|
( هى مش فوضى ) ( يوميات مصرية ) 2 بسم الله الرحمن الرحيم مزاج الخير :D مع انطلاق قناه ( ten ) من كام شهر تقريبا القناه قدرت انها تجيب مشاهدين لانها قناه منوعات المهم : فى برنامج على القناه اسمه ( هى مش فوضى ) لــ ( بسمة وهبة ) http://forums.banatmasr.net/imgcache...126alsh3er.jpg من تقريبا شهر تم عرض حلقه عن ( المتحولين جنسيا ) وكانت حلقه اكيد مهمه لانها قضيه تم عرضها واكيد قضيه موجودة زى اى قضيه بتشغل بال المواطنين وقدرت انها تستضيف بنات متحولين واكلمت معاهم وقالو اسباب تحويلهم . لحد هنا شكرا لـ ( بسمة وهبة ) . الاسبوع الى فات ظهرت فى برنامجها واستغربت انها قررت تعيد الحلقه تانى :D عشان واحده متحوله جنسيا اسمها ( رغد ) http://forums.banatmasr.net/imgcache...127alsh3er.jpg انكرت ان تم تحويلها وظهرت على قناه ( mbc ) واعترضت على برنامج ( هى مش فوضى ) .... الخ فطبعا ( الاعلاميه بسمه ) خصصت حلقه جديده عشان تفضل تعيد وتزيد ان ( رغد ) متحولة . انا ضد تخصيص حلقه جديده عشان تثبت انها متحوله لسبب بسيط انا كمشاهد هستفيد ايه لما اتاكد انها متحوله والا لا :D انتى عرضى القضيه وقولتى انها متحوله خلاص تمام تسلمى لكن اعمل حلقه جديده تانى ليه وافضل اقول . والله ( رغد ) كلمتنى عشان مانزلش الحلقه تانى بس انا نزلتها منتج مسلسلها الجديد بعتلى على الماسنجر ( ماعملش حلقه جديده ) عن ( رغد ) عشان المسلسل ينجح بس انا نزلتها . طيب ياستى عرفنا انك ماشاء الله مهمه جدا ويهمك راحه المشاهد :D الاغرب من دا كله ان كان فى اتصالات من مواطنين وماشاء الله كلهم عندهم نفس الحالات واحد من الصعيد بيتصل انا ابنى اجوز وليله الدخله اكتشفنا الموضوع دا ان مراته متحوله جنسيا . :18: انا راضى زمتكم فى واحد هيتصل عشان يقولها كدا :D عموما : اتمنى ان ( بسمة وهبة ) متكنش ( ريهام سعيد ) الجديدة عشان مش ناقصه فقع بصراحه . |
المشكلة ان المشاهد هو اللي بيعمل قيمة للناس دي كل برامجهم بتعتمد على الفرقة الأعلامية انا مش بصدق اي حاجة في الاعلام حالياً وكل الأتصالات دي ضحك على الدقون ده حتى في الأفلام بيمثلوا الحكاية دي بيستخفوا بعقولنا اوي يا ترى مين يقدر يخرج على الشاشة ويفضح نفسه علني كده اللي تقول انها اتحولت واللي تقول انها بتحب صاحبتها وعايشين مع بعض واللي تخرج نار من ظهرها واللي تبكي دماء بدل الدموع الموضوع زاد عن حده اوي والمشكلة ان في ناس طيبة بتصدق الهجص ده ربنا يشفي شكراً ليومياتك مورشو بتلقي الضوء على سلبيات المجتمع واستخفاف البعض بعقول البعض شكراً .. تحيااتي |
الواحد اليومين دولى بيشوف حاجات عجيبة على التى فى للاسف مفيش رقابة من الدولة و كل واحد عايز يقول حاجة و يسمم عقول الناس بيقولها ويا مكتر محبي الشهرة و معدومى الضمير هى المذيعة عملت حلقة ويمكن لاقت نجاح لغرابتها فوقت ما تطلع الضيفة و تكدب دة فهنا المذيعة هتفقد مصداقيتها عند اللى صدقوها فطبيعى تفرد حلقة عشان متطلعش كدابة لان الجايات كتير وعموما المذيعة دى من اسوء الشخصيات معرفش برنامجها دة بس كان ليها برنامج على قاة اقرا وبعدها ما شاء الله انقلبت ١٨٠ درجة فنتوقع منها ايه موضوع جميل و حلو نركز على السلبيات ونناقشها شكرا ليك تحياتى |
متحول مش متحول المهم الشهرة الاعلامية هو المتحول فرحان يعنى انة غير جلدة هى بقت فوضى فعلا |
موضوع مهم بس للاسف مفيش اعلام فى مصر لانهم عايزين الشهرة الفلوس اكتر من همون الوطن والناس عاش النظام اشكرك اخوى على موضوعك زى البيت بيتك |
والله برنآمج بقت هايفه وتشل بتكلموآ فى حاجات مفيش منها اى هدف آو نصيحه وكله كوم واللى اسمهآ ريهآم سعيد دى كوم تآنى بكررهاااااااااااااااااا كره العمى حآجة تقرف والله .. أنآ بطلت أتفرج ع برآمج :( بس زى مآ رونى قآلت المشآهد هو اللى بيدى للناس دى سعر وبيعملهم قيمة .. ربنا يرحمنآ |
بالنسبة لي انا بتسائل عن التوقيت ليه اليومين دول بيتعرض حجات زي دي كانت لمار في رد من ردودها قالت ان دي خطة قديمة لإلهاء الشعوب عن اللي بيحصل حوليهم انا بأيد كلامها جدا عشان عدم الكلام في السياسة والاقتصاد و وحدة وحدة الناس تفهم وتبقي مصيبة انما لو تم شغل الجميع بالكرة والفن ومشاكل الوسط الفني بتاخد الناس بعيد عن التفكير في حاجات تانية يمكن ثورة جديدة.... مثلا . عرض محترم |
يعني انت تقصد ان البرامج دي تمثيليات بس والمكالمات بتكون محضر لها من قبل وانه كله تمثيل ف تمثيل زي ما بتقولو عن ريهام سعيد ؟ معرفش بصراحة القناة الجديدة دي ولا عمري شفتها اما ريهام سعيد انا كت بحب اشوف ليها برنامج ( صبايا الخير ) وكت بحبه ومتابعاه بس الله اعلم بقا اذا كان اخر ما اتقال عنها صح ولا غلط يلا يا مورشو ربنا معاك وايوه كده بطل كسل وورينا الشغل |
| الساعة الآن 08:29 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب