حلووو اوي التوبيك ههدي امي دعوة وصدقة باذن الله اما مرات بابا هجيبتلها بيرفيوم بولغاري وعشان بابا ميزعلش ويصعب ع الواحد الاب جبتلو نفس البيرفيوم بس للرجل اهو يطقمو مع بعض |
| الساعة الآن 03:24 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب