الحلقه الاولى من ( قول رئيك ؟ ) بسم الله الرحمن الرحيم مزاج الخير :D اهلا بيكم والحلقه الاولى من ( رئيك أيه ) توبيك اعلان البرنامج هنـــــــــــا النهارده هيكون موضوع الحلقه ( مسابقات وأوسمه المنتدى ) وكان دا السؤال الى تم ارساله لمجموعه من الاعضاء http://forums.banatmisr.com/imgcache/2/46936alsh3er.gif طبعا كلنا شايفين المنتدى الى اصبح كله عباره عن مسابقات واوسمه فقط والى معندوش وسام مايقلقش هيبقى عنده وسام من كتر المسابقات الى فى المنتدى وكل منظم مسابقه لازم يدى بـ 3 اوسمه مع ان المشتركين ممكن يكونو 4 والا 5 مثلا ؟ حتى الفتره دى شايفين مسابقه عباره عن تصويت فقط والجوائز عباره عن ( وسام ) برضو ؟ ايه رئيكم فى منح الاعضاء اوسمه بالشكل الى بنشوفه دا وايه رئيكم فى المسابقات الى فى كل قسم بالمنتدى والغرض تنشيط القسم وبعد المسابقه القسم بيرجع للخمول مره تانيه ؟ http://forums.banatmisr.com/imgcache/2/46936alsh3er.gif ودلوقتى تعالو نشوف رد الاعضاء ورئيهم . طبيب الهوى ولهذا يا مورشو العضو الجديد لا يحتاج للتعب والاجتهاد لأنه بمجرد الاشتراك في أي مُسابقة سيربح مُشاركات ووسام أمر طبيعي يا مورشو أن أي قسم بعد الإنتهاء من المُسابقة التابعة له يعود لحالة الخمول التي كان عليها لأن المُسابقات مُسكن وليس علاج على مُشرفين الأقسام العمل علىَ جذب الأعضاء لأقسامهم بمواضيع تفاعلية أو سهرات تُقَرِبَ الأعضاء من بعضهم البعض ولا مانع من منح ثلاث أو أربع أعضاء من المُشاركين في السهرات 25 مشاركة لكل منهم كحافز لهم للتفاعل في السهرة عمل موضوع فِكري يجذب الأعضاء الأفكار كثيرة وعلى المُشرفين اختيار ما يناسب قسم كل منهم ميرسي مورشو علىَ الدعوة بالتوفيق إن شاء الله أبو عصام http://forums.banatmisr.com/imgcache/2/46936alsh3er.gif sad_love بصى ياسيدى انته فيه نقطه عندك فيه حق حكايه الخمول بعدين بس تفتكر ايه الجديد اللى ممكن يعدل هى دى الطريقه المعتاده وع راى الفيلم ان شاء الله والف والف مبروك http://forums.banatmisr.com/imgcache/2/46936alsh3er.gif Šeŋdeřellą رأيي في المجمل وبصراحة المسابقات مش دايمة مفيدة دا أولا ومش بحبذها تكون متواجدة باستمرار غير في الاقسام الابداعية كـ الكتابة والتصميم والرسم فقط ودي بردو بتكون فيها المسابقات بمواسم معينة مش باستمرار هي المسابقة مش بتكون للتنشيط لان بالعكس التنشيط محتاج لأفكار متجددة تبادل أرآء عمل حاجات جديدة كـ تجديد الاوسمة احيانا بتشجع بس دا احيانا فقط مش دايما لان الناس في طبيعتها بتمل بسرعة عادي يعني هيقولو كدا ان لاي سبب ممكن اخد وسام طيب ايه لزومه اشترك في مسابقة اي منتدى بيجي عليه اوقات بيكون فيه خمول خاصة اوقات الدراسة وتحديدا مع اقتراب الامتحانات التنشيط محتاج افكار واقتراحات موضوعات متجددة بعيد عن جو المسابقات التقليدية ومش شرط يكون مقابل المجهود وسام فيه كتير طرق تانية لجذب الأعضاء http://forums.banatmisr.com/imgcache/2/46936alsh3er.gif world لا انا شايفه نقلل من موضوع الاوسمه ده شويا مش تبقي سهله اوي كده لكن طبعا وجود المسابقات بينشط اي منتدي بس بالعقل مش كل دقيقه مسابقان http://forums.banatmisr.com/imgcache/2/46936alsh3er.gif جنون قلب بص هو المـألوف ..