|
إوزن كلامــــك إوزن كلامــك احتـرم وقفتــي قدامــك أنا بحجم يا معلم ومعنديش من أحجامك حجمك صغير قوي يا نونو ورجولتك بكلامك واخدك على قد عقلك سايبك تغرق ف أوهامك متزودش كلام يا عم فاندام بلاش نعرفوك مقامك أنا لما كنت ولد شمال كان اللي زيك لسه عيال هتعملهم عليا هعملك تمثال هتسوقها معايا عناد هتلعب معايـا يــا واد على إيدي هعمللك ماتش اعتزال أنا هحترم نفسي لأبعد حد بس لو زودتها وبقت الحكاية بجد هخليك تحترمني غصب عنك بالسلامة بقى يا خال شـــــــــــــــــــــــ . حـــــــــــــــــــــــــــ |
جميله والله تسلم يا غالي |
امممممممممم كلام جامد جدا طبعا ومكتوب بحماس شديد واضح انه رسالة لمن يهمه الامر امووووت واعرف مين هو اللى يهمه الامر:24: تسلم ايديك ياشاعر |
اللهجة شديدة وتحذيرات واضحة مثل ما قالت هادية من الواضح انها رسالة ولأجل الغضب خرجت بعفوية لكنها اصابت الهدف جميلة يا خالد |
ههههههههههههههههه تربية موساد بالراحة علينا مساء معطر |
جديد اللون العفوى دا ياشاعر بس بجد تسلم ايدك :) |
هههه ايوووة ايه ده كله ده انت داخل بقلب جامد كلام حلو وجديد عليك خالد ربنا يستر |
ايه الخناقة دي ياعم ما يلا تسامحة والمسامح كريم ويلا خد دي كمان وبشر الصابرين وهو فيه ناس كده بتحب تعمل فالحين وهما اي حاجة كده ولا اى شيء عارفين اما ما شاء الله علينا الحمد لله عاقلين نعوم بئه على عومهم ونبقى زيهم مجانين لئه .لئه .نو.نو .يلا يا عم مسامحين. شفت الخناقة خلصت خلاص ما هما كده ولاد الناس بيتصرفوا بكل حكمة واحساس ويوزنوا كلامهم وكله على اساس كتاب وسنة وما اجملة من مقياس السفيرة |
اقتباس:
منور يا غالي ربنا يوفقك ويسعدك |
اقتباس:
لا هو مجرد كلام كده وتنويع بقى لو في حد بيهمه الأمر نحاسبوه برة المنتدى انما ده كلام وتغيير في النمط الكتابي بس منورة يا هادية تسلمي ع المرور والتفاعل الجميل زي ما عودتيني ربنا يوفقك ويسعدك |
| الساعة الآن 02:16 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب