|
بُــــوح مدخل,,, الفكره روح والشعر بوح والقافيه فنان بيرتجل والروح لازمها عشان تبوح وحي الخيال يكون نزل صوت اليمام ف نواحه صحي وجع قلبي كل اللي وعدوا راحوا وزودوا ف غلبي ---- الست قالت ازاي والهجر اثر فيها وانا كتر شرب الشاي حبيبني اغانيها ---- الشعرا تماً زهدوا ف وصف القهوه وف الشتا ونسيوا اللي راحوا وبعدوا وزودا ف العدا ---- شويه من الكافيين والطيارات والقمر دول وحدهم كافيين ينسوا مر السهر ---- أغنيه حزينه عن الوحده وشويه تفكير ف الدنيا وقعادي لبعد الساعه واحده بيودوني لحتت تانيه ---- طول عمر الدنيا بتجرحنا وزماننا كان ع طول جارح وأقرب ناس لينا بتمسحنا بس احنا بننسي وبنسامح ---- الناس طرق بنشقها بس الاغلبيه ملانه شوك في ناس تخاف تودها وناس ياخدنا ليها شوق ---- أجمل شعور ف الشتا هو الدفا افظع شعور ف الدفا القسوه والحرمان اجمل ما فيكم قلب كان بيننا هنا واختفي أجمل ليالي الحب كانت ليالي زمان ---- مَخرَج ,,, وخلاصه القول عندك من الخلق ياماوياما عندك من الناس دولا ودول حاول تلقي بر سلامه علشان الدنيا يومين وتزول |
ياللي الفن عشانك نازل انا عن بوحك مش حتنازل انت كلامك رقص ومغني وجملة مفيدة بس بمعني وانا مسكون برياح وزلازل . ما اروعك وما ابدعك هكذا فلتكن الكلمات يشرفني بشدة ان اكون اول المارين عبر بستان كلماتك الرائقة تقبل مروري المتواضع |
كلمات متنوعة كباقات ورود انتشر شذا عبيرها هنا جميل ما نثره قلمك اخى شكرا ليك |
بنشتكي منها ونعدى وبرده عيشنها نضحك معها وشويه نتقلب مع سننها نقول يلا بئه ماهو ما فى حاجة وخدنها طيب ليه بئه نزعل ما دُمنا كلنا سيبنها وهو من دا ودا الدنيا كداااا دمت بخير السفيرة |
أهلاً يا سعد يا جميل وحشني والله يا رب تكون بخير والجيش تمام معاك لي عودة للرد ان شاء الله عذراً لأني بكتب من الجوال القيصـر |
العشق مر وسهر وانااللي منه قاسيت اقسمت عمري ما آمن لحد صورة وصوت احساس آناني بيمشي علي الف وش ولون رماني كف القدر علي قلب قاسي ,, عانيت وانا اللي قلبي انكسر ومنه ياما ,, بكيت واخر الماتمه ,, هيشكي وتلوم عليا عنيه لا انا قلبي حِمل الهوي ولا جرحي منه قليل ##بوح #وليدة_لحظه لربما راق بوحك لروحي فأحببت المكوث هنا كنت ولا زلت استاذ العامية سلمت رائع واكثر |
ايه الكلام الجامد ده بجد تحياتي |
|
بوح جميل وعودة جميلة بكلمات جميلة ياسعد |
وأخيراً طل صقر الكلمات العاميه بوح ولا ارقى أجبرنى على التزام الصمت وعدم مجراتك بكلمات تقبل مرورى المتواضع |
| الساعة الآن 08:20 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب