منتديات بنات مصر

منتديات بنات مصر (https://forums.banatmasr.net/)
-   ابداعات الاعضاء العامية (https://forums.banatmasr.net/f241/)
-   -   بحـــــن لحاجــــــات (https://forums.banatmasr.net/msryat507295/)

شاعر الحب الحزين 03-24-2015 12:36 AM

بحـــــن لحاجــــــات
 

بحــن لحاجــات فــي خيالــي رسمتهــا ف يــــــــوم

أشغــل بالوهـم فكري وبالــي أسهر مدوقش نـــــوم

واحشاني حبيبة وصفتها بين سطوري

مشتاق لكلمة عاشت بإحساسي وشعوري

بحــن لكلمــة حلــوة تفرحنـي مــش كـلام عتــاب ولــــوم

بحـــن لماضــي عمـري مـا عشــت فيــــه

ولمستقبـل جميـل يضــم القلـــب يدفيــه

أيام مكنش فيها مسؤولية لعبي شنطتي بعتــرة الهــــدوم

بحن لإيدين حنينة وقلوب تحبنــي وتعشقنــي

وإيدين تاخـد بيــدي مـن وهـمي وضعفي تفوقني

بحـن لبكـرا اللي هيبقى ذكرى بحن إني ابقى برى دايرة الهمــوم

بحــن للحريــة فــي بـــلاد بتنـــادي للحريــــة

نفسي لمـا اعمـل الصــح مابقـاش أنا الضحيـة

بحــن ييجـي اليـوم اللـي يبان فيه الظالم ويترد الحق لكل مظلـــوم

بحــن للمستحيــل فـي زمـن مفهـوش أمنيـــات

بحـــن للطيبـــة مــن بعـد مـا عـدى الوقت وفــات

بحـن للي معايا وللـي كـان معايـا وفارق ومـــــات

بحـن للعـدل ومـوت الجهـل ورجـوع الأهـل وأصحاب وقرايــب بالكــــوم

بحــن ارجـع طفـل صغيـر فـي الســـن

يلاقي الحبايب حواليه لمـا يبكـي ويئـن

بحـن اشوف ناس بتحـن واقابل ناس يحبوني طول العمر مش بس يـــــوم




شــــــــــــــــــــــــــــــــــــــــ . حـــــــــــــــــــــــــــــــــــــــــــــ

العاشق الذى لم يتب 03-24-2015 12:42 AM

حاجات فعلا محتاجينا وبنحن ليها
ياريت نشوفها ونسعد بوجودها فى حياتنا
وان شاءالله لسة الدنيافيهاالخير
مااجمل مشاعرك الراقية
وطيب قلبك الجميل
ربنايسعدك اخى ويبارك فيك
كلمات ومعانى جميلة
تقبل تحياتى وودى

a7med -3del 03-24-2015 10:52 AM

حلوة والحالة احلي

بقيت بشوفك بشكل مختلف عن ماكان
كنت جميل. لكن دلوقت اجمل
تحياتي

™Amiliya 03-24-2015 11:31 AM

كل حاجة نفتقدها ياخذنا الحنين ليها بدون اي مقاومة منا

سلمت والنبض خالد

دمعه حائره 03-25-2015 12:23 AM

ربنا ينولك اللى فى بالك ياخالد
كلامك جميل وبسيط وبيوصل للقلب بسهوله
لصدق احساسك ونيتك
تسلم اخى

*soma* 03-27-2015 12:23 AM

حلووووه اوي

الف شكر

شاعر الحب الحزين 03-27-2015 02:12 PM

اقتباس:

المشاركة الأصلية كتبت بواسطة العاشق الذى لم يتب (Post 4744721)
حاجات فعلا محتاجينا وبنحن ليها
ياريت نشوفها ونسعد بوجودها فى حياتنا
وان شاءالله لسة الدنيافيهاالخير
مااجمل مشاعرك الراقية
وطيب قلبك الجميل
ربنايسعدك اخى ويبارك فيك
كلمات ومعانى جميلة
تقبل تحياتى وودى

لسه الدنيا فيها خير وفيها ناس طيبين

وانتا طيب يا رفعت وجميل

تسلم يا جميل لتواجدك ونشاطك الجميل

منورني دايما رفعت يا غالي

ربي يسعدك ويوفقك

شاعر الحب الحزين 03-27-2015 02:15 PM

اقتباس:

المشاركة الأصلية كتبت بواسطة show me the meaning of lonely (Post 4744824)
حلوة والحالة احلي

بقيت بشوفك بشكل مختلف عن ماكان
كنت جميل. لكن دلوقت اجمل
تحياتي

انتا الجميل يا ابو عادل شاعر الثورة الغالي

منورني اكيد بشهادتك الكبيرة يا احمد

تسلم لزوقك وطلتك الجميلة

ربي يسعدك ويوفقك

شاعر الحب الحزين 03-27-2015 02:18 PM

اقتباس:

المشاركة الأصلية كتبت بواسطة ™amiliya (Post 4744836)
كل حاجة نفتقدها ياخذنا الحنين ليها بدون اي مقاومة منا

سلمت والنبض خالد

ومنعرفش قيمة الحاجة غير لما تضيع من ايدينا

تسلمي أديبتنا ايميليا لتواجدك الرقيق وتفاعلك الجميل

اسعدتيني بحضورك الهادئ البريء

ربي يسعدك ويوفقك

شاعر الحب الحزين 03-27-2015 02:21 PM

اقتباس:

المشاركة الأصلية كتبت بواسطة دمعه حائره (Post 4745312)
ربنا ينولك اللى فى بالك ياخالد
كلامك جميل وبسيط وبيوصل للقلب بسهوله
لصدق احساسك ونيتك
تسلم اخى

ربنا يسعدك يارب يا شمس المنتدى

تسلمي بجد لدعواتك الجميلة ليكي مثلها واكتر

اشكرك شمس المنتدى لرقة تواجدك وشهادتك

اعتز بمرورك وكلامك اسعدتيني بحضورك الجميل

ربي يسعدك ويوفقك


الساعة الآن 11:43 AM

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w