|
طبــــع الحبايـــــــب طبــــع الحبايـــب مليــــان عجايـــب بيحبونا بيعشقونا وفقلوبهم الحب غايب بيتكلموا بيرسموا بيقسموا لينا المصايب اللي اتكلم ياما وأفعاله كشفت كدبه واللي اتألـم ومــا لقيش حد يقف جنبه واللي اتعلم عليه بخيانة وانجـرح قلبـه واللي دوب قلوب ناس في حبه وهو قلبه مش دايب تحبهــم يتكبـروا تتغير عشانهم ف بيتغيروا يجاملوك سنين بحبك وف لحظة شك بينكروا ع الفرقة يقدروا بيخونوا ويغدروا وع الخلق بيفتروا دول مهما تحبهم صعب يقدروا أصل الحب ف نظرهم خيط وسايب همـا لمـا أول مــرة يشوفــوا بعــض يتقابلوا بحب وشوق ولهفة شايفين نفسهم أرق اتنين ع الأرض يخلصوا كلام العشق في وقفة بعــد كـده خـلاص بينتهـي العـرض ف ما يتقابلوش غير بالصدفة ياما بنتواعـد ونتعاهــد إننا رح نفضـل علـى طـول عشـاق يمكـن نوفــي بوعودنــا ويمكـن فــي رأي تانــي للفـــراق طبـع فينـا نختـار اللـي مش لينــا واللـي شارينــا بنقـول بيرمي بلاه علينا ولا رماه غير الإشتياق طبـع الحبايـب الحـب ف قلوبهـم غايـب وعشاق زمنهم على أوراق شــــــــــــــــــــــــــــــــــــــــ . حـــــــــــــــــــــــــــــــــــــــــــ |
هى عدة قضايا متشابكة تناقشها بقلمك فهنا الخداع و التظاهر بالحب و تجاهل الحب الحقيقى و السعى وراء سراب ووهم و لنتفق ان كلها موجودة بمجتمعنا و بكثرة و يتفنن البشر باختلاق الاسوء يوم بعد يوم من طباع و تدنى اخلاقيات لكن كل اناء ينضح بما فيه و على الانسان ان يفتح عيونه و يصغى لصوت العقل و ليس القلب فقط يوازن الامور و يرى اين هى موضع قدميه ليتخذ قراره بالتوقف او المضى قدما و ان صار و انجرحنا هيكون اكيد صعب بس ما فيه تجربة ما بتفيد صاحبها و تكسبه قدرا من النضج يجعله يتفادى امثالهم بالمستقبل خاطرة رائعة اخى تناقش واقع كل الشكر تحياتى و تقديرى |
اقتباس:
بتدينا دافع اننا ما نكررهاش بنفس الأسلوب وبتخلينا أقوى بس في الحب بشكل خاص مفيش مجال للتجارب هو ممكن يبقى تجربة لمدة محددة لطرف وتجربة طول العمر للطرف التاني المعادلة مش متوازنة وكتير من الأحيان بيكون ف الحب طرف مظلوم بس اكيد مع الأيام كل شيء بيتغير والنسيان مش بييجي ف يوم وليلة تسلمي أختي لمار على حسن تفاعلك وردك النابع من عقلانية بتعرف توزن الأمور أشكرك لرحابة قلبك في الرد لمار أسعدتيني بوجودك الكبير بين حروفي الصغيرة ربي يوفقك ويسعدك |
المضمون عارفه لكن مش هاقف عنده انا عايز موضوع الجاي للحب وانا كمان للحب عشان من كتر كلامنا عن الخداع والخيانة اتسمينا مجروحين تعالي نحب ونفرح ونوصل ده لكل الناس انا وا نت اللي مش هيكتب موضوعه الجاي حب مينزلش لحد مايكتب وهاستني الرابط تحياتي |
كل تجربة بتمر علينا فى حياتنا لازم نتعمل منها سواء كانت فشل فى حب او فى عمل او او .. إلخ اللى مش بتنجح اكيد بتفيد والامثلة اللى كتبت عنها موجود منها كتير اوى دلوقتى اعتقد انه مبقاش فى حب صادق احنا فى زمن سريع حتى الحب عبارة عن وجبة سريعه راقت لى خاطرتك خالد واعجبنى وصفك دمت بكل خير .. ودى واحترامى |
دائما ما يبدأ الحب بعاصفة من الكلمات تملئها المشاعر وبعض القليل من الوقت تتلبد المشاعر وتسكن الروح جبال من الجليد اهو حبٌ ام مجرد فترة اعداد لمرحله جديده كلماتك راقيه خالد احترامى |
الطبع بيتغير لما يكون كدب وخداع لكن موش هتلاقي حد حب بجد ويجرح الل حبه ثانكس خالد |
اقتباس:
هيبقى المضمون كله حب ولا يهمك ابو حميد واكيد هستنى منك كلمات عن الحب تسلم ابو عادل نورتني واسعدني وجودك ربنا يوفقك ويسعدك |
اقتباس:
وصفك جميل للحب واحواله اليومين دول بس اكيد الدنيا ما بتخلاش من الناس الطيبين الصادقين في حبهم وكلامهم وأفعالهم تسلمي نور ده إنتي اللي منورة بطلتك وحضورك اللي بيسعدني وبعتز بيه بشكرك لرقة تواجدك وحسن تفاعلك نور نورتيني واسعدني ردك وتواجدك الجميل ربي يسعدك ويوفقك |
اقتباس:
وعدم المبالاة بمشاعر القلب وإهمالها سلمتي همسات الصدق بسنت أشكرك لرقي تواجدك وتفاعلك القيم دمتي راقية الفكر نقية الحضور ربي يوفقك ويسعدك |
| الساعة الآن 10:32 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب