|
هل يتنازل الرجل مسائكم عطر برائحة الجنة النساء في تصنيف ادم تقف عند نقاط معينة في ادم فيصنف على اساسها وحسب الاولوية هناك نصنيف بالشكل وهناك تصنيف عمري وهناك تصنيف بالعمل وهناك تصنيف ديني وعقائدي واتجاهات وهناك تصنيف بالهوايات وهناك تصنيف روحي وهناك تصنيف حسب داخلها من احلام ترجوها فيه عندما تخبر احداهن عن احدهم سيتقدم لخطبتها تسالك عن شكله اولا وثم هل يعمل ثم هل يصلي الشكل والعمل والدين ( ثلاثي تفكير الكثيرات ) ليس عيبا في اختياراتها لكنها تبحث عن المهم فيه والاهم بالنسبة لها وحسب الالولويات التي تراها كل واحدة على حدى / ان رائينا تصنيف ادم للمراة او البعض من الادميين يضع الشكل في اول الاولويات ثم الصلاة بعضهم يخبرنا عن العقل والتفكير لكن هل يتفق الرجال جميعا في انهم نظريين اكثر من انهم متعمقين؟ ستجدو رجلا يقول ابحث عن روحها وجمال الروح ( لكن اخبره عن احداهن بمواصفات شكلية معينة لا تروقه فيتنازل عن الروح من اجل الشكل ) طبيعة ادمية الرجل يعشق الجمال باختلاف النسب بين كل رجل واخر لكن الجميع يتفق ان الشكل مهم هناك رجال تبحث عن النسب والاصل وهناك يبحث عن كل هذا في واحدة ان تكون بنت اصل وجميلة وروحها جميلة ومثقفة ومتدينة لكن السؤال هل يتنازل الرجل عن شيء في سبيل شيء اقوى في حواء / هل يتنازل الرجل عن شكل المراة ويكتفي بالروح ؟ |
فعلا هى اولويات زى ما قولتى بس ادم صعب جدا يكتفى بجمال الروح و اللى يقول كدة يبقى بيرسم المثالية بس قلة منهم تحب تعمل توازن بين جمال الروح و جمال الشكل وممكن تلاقيه مثلا مش وسيم ابدا وبرضو طموحاته تكون البنت أية من الجمال فهى طبيعة طرح رائع ايمى سلمتى غاليتى |
اقتباس:
منوراني دايما بجميل ردودك |
بصى ياقمر اتفق ان ادام دلوقتى بيهمه الشكل وبرضو منقدرش ننكر ان فيه بعض النساء تقولك لازم يكون حلو وحصلت قدامى شخصياً يعنى تخيلى ترفضى واحد ماشاء الله تعليمه عالى وحالته الماديه عاليه واهلو طيبين ومتدين الصلاه بوقتها خاتم للقرآن متقى الله فى نفسه لمجرد انو مش حلو وانفه طويل !! واعرف ناس رجال الله واكبر عليهم وسيمين جداً ومتجوزين بنات مش اد كدا لا فى الشكل ولا الجسم بس تحسديهم على التوافق الا مابينهم وازاى بيحبو بعض اوى يعنى خدى فى التصنيف عندك ان بعض الرجال بيبحثو ان اهتمام المرءه واخلاقها وهل هى جديره فعلا انها تكون ست بيت وتصون جوزها وبيتها يعنى الشكل مش كل حاجه تعرفى سمعت بعض الرجال بيستغلو حديث الرسول صلى الله عليه وسلم لانو قال فيه لابد ان تكون جميله !! طبعا من عيله واخر حاجه ممكن يفكر فيها التدين تنكح المرأة لأربع مالها وجمالها وحسبها ودينها ) شوفى حضرتك دا الحديث هما بقى بياخدو الجزء دا ويسيبو بقيتو الابيقول فَاظْفَرْ بِذَاتِ الدِّينِ تَرِبَتْ يَدَاكَ معنى هذا الحديث أن النبي صلى الله عليه وسلم أخبر بما يفعله الناس في العادة فإنهم يقصدون هذه الخصال الأربع ، وآخرها عندهم ذات الدين ، فاظفر أنت أيها المسترشد بذات الدين ، لا أنه أمر بذلك ... يعنى اخر تفكريهم فى الدين يعنى ممكن متكنش حلوه خالص بس عندها طيبه قلب واخلاق ودين يعنى حتى لو واحد كان مجبور عليها ومش عجبه شكلها تجبره بأخلاقها واسلوبها انو يموت فيها وميستغناش عنها هقول لحضرتك على حاجه غريبه كنت بسجل مع بنت ملحده بسبب الحديث دا !! لما سجلت معاها قالتلى منين ربنا بيقول انو العادل ومنين يبلغ نبيه بحديث زى دا طب مهو لو كان بقى الجمال كل حاجه ليه خلق الحلوه اوووى والحلو و الوحشه خالص يعنى دول مخلقوين عشان يتهانو وخلاص ودا مع الاسف بسبب استغلال بعض الرجال لانو مش كلهم طبعا للحديث دا انو لازم تكون جميله وحلوه وتاخد العقل وتفتح النفس يعنى انت عايز تفتح نفسك بجمالها الا ياعالم هيدوم ولا لاء ولا تفتح نفسك بزوجه تربى عيالك بتعاليم الدين وتخليك ملك !! رغيت كتير بس الموضوع عجبنى :) |
غريبة في نفس ذات الوقت فيه بنات كتير بترفض عرسان عشان اصلع او قصير او طويل او طخين او رفيع او فقير وفي نفس ذات الوقت كتير اوي من البنات بتفرح اوي لما يكون عريسها غني علي العكس بقى نسبة الشباب اللي بيدور علي الشكل الحلو اقل بكتير من نسبة البنات اللي بتدور علي عريس وسيم واقل برده من نسبة البنات اللي بترفض عرسان لاسباب لها علاقة بالاسم او بالشكل او بالطول والعرض والارتفاع او الصلع او التخن والرفع لكن فيه حاجة مهمة للامانة اي شاب بما فيهم الملتزمين يوم ما يجي يتجوز بيفكر هل الانسانة دي انا بتقبل شكلها وده حق شرعي له والدين كفله نظرة شرعية قبل الجواز ولو فكرتي في السبب هتكتشفي انه ممكن لو اخدت واحده هو شايفها وحشة ممكن يبص برا ويروح يرتكب الزنا والعياذ بالله برا بيته وده مش معناه ان اللي رفضها دي وحشة لان ببساطة مفيش بنت وحشة ولو انا شايفها وحشة غيري بيشوفها حلوة عامل النظافة ملمع الاحذية المكانيكي والخدامة كل دول لما بينموا في حضن ازوجهم بيشوفوهم حلوين الفكرة مش شاب بيدور علي بنت حلوة الفكرة بيدور علي واحدة تخليه ميبصش برا تملى عينه يقوم الصبح يبص في وشها يقول بسم الله ما شاء الله مش يقول ان لله وان اليه راجعون هههه ودا ميمنعش ان فيه شباب عنيها يدب فيها رصاصة ومبيعجبوش العجب وتبقى زوجته حلوة ويطلع يبص برا وفي شاب بيدور علي واحدة جميلة ولما يحصل عليها يبص لغيرها دول بقى مرضى النفوس وربنا يهديهم فقبل ما نعيب علي الشباب اختيارهم للبنات الجميلة ندور علي البنات اللي برده بترفض عرسان كتير بسبب الشكل ندور علي البنات اللي تافهة حياتها كلها عبارة عن بدكير ومنكير واينير ههه والله ما عارف اسمه اية البتاع اللي بيتحط علي العين ده وفستان فلانة يهبل وتسريحة فلانة تجنن وشاغلة نفسها بحاجات تافهة ونسيت اهم حاجة الانسان نفسه قيمة الانسان اللي هترتبط بيه مش شقته وعربيته ورصيده في البنك او شكله وطوله وعرضه شعره سايح ولا اصلع عموما نرجع ونقول حديث روى أبو داود والنسائي عن أبي هريرة رضي الله عنه: قال النبي صلى الله عليه وسلم: "تنكح المرأة لأربع لمالها ولحسبها ولجمالها ولدينها فاظفر بذات الدين تربت يداك" يعني انك تتجوزها لمالها مش يعيبك وانك تتجوزها لجمالها برده عادي ولحسبها عيلتها يعني ولدينها فأظفر بذات الدين تربت يداك |
كل واحد بيكون ليه مواصفات لشريكة حياته وده حقه مينفعش نطلب منه يغلب الروح على الشكل اذا كان هو اهم حاجه عنده الشكل فى راى انا الاخلاق بتحلى الروح والشكل كمان مقدور عليه سواء للرجل او البنت فيه بنات كتير حلوين وماتعرفيش تكلميهم كلمتين على بعض من سوء اخلاقهم وكلامهم موضوع قيم ايمى |
بالنسبة لحواء فمسئله الشكل دي مفتكرش تهم الاغلب او معظم البنات لكن بشكل مؤكد صعب او نادر تلاقي راجل يكتفي بجمال الروح عادة عينه اللي بتحدد حبه مش قلبه ودا الفرق بين ادم وحوا |
السلام عليكم ورحمته اله وبركاته اهلا بالمشاغبه دائما الحجه ايميليا والله لو انا حتكلم ع موضوعك يبقى عايز كتاب كبير علشان اتكلم فيه اكيد طبعا زى ماف عقول مستنيره وليست منيره فيه اكيد عقول راكده صدقنى صفاء القلب والجمال هو اجمل مايزين الموضوع انا قولتله مره ف ندوه عن العلاقات الاسريه بين الرجل والمراه ولت نظره الرجل تختلف لما تكون خطيبته ولما تكون مراته خطيبته بقى بيحب ومشاعر حلوه وجميله مراته بقى وقتها اسمى واجمل (وجعلنا بينكم موده ورحمه ) وفتها بتدورى ع مكنون حياه اسلوب خاص نطا مختلف عالم تانى بتكونى فيه مبادى ولكن عند الاجابه عن نفسى طبعا الروح والسمات القلبيه اهم ماف الموضوع الجمال مش جمال شكل وبس انا مش قاعد مع تمثال حقطع تذكره علشان اشوفها انا بدور وقتها ع تنفع تكون ام لاولادى ولالا تنفع تكون زوجه متفهمه ليه ولالا وهذا نظرتى الشخصيه ولا تعبر عن رويه معينه دمتى بود ايميليا |
جميل جدا بس مفيش بنت وحشة شكليا أي بنت ممكن تبقى اجمل بنت لو اهتمت بنفسها واعتنت بمظهرها بس اهم حاجة بتشد الرجل للبنت هي سمعتها واخلاقها الحب عمره ما كان بالشكل لو حب صادق هيكون فيه قيم ومبادئ اسمى من الشكل والمظهر بس هقوللك حاجة في أي علاقة غير شرعية لا ينظر أبدا للشكل ولا للحسب ولا للنسب ولا للدين ولا للأخلاق وهنا يتنازل الطرفان عن اخلاقهما قيم الطرح يا إيميليا ويعالج مشاكل واقعية في حياتنا سلمتي للعودة الجميلة بأسلوبك الذي عهدناه ف الطرح الهادف ربي يوفقك ويسعدك |
اقتباس:
وشفت بردو التوافق الي بيحصل بين ااتنين بيكون طرف يهم اقل جمال او وسامة من الطرف التاني فعلا التوافق دا نعمة من الله منوراني جداااا |
| الساعة الآن 08:00 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب