|
الجزء التانى من قصه بدون عنوان قصــتى بدون عنوان ما ينفعش ولا يجوز يكون للقصه دى عنوان الكتابه بس للعظه والنصيحه لكل عاشق ولهان ياخد باله مهما كان حبيبه الزمن للآسف بيورينا ناس كتير مش جدعان لما يكون أبوك إللى وعيت ع الدنيا وأول مافتحت عنيك عليه وقال إن أنا ألاب ودى ألآم ودى العيله وعنيك بس بتيُص لآديه وهى بتشاور وبدءت تعرف كل إللى حواليك ودا مين ودا إيه ينفع يطلع كل ده كدب ؟؟ أهو دا لايمكن نصدقه مهما إتقال عليه --------------------------------- حبيبى اللى عرفته ولا عرفتش غيره كان قلب كله حنان كان بيعرف إذاى يحتوينى كان بالنسبالى بمعنى الكلمه إنسان سلمته قلبى وكنت عارفه إنه معاه ومعاه ألامان عشت أنا وهو أجمل قصه كان قدام شويه هيحكيها للآجيال الزمان يحكى عن فرحتنا ..يحكى عن عشرتنا .. يحكى عن المشاعر اللى كانت بينا زى الطوفان يحكى اذاى بنتكلم يحكى إننا مش بنتعلم لكن بنعلم كل عاشق ولهان إذاى يعرف يحب. وف حبه يكون طاهر يعلى عن البشريه يكون ملاك مش إنسان --------------------------- ده كان حبيبى .. ده إلى عرفته.. دا إللى كان بمعنى الكلمه إنسان دا إللى كان بيرفرف معاه قلبى بأعزب ألآلحان دا كان الملاك إللى ملك قلبى وقولتله من غير استئذان دا إللى قولتله بحبك من غير خجل من غير تكليف من غير لف ودوران دا اللى بختصر فيه الكلام بكلمة حبيبى‘‘‘ دا الملاك ألانسان ----------------------------------- لكن حصلت ظروف وقال إن إرتباطنا صعب على ألاقل ألان مهو معروف عن قصص العشاق ماتكُنش سهله كدا مهما كان المهم قال إننا نبعد شويه لكن بينا الكلام أنا مش عايز أكون غير إنسان ملتزم ويكون اللقاء بينا رسمى إعطينى وقت وفرصه كمان أعرف طريقى واحدد المستقبل وأعرف منين بيبان -------------------------- وعدته.... ووافقت أبعد برغم الم الوعود لكن حبيت أساعده واعرفه إن الطريق مفتوح مش مسدود وبقه اللى بينا إتصال بيعرفنى منه إنه موجود يسلم واسلم ويتقفل التليفون والحب إللى كان معبود بقيت احس إنه إندفن لكنى إلتزمت بالعهد إللى عطيته والوعود -------------------------- لكن لما اعرف إنه خان لما اعرف إنه نسى أحاسب مين هو ليه الزمن بقه كدا ليه مُعظم الناس خاينين ولا الزمن ماعلهش عتاب والعتاب على الناس اللى ماتعرفش الدين هو الحب بقه ليه بينداس من ناس إفتكرناهم ملايكه موجودين والقلوب بقت فى إديهم لعبه بيشكلوها زى ماهم عايزين بقوا بيتفننوا فى الغدر مين الى ربى الناس دى مين ياترى أهاليهم برده زى أهالينا ولا إحنا إللى ناس تانين ياخساره ... ياخسارة الناس الى كنا فاكرين إنهم حلوين -------------------- بقه هو ده أتصل عليه فى يوم ترد على واحده تسألنى أنا مين وتفرض على ماكلموش أصلها خطيبته ومفهمها إنى من المغرمين وإنى بطارده وبقه إللى دابحنى أصبح من المظلومين أنا لحبيبى بقيت شبح بيطارده ومش عارف يهرب منه فين ولا يمكن مش هو !!...مش يمكن طلبت نمره تانيه؟... مش مهم نمرة مين المهم إنه مش حبيبى ....مهو مش ممكن دا لسه واعدنى من يومين إنه هيجى لبيتنا .كلامه كان بيقول كدا .ولا هو كدا بيكون كلام الخاينين؟ حد يفهمنى؟؟؟‘‘يعرفنى..؟ أنا منه أبقه مين؟ ----------------------------- إن كان هو نسى ؟أنا أحلف بإنى مانستش عيشت على وعده. قاللى ماتحبيش وسمعت الكلام ولا حبتش إذاى أحب غيره .وانا منتظراه يكمل القسمه إللى ماتقسمتش خان وعده خان كل كلمه قالها بس أنا إللى عيونى ماشافتش الحقيقه ساعات بتكون واضحه بس إحنا إللى مابننتبهش -------------------------------- بقه هو ده إللى قولت عليه بمعنى الكلمه إنسان دا اللى عليته فوق من البشر وقولت عليه ملاك كمان دا بيكدبنى .وبيقولنى كلام ماقولتوش مش مكفيه إنه خان أخر شىء كنت أتوقعه إن اللى حبيته ممكن يكون جبان الحب برىء منه وحبه أقدر امحيه من أصل الوجدان أنا اعرف اوقف نبض قلبى,أنا اقتله لو بكى على إنسان عرفه فى يوم غلط أحكم عليه ينساه من ألان ------------------------- واقف وقفة تصالح مع نفسى ومش عيب الإنسان يكون غلطان المهم إننا نتعلم وياما هيشوف طول مهو عايش الإنسان قصص من قصص العشاق فيها إللى كمل وفيها إللى خان المهم عرفت مين أنا وخرجت من تجربتى قويه كمان وحكيت القصه.. قصتى من غير خجل من غير لف ودوران ومعرفش اقول غير قصه عن إنسان خاين غير إنها قصه بدون عنوان السبت 2010/1/30 ــــــــــــــــــــــــــــــــــــــــــــــــــ ـــــــــــــــــــــــــــــــــــــــ هذه قصة صديقه اعرفها عندما حكتها لى قلتلها اعرف ان اعبر عنها فى خاطره تكن للذكرى ف أنا اتقن هذا النوع ويعرف قلمى كيف يكتب ويخرج ايضا مابين السطور من كلمات لم تروى فوافقت وهاهى بين ايديكم لتحكموا هل استطاع قلمى ان يعبر هى قالت نعم واكتر واليوم لكم الكلام طارق الجميل |
الله الله يا طارق جميل فعلا جميل يا طارق تعبير جريء جدا ومناسب للقصة تماما بجد قصة بدون عنوان قصة احتملت ذنب انسان وملهاش ذنب في اللي كان عشان كده بقت قصة بدون عنوان تسلم إيدك يا فنان عجبتني وهتتثبت كمان عشان هي قصة كل زمان طارق الجميل ربي يوفقك ويسعدك |
قصة بدون عنوان لأن مضمونها الخيانة راقتني الكلمات لأنها معبرة جداً تسلم الأيادي استاذ طارق |
اقتباس:
وقد ايه والله شرفنى تثبيتك للقصه ماعنديش كلام ممكن ارد بيه على حضرتك غير انى اتمنى ان القصه تكون فعلا قصة كل زمان ان تعرف جيدا بأن الحب هو اجمل مافى الدنيا وان القلوب عندما تعشق لاترى الا الجمال ولا تجعل العيون ترى الا ماتراه القلوب فقط........... وانها عندما تتئلم لاترى الا الظلام اسكن الله القلوب الحب ولا اراها ابدا القلم ــــــــــــــــــــــــــــــ اسمح لى بأن أضفت الجزء الاول لتكن كامله لمن يقرئها دومت بكل الخير وادام الله عليا وصلك دائما طارق الجميل |
جميلة فعلا طارق قصتك كلنا بنتدى قصتنا وبنحلم نكمل عنوانها للنهاية السعيدة ربنا يوفقك يا طارق |
قصة فاض منها الوجع فلم يناسبها اى عنوان مع ان الخائنين للعهد بكل مكان اسلوب سردك للقصة كتيير رائع سلمت يمينك اخى تحياتى |
اقتباس:
ولكنها تحتاج الى قلب لايعرفها ف هو الوحيد القادر على ان يداويها ..... اسعدنى حضورك دومتى بكل الخير |
اقتباس:
فى التمنى بان نكمل قصتنا بالحب والوفاء والسعاده والا ترى قلوب المحبين الالم والخيانه |
اقتباس:
ومالايرضينا نبحث ونبحث الى ان نجد نصفنا الاخر اجمل اخر لتكتمل الحياه ارى الله الناس جميعا جمال الحياه |
| الساعة الآن 09:32 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب