منتديات بنات مصر

منتديات بنات مصر (https://forums.banatmasr.net/)
-   ابداعات الاعضاء العامية (https://forums.banatmasr.net/f241/)
-   -   آه صـــح أنــــا لوحــــدي (https://forums.banatmasr.net/msryat509186/)

شاعر الحب الحزين 04-10-2015 07:24 PM

آه صـــح أنــــا لوحــــدي
 

آه صــح أنـــا لوحــدي ومفيــش حـــد معايــــا

وعـارف إن محـدش حاسس باللي شايله جوايا

بس الصبر عندي ملوش حدود

واليأس ملوش في حياتي وجود

ولا بشكي لحد ولا ببكي قدام حد ولا بعمل حكايـــة

الشوارع فاضية والناس غايبين

والدنيــا راضيــة أعيـش حزيــن

عايش أسير وحدتي ما بين حيطان غرفتي مع دمعي وقسايـا

الحـزن لـو مجـرد كـلام مين ده اللي كان هيكتبه

الحزن حقيقة مش أوهام واسئل عنه اللي مجربه

الحزن غياب وعذاب حكايات وآهات ليل وسهر وويل ميبانوش ف مرايا

سالت دمعتي انطفت شمعتي ولا اختفت ضحكتي ولسه دنيتي معاندة معايا

براحتك يا دنيا اجرحيني اظلميني مش هستسلم صابـــر أنـا لحـد النهايــــة

إنتي دنيا مليش فيكي بس الخلق اللي فيكي عشان سواد عنيكي

رضيوا بجرحي قتلوا فرحي غيروا ملامحي قوليلهم هاتوا كمان ومش كفايـــة

همـا عشانـك عايشيـن أفعالهم أفعال شياطين وإنتي يعني ميـــن

يـــا دنيـــا فانيـة أنــا ف دنيـا تانيـة بـره الدنيا وعمرك ما كنتي غير محطة بداية



شــــــــــــــــــــــــــــــــــــــ . حــــــــــــــــــــــــــــــــــــــــــــ

.Lamar 04-10-2015 07:35 PM

اوافقك الرأى ....

فالدنيا محطة بداية و مرحلة مؤقتة نعيشها

نعيش بها الابتلاءات و الامتحانات المتكررة

ليمتحن رب العالمين

مدى صبرنا و قوة ايماننا

هى دنيا طالت او قصرت

و ليست دار بقاء

و ان كان ناسها مثل ما ذكرت

يبقى البعد عنهم غنيمة


كل الشكر اخى

تحياتى و تقديرى

أنين الليل 04-10-2015 08:44 PM

مخترتش أكون لوحدى بإيدى
بالعكس الوحده الا خترتنى
عيون كدابه وشوش منافقه
وأكيد أنا مش هنافق نفسى
ياقلبى لم رمادك وتعالى نمشى
تعالى نمشى ياقلبى فى مره يمكن
تقابل نبضك واقابل مره وحده نفسى
نفسى الاتاهت بين زحام الدمع يوم
نفسى الا شالت زى الجبل الهم كوم
لكن خلاص ياقلبى وعلى العموم
الجرح شكله فاضى وبيعاندنى
كل ما افرح يعذبنى خلاص كدا
أنسى بقى الضحكه ياقلبى وبلاش تتعبنى

كلمات جميله منك يا شاعر فى اتظار جديدك

شاعر الحب الحزين 04-10-2015 11:30 PM

اقتباس:

المشاركة الأصلية كتبت بواسطة لمار* (Post 4753916)
اوافقك الرأى ....

فالدنيا محطة بداية و مرحلة مؤقتة نعيشها

نعيش بها الابتلاءات و الامتحانات المتكررة

ليمتحن رب العالمين

مدى صبرنا و قوة ايماننا

هى دنيا طالت او قصرت

و ليست دار بقاء

و ان كان ناسها مثل ما ذكرت

يبقى البعد عنهم غنيمة


كل الشكر اخى

تحياتى و تقديرى

أنا بعيد عنهم فعلا البعد عنهم غنيمة

بس دول ناس أفعالهم أفعال شياطين

بيستعينوا بشياطين عشان يئذوا الخلق

ربنا يريحنا من أفعالهم وعمايلهم


أشكرك لمار لرقي تواجدك

وحسن تفاعلك دائما بعقلانيتك المتزنة

أسعدتيني بحضورك الذي أحترمه

ربي يوفقك ويسعدك

شاعر الحب الحزين 04-10-2015 11:34 PM

اقتباس:

المشاركة الأصلية كتبت بواسطة أنين الليل (Post 4753944)
مخترتش أكون لوحدى بإيدى
بالعكس الوحده الا خترتنى
عيون كدابه وشوش منافقه
وأكيد أنا مش هنافق نفسى
ياقلبى لم رمادك وتعالى نمشى
تعالى نمشى ياقلبى فى مره يمكن
تقابل نبضك واقابل مره وحده نفسى
نفسى الاتاهت بين زحام الدمع يوم
نفسى الا شالت زى الجبل الهم كوم
لكن خلاص ياقلبى وعلى العموم
الجرح شكله فاضى وبيعاندنى
كل ما افرح يعذبنى خلاص كدا
أنسى بقى الضحكه ياقلبى وبلاش تتعبنى

كلمات جميله منك يا شاعر فى اتظار جديدك

انتي كلامك جميل يا أنين

وتفاعلك دايما جميل

بس بيوجعني الحزن ف كلامك

اتمنالك السعادة والفرح دايما

تسلمي للحضور الجميل

نورتيني واسعدني ردك

ربي يوفقك ويسعدك

عماد الدين زنكي 04-11-2015 08:39 PM

كل واحد له حكاية
بس عيبنا في النهاية
انني مبشفش غيري
لما ابص في المراية
.
.
رائع ما كتبته
ادام الله ابداعك


الساعة الآن 09:22 AM

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w