منتديات بنات مصر

منتديات بنات مصر (https://forums.banatmasr.net/)
-   ابداعات الاعضاء العامية (https://forums.banatmasr.net/f241/)
-   -   إدينـــــــي دليــــــــل (https://forums.banatmasr.net/msryat512849/)

شاعر الحب الحزين 05-29-2015 06:41 PM

إدينـــــــي دليــــــــل
 

إدينــــي دليـــــل إن الفرح وحش والحزن جميل

إدينــي دليـــل إن الضحكــة حقيقــة مــش تمثيـل

بأمــارة إيــه بتصبرنـي فاكر كده هتشفي الجرح العليل

لا حبايب ولا قرايب الحب غايب والعذاب ملوش بديـــل

وفر أدلتك وفر حكمتك جرب مرة تسهر في ليلنا الطويل

شبعت كلام بيواسي استكفيت من مر كاسي

غريب بين حبايبي وناسي تعبت انا من كتر مـا بشيـــل

مفيش حد معايا الا روح ضعيفة جوايا والحمل عليها تقيل

بحكم كلامهم بحكم اوهامهم وقفت بهمي قــدام النيـــل

لقيت دموعي بتجري فيه لقيته ساكن ساكت عايز دليل

اجيبلك دليل منين كفاية دمع العين اللي مني جواك بيسيل

يارب يا عالم بحالي الدمع في القلب بيلالي مين يمسح دمعه بمنديل

القلب جواه هموم والعقل فكره مهموم والموهوم لسه مش لاقي دليل

وفر أدلتك وفر حكمتك دي دنيتك مفهاش راحة نهارها شقى وليلها حزنه طويل

إديني دليل إن الضحكة مش تمثيل وإن فيه حاجة غير القسوة يترد بيها الجميل

وفر أدلتك وفر حكمتك دي دنيتك عذاب في عذاب اللي زينا فيها عابــر سبيــل



شــــــــــــــــــــــــــــــــ . حـــــــــــــــــــــــــــــــــ

عماد الدين زنكي 05-29-2015 08:06 PM

كلمات لها معناها
برغم الحزن جواها
وليه تطلب ادلتها
وانت تايه وياها
.
احساسك قوي
وكلماتك جميلة كالعادة
دمت ودام ابداعك

يحيى الفضلي السودان 05-29-2015 08:48 PM

اديني دليل خدني تيار عكس النيل

زورق الحان ماخدنأ يميل

يرقص نشوان مع الموج تدليل

رشاني رزأز وتركني عليل

العاشق الذى لم يتب 05-29-2015 09:39 PM

بلاش التشاؤم ده ياخلود
انت سوتهاخالص
ربنايسعدك
تسلم ايدك

Lamees 05-29-2015 10:40 PM

كتير بنشوف الحقيقة قدامنا واضحة ومن غير دليل
وبنتجاهل حقايق كتير وبنصر على الدليل
وفي النهاية مفيش دليل
راقتني هذة المشاعر المبعثرة
تمنياتي بالسعادة

رآقيہ بأخلاقـى 05-30-2015 10:37 PM

احسآس رآئع وجميل رغم المرآره اللى فى حروفك
كون بخير شآعرنآ وأتفآئل بالخير تجده ..
ربنآ يسعد قلبك دايماً .. تحيآتى لك خالد

عذب المعانى 05-31-2015 02:58 AM

أج ــمل وأرق باقات ورودى
لردك الجميل ومرورك العطر
تــ ح ــياتيـ لكــ
كل الود والتقدير
دمت برضى من الرح ــمن
لك خالص احترامي

شاعر الحب الحزين 05-31-2015 10:27 PM

اقتباس:

المشاركة الأصلية كتبت بواسطة عماد الدين زنكي (Post 4770719)
كلمات لها معناها
برغم الحزن جواها
وليه تطلب ادلتها
وانت تايه وياها
.
احساسك قوي
وكلماتك جميلة كالعادة
دمت ودام ابداعك

أشكرك أخي الغالي عماد

مرورك الأجمل بتفاعلك المعتاد بالروعة

سلمت يا نقي المشاعر

أسعدتني بالمرور والتواجد

ربي يوفقك ويسعدك

شاعر الحب الحزين 05-31-2015 10:29 PM

اقتباس:

المشاركة الأصلية كتبت بواسطة يحيى الفضلي السودان (Post 4770726)
اديني دليل خدني تيار عكس النيل

زورق الحان ماخدنأ يميل

يرقص نشوان مع الموج تدليل

رشاني رزأز وتركني عليل


يا عيني يا عيني يا يحيى

تسلم يا طيب للمرور والتفاعل

أسعدتني يا غالي بالحضور الموهوب

ربي يوفقك ويسعدك

شاعر الحب الحزين 05-31-2015 10:32 PM

اقتباس:

المشاركة الأصلية كتبت بواسطة العاشق الذى لم يتب (Post 4770759)
بلاش التشاؤم ده ياخلود
انت سوتهاخالص
ربنايسعدك
تسلم ايدك

يا رفعت نهارك ابيض زي الفل

ربنا ما يجيب تشاؤم يا غالي

هنوفروا حزننا لقلوبنا ومش هنفضفضوا تاني خلاص

تسلملي يا حبوب اسعدتني

ربي يوفقك ويسعدك


الساعة الآن 07:00 AM

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w