اوسمه ل الثلآث مرآكز .. انــآ شايف انهــآ عَــآدى جدآ .. وبعدين هى مبتضرش حد .. هى مشكله الوحيده حكــآيه التصويت .. واللى هى بتكون من نـآحيه المجـآملآت اكتر .. لكن انا من راى ان موضوع المسـآبقــآت حـآجه حلوه جدآ وفعلا تنشط المنتدى لآن يهمنى انا ك عضو ي كون المنتدى نشط عشان اعرف اطلع اى حاجه انا عايز اعملهـــآ .. وكثره المسـآبقــآت بتظهر موآهب كتير يعنى فى نـآس مكنتش ب تصمم ..دلوقتى عدد لآ بأس به كان فى ناس مكنتش بتعرف تكتب دلوقتى فى تطور مبهر يعنى لآزم نبص على الزآويه الايجـآبيه .. انــآ متفق مع مثل هذه الظــآهره .. لكن مع اتقـآنهـــآ .. http://forums.banatmisr.com/imgcache/2/46936alsh3er.gif العاشق الذى لم يتب أكيد المسابقات بتنشط المنتدى بصفة عامة والقسم بصفة خاصة والاوسمة والمشاركات لازم تكون نتيجة تعب واشتراك فى المسابقات امال اللى يشترك فى مسابقة يفوز بكيلو لحمة مثلا والاعضاء بتفرح أكيد بالأوسمة والفوز فى المسابقات ولكن أقترح أن أى قسم وده المفروض على الادارة تنبه عليه تكون المسابقات محددة بمعنى كل شهر مسابقة علشان مايصحش يكون قسم يتعمل فيه أكترمن 3مسابقات أو أتنين فى الشهرالواحد http://forums.banatmisr.com/imgcache/2/46936alsh3er.gif حَرفُُ هجآءّ بالنسبة لكتر المسابقات مش دى المشكلة بالعكس المسابقات بتعمل نشاط وتفاعل وحماس بين الاعضاء لكن كل مسابقة المفروض بتعتمد على قوانين ومعايير معينة والمفروض تكون ثابنة على كل الاقسام مع مراعاة الفصل أو التمييز فى الجوائز بين مسابقات الاقسام الحصرية ومسابقات الاقسام المنقولة ولو هنتكلم عن الجوائز تحديدا المفروض يكون فى تمييز بين المراكز مثلا لو هيتم تحديد 3 مراكز يبئا المركز الاول وسام + نجوم والمركز التانى نجوم + مشاركات والمركز التالت مشاركات + شهادة تقدير وكمان الوسام الاول كان له فرحة خاصة بئا دلوقتى عادى على اى حاجة العضو بياخد وسام والمفروض الادارة تحط قوانين للمسابقات من حيث نوعها وتنظيمها ومدتها والتنسيق بين الاقسام فى توقيت المسابقات بحيث مش يكون فى مسابقتين فى قسمين فى وقت واحد عشان كل مسابقة تاخد حقها فى التفاعل وكمان المسابقات اللى فيها اوسمة تكون مرة فى الشهر لكل قسم اما لو بتتكلم عن المسابقة اللى بالتصويت بس هنتكلم بصراحة عن مسابقة الام المثالية عن نفسى مش شايفة فيها حاجة غريبة لانه استطلاع رأى تقديرى فقط ولو هنقيس الاستطلاع باختيار الام المثالية على أرض الواقع هتلاقى بردوا اختيار الام المثالية فى الجمعيات والنوادى اختيار تقديرى لمجهودتها مش بيعتمد على مسابقة للامهات المثاليات وبالتالى فى واحدة بس بتاخد اللقب الموضوع كله تقديرى سواء فى المنتدى أو على أرض الواقع هنا هتاخد وسام وهناك هتاخد وسام او ما شابهه اما عن حالة الخمول بعد المسابقات هى محتاجة شوية تنظيم وابداع بافكار جديدة مثلا التكريم الاسبوع نوع من التشجيع التكريم الشهرى كذلك وملحوظة التكريمات دى المفروض الجوائز فيها مشاركات فقط حاجة اخيرة وهى المسابقات التفاعلية بردوا الادارة تحط لها قوانين وخصوصا فى الجوائز لو هنقول مثلا لكل مسابقة تفاعلية 250 مشاركة + 5 نجوم يوزعها المنظم للمسابقة حسب خط سير المسابقة وفقراتها http://forums.banatmisr.com/imgcache/2/46936alsh3er.gif ايمان طلعت الغرض من