كنــت بحــب بنـــت زمــــان كنت بحب بنت زمان آه لو ترجع يا زمان كانت معايا أجمل حكاية ف الحب والحنان مكنتش متخيل حياتي من غيرها كنت ف وقتها مش شايف حد غيرها ولما افترقنا عشت بعدها وكإن أي شيء ماكان غير الذكريات الجميلة اللي فضلت معايا ف كل مكان أغنية غنيتهالي يوم لسه بسمعها بحس بقيمة الألحان حاجات كانت بتحبها بحبها ذكرى واتكتب يوم ع الحيطان هداياها محتفظ بيها إزاي أكون ناسيها وهـي النسيــان واحشاني غيرتها معايا صورتها مبجيبش سيرتها قدام إنسان لو صادفت بنت بنفس اسمها أبتسم ف سري والشوق يبان بدعيلها يارب تبقى بخير ياريت لو اقابلها تاني ويجمعنا الزمان مش كل حب بيتنسي وده أول حب صعب يتمحي من الوجدان شــــــــــــــــــــــــــــ . حــــــــــــــــــــــــــــــــــ |
كنت بتحبهازمان وعاوزة ترجع طيب قول للزمان ارجع يازمان جميل خلودة وجميل الكلام وجميل كلك على بعضك وليك أحلى مسا وأحلى سلام |
فعلاً اول حب صعب انه يتمحي من الوجدان اول دقة قلب لشخص ما صعب انك تنساها جميلة خالد |
وما أجمل الذكريات وأول حب كان دقة قلب بلهفة شوق وحنان ، بسمه مع غنوة ولمسة ايد ولا تنهيدة بنظرة عين سراقه تخدك بعيد بعيد لزمان الله عليك يا خالد رجعتنا لزمان وأول حب كان تحياتي ليك والسلامات القيصـر |
محال ان ينسى اول حب سكن الوجدان. محال ان تمحى اول رعشه قلب وذكريات زمان. ولكن مهما تذكرنا وعشنا على اطلال اجمل اﻻيام. يمر العمر ونجد انفسنا نتقوقع داخل دائره الماضي. فعلى الحياه ان تستمر ( ونتناسى ) ماكان جميل يوماا. بوح رقراق عذب سلمت خالد |
صح كنت بتحب زمان بس لو ام اولادك دخلت دلوقتى وقرأت كلامك راح تبقى فى خبر كان اها نقرى الفاتحة مقدماً ولا نأجلها يا شاعر الاحزان هههههه |
شاعر الحب الحزين فين اراضي الحلوة فين هي حبت حد غيرك ولا بتزور الحسين ولا نايمة ف حتة ضلمة ولا خايفة م السنين انت شوقت قلوبنا وسبتنا بين سين وسين . شاعر الحب الحزين اسلوبك متميز ..سلس ..ذو مضمون دمت اخي في امان الله |
اقتباس:
مبقتش فارقة يا رفعت يرجع ولا ميرجعش هي هي ومش هيتغير حاجة مكتوب مامنوش هروب تسلم يا رفعت انتا الجميل يا طيب منورني يا غالي واسعدني كلامك ووجودك ربنا يوفقك ويسعدك |
اقتباس:
وحاجات كتير بتفكرنا بيه ولا بنقدر ننساه مع إننا بننسى نفسنا ساعات تسلمي روني الأجمل تواجدك نورتيني واسعدني ردك وتفاعلك ربي يوفقك ويسعدك |
اقتباس:
يرحم زمان وأيام زمان يا قيصر تسلم يا قيصر أشرف يا غالي أشكرك لوجودك وتفاعلك بإحساسك الجميل نورتني وأسعدني ردك وتواجدك الغالي ربنا يوفقك ويسعدك |
الساعة الآن 12:32 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب