مدخل,,,

الفكره روح
والشعر بوح
والقافيه فنان بيرتجل
والروح لازمها عشان تبوح
وحي الخيال يكون نزل
----
صوت اليمام ف نواحه
صحي وجع قلبي
كل اللي وعدوا راحوا
وزودوا ف غلبي
----
الست قالت ازاي
والهجر اثر فيها
وانا كتر شرب الشاي
حبيبني اغانيها
----
الشعرا تماً زهدوا
ف وصف القهوه وف الشتا
ونسيوا اللي راحوا وبعدوا
وزودا ف العدا
----
شويه من الكافيين
والطيارات والقمر
دول وحدهم كافيين
ينسوا مر السهر
----
أغنيه حزينه عن الوحده
وشويه تفكير ف الدنيا
وقعادي لبعد الساعه واحده
بيودوني لحتت تانيه
----
طول عمر الدنيا بتجرحنا
وزماننا كان ع طول جارح
وأقرب ناس لينا بتمسحنا
بس احنا بننسي وبنسامح
----
الناس طرق بنشقها
بس الاغلبيه ملانه شوك
في ناس تخاف تودها
وناس ياخدنا ليها شوق
----
أجمل شعور ف الشتا
هو الدفا
افظع شعور ف الدفا
القسوه والحرمان
اجمل ما فيكم قلب
كان بيننا هنا واختفي
أجمل ليالي الحب
كانت ليالي زمان
----
مَخرَج ,,,

وخلاصه القول
عندك من الخلق
ياماوياما
عندك من الناس
دولا ودول
حاول تلقي بر سلامه
علشان الدنيا يومين وتزول

**********

(2)

وبحبك .. حتي وانتي ناسياني
وبشتقالك وانا عارف
مفيش لينا رجوع تاني
وفي لحظة ضعف .. حلت بكل غالي
وقولت نسيت
ولما لاقتني بموت.. رجعت اقول
حبيبتي ياريت
ولا هان. اللي كان ونسيت
وبكل مافيا انا حنيت
ومش قادر اعيش بعدك
عشان حضنك ده اجمل بيت

وضيعتك من ايديا في يوم
ومن ساعتها نسيت النوم
وبموت لكن بقول عايش
وع الذكري بنام وبقوم

في بعدك خلاص.. مش باقي علي حاجة
ومن جراح بتاخدني هموم
ورغم ده كله.. مش.فادر اقول حا جة
مانا ظالم ومش مظلوم
وشوف حبيبي دموع عينايا
هتحس بالنا ر اللي فيا
وقلبي اللي في بعدك بيعاني
وشتقالك وانا عارف
مفيش لينا رجوع تاني

********
(3)
بتسألينى يانور العين
حبيتك ولابس كلمتين
ولاقصدك تتسلى حبتين
بحظرك تكون بنيتين
علشان عارفة اللعبة واللعبتين
ويماشوفت الشاب بيكلم بنتين
ويقول لكل وحدة ياجميل يازين
أنت وبس حبك بالشرايين
ولاقبلك ولابعدك شوفت حلوين
وحياة غلاوتك وأحلف يمين
عمرى ماأسيبك لو بالملايين
تفرح وترقص وتغنى غنوتين
وتروح لماما باركيلى يا أغلى الغالين
وهو راح للتانية وقال تعالى أنت فين
من بدرى مستنيك وفى بعادك الثانية بسنتين
والله وحشانى وروحى عليك وخدانى
ولافى قلبى غيرك حد تانى
ولا عمرى يكون فى قلبى أتنين
رديت عليها خلصتى كلامك ياضى العين
أحلفلك والحب يمين
ويشهد علىّ رب العالمين
إنى بحبك ولاقبلك ولابعدك
زار قلبى بنى آدمين
ولو مش مصدقانى
أسألى دقة قلبى ودموع العين
قالت شايفة وعارفة
إنك حبيبى وساكن قلبى من سنين
*********

(4)

تيجو نرجع يلا بسرعة لربنا
ونسمع بئه الكلام

ونمشي زي ما مشي النبي
قولو علية الصلاة والسلام

ما هو قال بلاش نتخاصم
فوق تلت ايام

و الاحسن مين فيهم بئه
ال يبدأ بالسلام

وقال يا بخت من مسح
بإيده دمعة الايتام

دا حلو أوووي اسلامنا
وجة بأغلي كلام

وقال الرحم من اسمي
يلا أوصلو الارحام

ووصاك ببر ابوك وامك
و قال لك كن لهم خَدام

ورد بشويش عليهم
اصل يكون حسن الختام

وما ترضي بأي رشوة
حتي لو المدفوع كام

وبسمتك ما تفارق شفايفك
وما يهمك من اللوام

والخير وحق الجار والفجر
صليه و تنام

والشغل ياخد حقة
امال تاكل حرام

ولبلدك حق عليك
وما تخرب الافهام

وتحرض دا على داااا
صدقني دا كله حرام
اصل كلنا اخوات ودي
خلاصة بئه الكلام

وكله مكتوب يا صحبي
ومحسوبة الايام

ويوم القيامة جاي والحر
والزحام

عوزين نرجع بسرعة
قبل ما تنتهي الايام

*********

(5)