المسابقات تنشيط الاقسام وبالتالي المنتدى والطبيعي ان يكون فيه مراكز ثلاثه والجوائز اوسمه بالاضافه الى المشاركات والاوسمه دي جائزة رمزيه مش عينيه عشان نتكلم فيها وتكريم للمشارك اللي تعب واجتهد عشان يخرج احسن ما عندة هل فى الاخر يكون كتير عليه التكريم بوسام!!! وبالنسبه للمسابقات اللي في كتير من الاقسام طيب ماهوكل مشرف عايز ينشط قسمه وقت المسابقه وما بعدها بالتكريمات الاسبوعيه او الشهريه اومال القسم هيتنشط ازاي هو بس محتاجين تنظيم لاوقات المسابقات عشان متكونش مع بعضهم و تتيح للاعضاء المشاركه تحياتي http://forums.banatmisr.com/imgcache/2/46936alsh3er.gif Stop Ana Eltop فكرة تنشيط المنتدى دى فكره ولا اروع اصلاا بس كترة الاوسمه والمسابقات بتزهق بس اهى بتنشط بردك موضوع الوسام على اللا موضوع ومجرد تصويت دى مديقانى اوى ممكن نقترح مثلاا انه على حسب المرشحين للتصويت ينزلوا مواضيع خاصه ودا فيه افاده لينا كأعضاء مسجلين وفى نفس الوقت نلغى حاجه اسمها مجاملات كانت من اهم الحاجات الى تدايق فى المنتدى من فترة فكرة انى اجمع شوية اعضاء واصوت لحد فبهم واكسبه وسام ونجوم شئ لا هينشط المنتدى ولا هيبسط الاعضاء ولا هيثبت كفاءة صاحب الفكره ممكن ينشط الزوار اه عشان التصويت او انه هيحط صاحب اقل نسبة اصوات فى موقف احراج ممكن تقيش شعبية الاعضاء بطرق تانيه غير موضوع التصويت دا جميل وضع المنتدى وجميله المواضيع والمسابقات بس بحدود وبقوانين والاهم بتقدير مش حاجه مجرد اثبات حضور http://forums.banatmisr.com/imgcache/2/46936alsh3er.gif Arco Soso والله دى حسب مايكون فيه مشتركين كثير جدا فى المسابقات ويمكن دة نظام المسابقة الاوسمة تكون فى 3 مراكز فقط ومش كل المسابقات فيها تصويت فقط كمان فيه مسابقات بتتطبق على التقييم وفيه بتتطبق على لجنة تحكيم فعلا كان الغرض من المسابقات دى تنشيط القسم وبعض الاقسام رجع للخمول تانى بسبب ان مافيش اى اهتمام بيه طول الفترة دى وبسبب غياب المشرفين السابقين بس اكيد كان عندهم ظروف مش قدروا يدخلوا المنتدى حتى الاآن وممكن جدا تكون بعض الاقسام كانت محتاجة نشاط اكثر http://forums.banatmisr.com/imgcache/2/46936alsh3er.gif big bốss فعلآ انا ملاحظ كدا و الاداريه words whisper اشارة لكدا فى الاستضافه الاخيره الى فقدان المسابقات قينونة التميز و الابداع دلوقتى كله بيلكلك اى كلام و بيكسب بس دا علشان قلة الاعضاء فى المنتدى هنعمل ايه :( http://forums.banatmisr.com/imgcache/2/46936alsh3er.gif أذار . هقولك الحقيقه مش هعمل فيها حد بيتفلسف و هو كذاب ، انا حد بيفرح لما ب اتكرم بوسام ، و ربنا يفرح من يفرحني بيقولك ايه ، ادخال السعاده في قلب مسلم ، صدقه s1 مش عايز صدقات انت تتوزع على الاعضاء ؟ ربنا يهديك بس يا عم الحج . و هروح اشوف كام عندك وسام ، شكلك بتتغاض من اللي عندهم اوسمه و انت ما عندك :18: :18: http://forums.banatmisr.com/imgcache/2/46936alsh3er.gif هادية بص ياسيدي من ناحية الاوسمة متهيألى مفيش مشاكل يعنى لما كله ياخد اوسمة هي بتبقي شئ مشجع للناس انهم يشتغلوا اكتر وتعتبر تكريم ليهم على مجهودهم فليه لا يعنى؟؟ والمسابقات طبعا شئ كويس لانها بتشغل المنتدى والاقسام بتاعته حتى لو القسم هدي بعد المسابقة ده شئ طبييعي وبعد فترة تتعمل مسابقة تانية ترجعه لنشاطه تانى احسن من الخمول اللى ممكن يحصل لو مفيش مسابقات http://forums.banatmisr.com/imgcache/2/46936alsh3er.gif دا كان رئى اعضاء المنتدى فى المسابقات ومنح الاعضاء ( أوسمه ) ودلوقتى دور الادارة سواء تاخد برئى الاعضاء او تتجاهل أرائهم . http://forums.banatmisr.com/imgcache/2/46936alsh3er.gif موضوع الحلقه القادمه / المنتدى هنا دائما بنسمع او بنشوف انه بيعتمد على المجاملات فقط خاصه فى ( التصويت ) و ( المسابقات ) ياترى ايه الحل عشان نتخلص من الموضوع دا http://forums.banatmisr.com/imgcache/2/46936alsh3er.gif اى عضو حابب يقول رئيه يبعتلى ( رساله خاصه ) او هيلاقينى بعتله ( رساله خاصه ) عشان يقول رئيه |
بص هيا الحكاية عاوزة شوية تنظيم بس يعني ترتيب المسابقات عشان ضرورة الاوسمه والمسابقات في التحفيز والنشاط لو اتنظت صح مش هيكون في مشكله من اول الاولوية لحد التقييم موفق مورشو |
انا شخصيا شايف مفيش مشكلة الناس عاوزة تفرح الاعضاء وتزقططهم ويحسوا كده بالوسام بس لازم تكون في اوسمة مخصصة للاعضاء اصحاب التميز مثلا الوسام ده معروف ان مش هيخده غير الشخص المجتهد فعلا وباين اجتهاده في المنتدى ويكون مختلف عن الاوسمة اللي بتتوزع في المسابقات عشان يكون فيه فرق واضح بينهم |
الحكايه دى من زمان مش من دلوقتى وانا فاكر انى شفت مولد اوسمه فبعت لساحر ساعتها ان ده كتير جداا ؛ وفعلا الرجل نزل بعدها توبيك فى المشرفين وساعتها المشرفين تناقشوا ووصلنا لصيغه مناسبه .. لكن اللى بيحصل هو عدم التزام من منظم المسابقه وانه مش بيبقى عاوز يذعل حد فبتشوف الاوسمه كتير وممكن فعلا المواضيع نستحق انك تكرم اصحابها بس تخيل لو مشرف عمل مسابقه والاداره رفضت الجوائز هيقول الاداره بتحارب قسمى ههههههههههه الاداره لازم ترجع تنبه عن المسابقات والتكريمات ..... ========= موفق يا مورشو |
شوفت كل الاراء كلهامحترمة ووجهات نظر متعددة والهدف منهاتنظيم وتظبيط المنتدى وجعله نشيط شكرامرشو برنامج جميل وفيه مشاركة اكترمن الاعضاء ورأيهم ربنايصلح الاحوال |
انا مش عارفه ليه انت دايماً مكبر المواضيع وكمان بتديها حجم اكبر من حجمها زى بردو موضوع البنرات اللى لاى حاجة انت قاعد للنقد وبس حاسه ان مفيش حاجة عجباك هنا غير قسمك وبس لانك كمان دايماً محبوس جواه لدرجة انى حسيت انك عامل زى السمكه لو خرجت بره قسمك تفطس >_< سيب الناس فى حالها يا مورشو وقول يا باسط مش هعدل الكون انت ولا كمان فى حاجة هتتغير |
اقتباس:
وبعدين ايه النقد فى كلامى لو انا بقول نقد فيمكن دا لصالح المنتدى هو لازم كل الى يدخل يقول الله جميل وحلو كالعاده بتاعتنا واهو ياستى رئى الاعضاء انا مقولتش رئى فى حاجا على فكره انا بعت سؤال بس ولكذا عضو مايمكن كان كله قال اننا مع الاوسمه وتوزيعها والمسابقات . |
اقتباس:
ويارب دائما كدا الاعضاء تقول رئيها زى ماهى عايزة والادارة تشوف وتعمل الى فى صالح المنتدى |
مجهود فى منتهى الجمال حقيقى يامارشو وحلقة مميزة جدا وشوفت كل الآراء وبااذن الله نشوف آراء جديدة فى الحلقة الجديدة |
اقتباس:
وحمدالله ع السلامه وانا فاكر توبيك التنبيه دا بس محدش عمل بيه يمكن يرجعوه تانى |
الساعة الآن 02:45 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب