|
( العاهرة لازم تكسب ) ( يوميات مصرية ) 3 بسم الله الرحمن الرحيم مزاج الخير :D اول لما نقول صناع السينما ف مصر بس زمان مش دلوقتى يعنى فتره الابيض والاسود فى بيقول ان بدايه ( السينما ) ف مصر كان عام 1896 لكن اول فيلم مصرى ناطق كان عام 1932 وكان بعنوان ( اولاد الذوات ) بطوله العملاق ( يوسف وهبى ) بعد كدا كان اول ظهور لمطرب كان ( محمد عبد الوهاب ) ............ الخ http://forums.banatmisr.com/imgcache/2/46936alsh3er.gif من عام ( 1932 ) لحد ( 2015 ) معالم السينما فى مصر اختلفت ودا طبيعى لانه اختلف فى العالم اجمع لكن الاختلاف فى مصر مكنش بس ان الابيض والاسود اختفو والافلام بقت الوان والا كمان التصوير وزوايا الكاميرات اختلفت والا الاخراج والا الفنانين نفسهم والا الاضاءة والا الصوت كل دا اتنقل لمصر يمكن متاخرين شويه لكن مصر فى الشرق الاوسط تعتبر من افضل الدول فى صناعه السينما يعنى مش متاخرين بمسافه كبيره عن العالم والمنطقه الى احنا فيها لكن . http://forums.banatmisr.com/imgcache/2/46936alsh3er.gif الاختلاف الوحيد الى بيميز مصر عن باقى دول العالم هو ان عندنا حاجتين مش فى العالم اولا : ان لازم العاهرة والبلطجى والحرامى لازم المشاهد يتعاطف معاهم ثانيا : ان عندنا ( السبكى ) هكلم عن النقطه الاولى لانها الاهم بالنسبالى : ليه دائما لازم المخرج والكاتب يخليلك تتعاطف مع ( العاهرة او الراقصه او البلطجى او الى بيبيع حشيش او مع الشر ) http://forums.banatmisr.com/imgcache/2/46936alsh3er.gif لو شوفنا مثال صغير وهو فيلم ( السفارة فى العمارة ) هنلاقى ان البطل ( عادل امام ) راجل يمارس الزنا ليل نهار بيشرب حشيش بيشرب خمر ......الخ لكن فى اخر الفيلم بيظهر انه الرجل الشريف الى وقف قدام ( اسرائيل ) :D لو شوفنا فيلم زى مثلا http://forums.banatmisr.com/imgcache/2/46936alsh3er.gif ( عن العشق والهوى ) هتلاقى ( غادة عبد الرازق ) الداعره فى اخر الفيلم تجوز راجل محترم ( منه شلبى ) تزنى وتحمل من البطل وتجوزه وتعيش معاه حياه كريمه ( بشرة ) الشخصيه المحترمه فى الفيلم تطلق وتنجرح وتسيب جوزها هى دى ( السينما المصرية ) واختلافها عن العالميه . http://forums.banatmisr.com/imgcache/2/46936alsh3er.gif وكمان ( الراقصه والسياسى ) الراقصه الى كانت عايزه تبنى مدرسه وبتعمل اعمال خير كتير رغم انها برضو كانت والا بلاش :04: http://forums.banatmisr.com/imgcache/2/46936alsh3er.gif ( العاهرة لازم تكسب ) :D |
اصلك مش فاهم يا مورشو العاهرة هي اللي بتجيب فلوس للمنتج وهي اساس نجاح الفيلم دام ان المشاهدين بيدخلوا الفيلم عشانها تحت بند ان الفيلم مناظر يبقى هي الاساس ليه بقى متكنش هي الضحية واللي بيتعاطف معاها المشاهدين الشيء لزوم الشيء ^_^ |
عشان دي الحقيقه في مجتمعنا المريض قولي سبب واحد لتبني المجتمع المصري وانحيازه لصافينار ولا هيفا ولا غيرهم ومؤخرا لما حبوا يعملوا رجاله اختاروا واحدة من كتير قولي سبب اختارنا الاضعف مثلا ولا بنساير الامور قبل كدة كنت كتبت موضوع اسمه سينما اونطه في افلام كتير بتسئ للمجتمع وبتعكس رؤية متخلفه عن الاخلاق زي فيلم افواه وارانب فيلم مشهور ومثل واضح من افلام مميزة الغرض منه نتعاطف مع البطله رغم ان منطقيا مينفعش واحد زي البطله يتماشي ويرتبط مع واحدة بشخصية وبيئه فاتن حمامه فيلم نهر الحب تقريبا اللي كان برضو لفاتن حمامه لما سابت جوزها وحبت عمرو الشريف اسمها ايه دي بئه انك تتعاطف مع حاجة مفهوم انها خيانه حتي لو كان الزوج مش كويس الرقصات اللي بقت بتظهر بدور اساسي في كل فيلم الابتذال والاسفاف والمناظر الغير لائقه للآسف مجتمع بينحضر من اول الاساس لحد النهاية |
اقتباس:
والمنتج مش فارق معاه اى حاجا المهم يلاقى ملايين داخله عليه حتى لو مقدم فيلم مالوش اى لزمه |
اقتباس:
وعلى فكره الاجيال الى طالعه كلها عليها العوض بسبب الافلام دى |
الموضوع اكبر من مجرد استعراض عاهرات ولكن هو محاولة مستميتة علي مدار عقد من الزمان لتغيير هوية مجتمع يعلمون يقينا انه علي خط مختلف مع من يسمون نخبتة او نجومة مرات بصناعة بيئة ثقافية موازية تنخرط مع المجتمع رويدا رويدا ومرات بصناعة نجوم وهمية يجعلونها علي قمة الهرم المقلوب واشهد ان الافلام والمسلسلات تكون اكثر تاثيرا من نظيرتها لكن المدهش والمفزع لهم انهم حقيقة لم يستطيعوا ذلك علي الاقل حتي الان فمشهد البار العاج بكؤوس الويسكي في كلا بيت الذي يظهر في الافلام كثيرا لم يستطع استساغتة المجتمع حتي الان رغم الاصرار علي تكرارة وصورة الراقصة الطيبة المكافحة الحنون لم يقدر احد الا ان ينظر لها الا كامراة تاكل من عرق ثدييها لكن الكارثي في الامر والذي لمستة بنفسي هو نظرة الاخر لنا والذين اعتقدوا ان لم يكن جزموا انه عند نزولهم الي قاهرة المعز سيجدون الغانيات علي الصفين والعاهرات تمتد ارجلهم من مطار القاهرة وحتي شارع الهرم فضلا عن الانطباع العام بان المصريين ما هم الا مجموعة من النصابين وان لم تنتبه لجيبك لن تجد كحل عينيك تستطيع ان تلمس ذلك بشدة ويحز في نفسك اشد عندما تخرج خارج الاطار الضيق وتتعامل مع جنسيات اخري تحياتي مورشو الجميل لطرحك الرائع والهادف |
عايشين ف مجتمع عقله غايب .. حتى لو هنتكلم عن اي حاجه غير السينما هتلاقي في اختلاف بين اي مجتمع ومجتمعنا الغايب عن الوعي مجتمع بيعمل دايما دعايه للحاجه الوحشه وانا شايفه ان السينما المصريه ليست سوى فتنه فقط وربنا يهدي ي مورشؤو موضوع جميل تسلم |
اختلف معاك كتيرررررررررررررررررررررررر اوى مش موضوع تعاطف على قد ان مفيش مؤالف زى الناس مفيش مخرج كويس مفيش انتاج يا عزيزى لم واحد زى احمد عبدالله واخواته يمتلكه حاليا اكبر شركه انتاج ويمتلكه اكثر من دور عرض يبقى لازم نشوف الكلام ده لم واحد زى محمد السبكى يقول انه صرف شريين مليون جنيه على فلم زى حلاوه روح اللى مش عارف اصلا اتصرفه فى اى يبقى لالازم تشوف الكلام ده لم واحد زى محمد رمضان مع احترامى له يبقى هوه قدوه الشباب يبقى لازم نشوف الكلام ده الموضوع اكبر من كده بكتير عمر السنما ما هتتعدل الا لم الدوله تتدخل |
| الساعة الآن 05:06 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب