منتديات بنات مصر

منتديات بنات مصر (https://forums.banatmasr.net/)
-   منتدى يوميات الاعضاء (https://forums.banatmasr.net/f61/)
-   -   رمضان يجمعنا مع ذكرياتة الحلـوة (https://forums.banatmasr.net/msryat514295/)

ساحر الأحزان 06-22-2015 10:20 PM

رمضان يجمعنا مع ذكرياتة الحلـوة
 
بسم الله الرحمن الرحيم

أو مساء الخير عليكم

طبعا عدى خمس أيام من رمضان وطبعا دلوقتى أنتم فاطرين طبعا طالما أدن المغرب

يبقى فاطرين وللمعدة ماليين ومن القلة والزير شاربين حد فيكم عارف القلة والزير؟

ولا خلاص أتقرضم وجة مكانهم الكولر والتلاجة وطبعا بقى المسحراتى والأنتخة والنوم بالنهار ؛؛وطبعا النهار طويل مع الصيف والصيام ,,

رمضان بيحمل لينا ذكريات حلوة ونادر أنة يكون عدى علينا رمضان ومفيش لحد فينا موقف أوذكرى رمضانية ؟


مع العيلة ومع اللمة الحلوة ألى كل واحد برى بلدة مفتقدها

يا ترى أية ذكرياتك مع الشهر الكريم ؟


الموضوع مفتوح لأسترجاع الذكريات الحلوة ؛؛


ورمضان يجمعنا

كل سنة وأنتم طيبين

أنين الليل 06-22-2015 10:26 PM

لمه العيله دى لوحدها حاجه متتنسيش بتكون مميزه اووى فى الشهر دا عن اى يوم عادى

بعد ما تملى وتاكل تلاقى طب الكنافه داخل عليك وبعدها شويه جلاش وحاجات كتير حلوه اووى والصورايخ الا تخلى حد من قرايبك قاعد مش واخد بالو تحطها تحتو انا عملتها مره ^_^
وبعدها مكررتهاش :d الزينه والفوانيس الورق وحاجات حلوه كتير
موضوع جميل ساحر

رآقيہ بأخلاقـى 06-22-2015 10:41 PM

اللعب بالفانوس ولمة العيله والفطار مع الاهل والاحباب
دى من اجمل الذكريات اللى هتفضل متعلقه بأذهان الجميع
كنت بحب العب بالفانوس فى الشارع ويا سلام لو النور قطع
بتبقى أجمل فرحة علشان كلنا نتجمع بالفوانيس وننور بيها
دلوقتى مبقاش حد بيعمل كدة حتى شكل الفانوس عمالين يخترعوا فيه
وبقى على شكل العاب مش زى فانوس زمان
ايام كانت جميله وذكريات أجمل
كل سنه وحضرتك طيب وكل المسلمين طيبين

جنون قلب 06-22-2015 11:52 PM

لآ ولله الحمد انــآ بقضى رمضــآن ب شكل مختلف عنكم تمــآمـآ
كلكم بتقضوآ رمضــآن مع العيله
انــآ بقضى رمضــآن مع الزبــآين اللى مش ظـآهرين ل حد دلوقتى
شكل رمضــآن تقيل عليهم ف بينـآموآ بعد الفطــآر



انــآ بقى احلى مــآ فى رمـضــآن السنه دى ..
ان انــآ تقريبــآ مبكلمش حد فى الشــآرع غير أتنين
ف الوآحد يـآ مــآ بره المحل قـآعد مع نـآس صحـآبه فى المحلآت التانيه
او نــآيم مش هتفرق كتير يعنى
بمــآ أن اصلآ مفيش شغل الايــآم دى
وبعد المغرب .. صـآحبى اللى منورنى كل يوم ..
واحلى مـآ فى رمضـآن السنه دى هو .. بس يارب ميفتكرش انى فرحـآن فيه
عشان معندوش شغل هو كمــآن ...


وآوحش مــآ فى رمضــآن السنه ان كوكى حبيبتى بعيده عنى
بس هنعزمهم تــآنى إن شاء الله


ملحوظه كوكى حبيبه قلبى دى ..)( بنت اختى
اوعى حد يفهمنى غلط ـ




تسلم أيدكـ أخوى
بجد آيـآم رمضــآن متتعوضش ابدآ
وكل مـآ حد يتريق ويقول ياريتكـ سنه يا رمضــآن
اقول فى سرى ياريت والله



تسلم ايدك حبيبى
وكل سنه وانت طيب .
وب عوده الآيــآم


ParoOo 06-22-2015 11:58 PM

رمضان كريم

وكل سنه وانتى طيبين

وبلاش ذكريات علشان منرجعش اللى فاات

انجي_1 06-23-2015 12:24 AM

ذكرياتي مع رمضان
انه بيتنا كان مليان ناس
وكنا نتجمع عالفطار وكان جو جميل اوي
ماتت ماما وماتت جدتي ومات خالي
الله يرحمهم
احلى ناس وكانو عاملين جو جميل اوي ف البيت
الله يرحمهم
الوقتي بفطر انا واختي بس
سعات اختي تسافر وافطر لوحدي
وكل سنة وانت طيب يا امجد

حـيـــــآة ❤ 06-23-2015 12:31 AM

ذكرياتي مع اللمه مافيش
ده اول رمضان بقضيه ببلدي ووسط اهلي الحمدلله
وذكرياتي مع رمضان جميله ولاتنتسى

ParoOo 06-23-2015 12:34 AM

اقتباس:

المشاركة الأصلية كتبت بواسطة بنوته مصريه ميه ميه (Post 4780215)
رمضان كريم

وكل سنه وانتى طيبين

وبلاش ذكريات علشان منرجعش اللى فاات

ربنا معااكى يا حبيبتى .......^_^

ويارب يرحمهم

انا كمان جدتى ماتت ياللا الله يرحمها ويغفرلها .........

mony ma7moud 06-23-2015 12:38 AM

كل سنة وانتم طيبين اولا
بمناسبة الشهر الكريم
اكييد كل واحد مننا عند ذكريات
كتيرة مع الشهر دة مثلا لما
تبقي عيلتي وكل قرايبي متجمعين وقت
اذان المغرب وكبيات العرقسوس في
ادينا ومستنيين المغرب وهو مش عايز يدن
ههههههه اللمة الحلو بعد الفطار والكلام الجميل
بالذات لما نانا او ماما يكلمونا عن ايام زمان
واحنا عملنا اية واحنا صغيرين يعني ذكريات كتيرة
وجميلة وكل سن وانتم طيبين اللهم بلغنا رمضان

reda galal 06-23-2015 01:04 AM

على فكره لسه عندنا قله وزير


ليا عوده ان شاء الكريم



الساعة الآن 10:20 PM

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w