(موال) لســــه بـــدور فــي الوجــود لســه بــدور فـــي العيـــون علــى نظــرة حــب ووفــا لســه بــدور فــي القلــوب علــى ضمــة مليانـة دفـــا لســه بـدور في الحيـاة والوجـــود على أي أثر يثبت إني أنا موجـــود من ظلم البشر ما لقيتش الأثر حتى الأمل هجرني واختفى الحزن كيفي ومش بكيفي أدمنت عليه أنا تلميذ الحزن عشت واتربيت على إيديه مبقاش يصدمني كتره مبقاش يتعبني شره بقى داء ومش عايزله شفا لسه مش مصدق إن ليا أي ذكرى جميلة لسه شايل فوق كتافي حمول جبال تقيلة لسه السهر مصاحبني في ليالي الحزن الطويلة في ناس نايمين في ليلهم وانا سهران بحنلهم ومش شايف منهم غير الجفا يا دنيا بتعزي عني الفرح ألف شكر ما يلزمنيش خلي الفرح لناسه أنا اللي زيي الفرح ميفرحنيش من كام سنة عايش وأنا بمــوت عشــان أعيـــش اللي ف قلبي مداريه خليه في رب يداويه مش هشكي من الهوان قلبي اكتفى لسه بدور ع السعادة ملاقيش غير الحزن قدامي لسه بدور على نفسي اللي ضيعها طيبتي واحترامي يا ضحكة قصرت السكة فاضلي تكة وافارقك يا أيامي لو في الدنيا تعبت وشلت فوق طاقتي لو كتبتلي ف بطاقتي مجهول واختفى بدعي لما ينتهي عمري أحس بحلاوة صبري ف حياة تانية كلها حب وصفــــا شــــــــــــــــــــــ . حـــــــــــــــــــــــــ |
جميل موالك شاعرنا وجميل ما خط قلمك وعبر عن احساسك |
موال رائع وجميل خالد بس حزين شويتين شويه فرح بقى يا شاعرنا تعبنا من الاحزان والهموم ربنا يسعدك ويفرح قلبك دمـت بكـل خير |
اقتباس:
منورني ابو المجد بتواجدك الجميل ربنا يوفقك ويسعدك |
اقتباس:
ادينا بنتشكل على كل لون ف كتاباتنا بس الحزن ده جزء من حياتنا ومنقدرش ننكر وجوده سلامتك من أي تعب وهم يا نور وان شاء الله اللي جاي احلى تسلمي نور لمرورك وذوقك ودعواتك الجميلة نورتيني واسعدني تواجدك وكلامك ربي يوفقك ويسعدك |
عمل رائع سلمت يداك |
مش عارفه ليه لما بنتكلم عن الالم والوجع دايما بنحاول نخرج كل شئ جوانا دايما الالم له الف طريقه للتعبير وبنعجز وقت الفرحه نعبر موالك رائع بكل معانيه احترامى خالد |
اقتباس:
سلمت للتواجد الرائع هنا ربي يوفقك ويسعدك |
اقتباس:
بس الحزن شيء واقعي منعجزش التعبير عنه تسلمي بسنت لمرورك وتفاعلك الجميل الرائع تواجدك هنا ومشاركتي كلماتي القليلة اسعدتيني بنقاء الحضور بسنت ربي يوفقك ويسعدك |
موال جميل يا شاعرنا الله يبعد عنك احزانك ويسعد ايامك :) |
الساعة الآن 01:45 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب