|
أعضاء بنات مصر ورمضان مع تانى الضيوف (أنجى بسم الله الرحمن الرحيم وكل عام وانتم بخير معانا اليوم فى تانى حلقة من برنامجنا الرمضانى أعضاء بنات مصر فى رمضان عضوة نشيطة وصاحبة تواجد مميز هى مغربية المولد ولكنها مصرية التواجد مهى خلاص أخدت الجنسية المصرية بحكم تواجدها معانا من فترة كبيرة واطبعت بطبعنا كمصريين وهى أنجى انجي_1 مشرفة الازياء والميك أب أهلا وسهلا بيكى أنجى اهلا بيك يا امجد تسلم على الاستضافة دي وشكرا ليك على المقدمة الحلوة قبل ما نخش على الأسئلة ممكن تحكى لينا عن الطقوس المغربية فى رمضان وما هو اهم شىء بيميز الأخوة فى المغرب عن جيرانهم من العادات الرمضانية رمضان ف المغرب زيو زي كل الدول العربية والاسلامية بس اكيد عندنا حجات تميزنا عن باقي الدول مثلا احنا كمغاربة ف مائدة رمضان لازم تلاقي شوربة - الحريرة - و حلوى - الشباكية - دي لازم ولابد في كل البيوت هتلاقي الحاجتين دول عالفطار بشكل يومي شو هاى الاكلات الغريبة أنجى مش تنزليها فى قسم المطبخ خلى البنت تتعلم الطبخ المغربى ولازم برضه لما يقرب رمضان على التشريف تلاقي كل الستات المغربية تعمل - السفوف - دي حلوى مغربية برضه تتعمل بالدقيق واللوز ومكسرات كثيرة ولازم اي بيت ف المغرب تخشو ف رمضان هتلاقي الحلوى دي بس دي مش تتاكل عالفطار دي عادتنا ف المغرب لما يجي الناس من صلاة التراويح نعمل الشاي ونقدم معاه حلوى - السفوف - ونقعد نتسامر بقا ونسهر لغاية وقت السحور دي بعض عداتنا ف المغرب لا عادات حلوة والأول بقى ممكن تعرفينا على نفسك؟ انا سناء من المغرب من الدار البيضاء تحديدا أمتى بدائتى الصيام وعمرك كان كام وقتها؟ صمت وانا عندي 12 سنة فطرتى كام برة بسبب النسيان أن فية صوم ؟ اما كت لسة صغيرة ولسة الصيام جديد عليا كت بنسى سعات واشرب واروح لجدتي اقول لها انا نسيت وشربت هو انا كده صايمة ولا اكل تيتة تقول لي مادام نسيتي يبقا مش عليكي حاجة وكملي صيامك عادي وكت بكمل يومي بعدها عادي أطرف موقف حصل معاكى فى رمضان ؟ ده انا المواقف الطريفة اللي كانت بتحصل لي ف رمضان يا ابني مش تتعد وخصوصا زمان كت اتفق انا وبنات وعيال الحته ان وقت الفطار لما ياذن نسيب اهالينا يفطرو ونخرج كلنا الشارع بما انه بيكون فاضي من العربيات كنا نتسابق وسط الشارع نرمي اللي ف رجلينا ونجري وسط الشارع حافيين خخخخخ كانت ايام هبلة بس حلوة ذكرياتك فى الشهر الكريم ممكن تكلمينا عنها ؟ ذكريات كثيرة فيها الحلو وفيها المر طبعا لسة فاكرة لما كانت ماما وجدتي وخالي عايشين كان جو رمضان حلو اوي ف البيت وكانت اللمة وكل حاجة حلوة معاهم راحو وسابو البيت فاضي ووحش ده حتى رمضان معدش حلو زي زمان ولا عدت بحس انه في جو رمضان اصلا كل حاجة بقت باردة من بعدهم الوقتي افطر انا واختي وسعات لوحدي لما اختي تسافر طقوسك الرمضانية أية هية ؟ طقوسي ف رمضان السنة دي مقصرة شوية زمان كت اروح التراويح واروح لصحباتي او يجو لي بعد الصلاة السنة دي الشغل هاددني وتعبت يا امجد هو أنتى بتتهدى ؟ بس اكيد بالنهار شغل وصيام اروح بعد الشغل احضر الفطار نفطر بعدها اصلي ف البيت السنة دي مرحتش التراويح والله باجي تعبانة من الشغل ووقفة المطبخ معدتش قادرة يدوبك اصلي ف البيت اقرا قران وافتح النت شوية اتسحر وانام بتحبى تقفى فى المطبخ فى رمضان ولا بتزوغى ؟ زمان كت بزوغ كانت ماما وجدتي يعملو الفطار وخالتي الوقتي لازم اقف ف المطبخ غصب عني لاني لو محضرتش الفطار مش هاكل يا خويا مفيش ف البيت حد يحضره اختي سعات تساعد وسعات لاء وبتقول لي انتي اللي لازم تحضري مش انا فمضطرة الوقتي اطبخ يعني الأكلات المغربية الشهيرة والمحببة عندك ؟ الاكل اللي بحبه ف رمضان مغربي يعني زي ما قلت لك شوربة الحريرة حبيبتي دي لازم بقا ولازم قهوة بحليب عالفطار بقا لابد و اكلة تتاكل مع القهوة او الشاي اسمها - البغرير - دي عبارة عن فطاير مغربية وعصير بيتي طبعا وبعمل حجات كثير بحبها زي البيتزا والفطاير المحشية بالتونة مثلا او ممكن احشيها فراخ او كفتة في حجات كثير لذيذة بحبها رمضان فى بنات مصر أزاى معاكى ؟ رمضان ف بنات مصر حلو بس انا مقصرة شوية بسبب الشغل وتعب الطبيخ يعني بفتح الصبح شوية وبالليل شوية وسعات مش بقدر اكون متواجدة بسبب ان النت عندي بطيء والكمبيوتر بيهنج بس بحاول اني اكون موجودة لو قصرت اعذروني كلمة لأعضاء المنتدى فى رمضان اعضاء بنات مصر بحبكم والله ومش قادرة اسجل ف منتدى ثاني واسيبكم عشان انا هنا بحس بوجودي اكثر من اي مكان انا لو سجلت ف منتدى مغربي مش بحس اني مرتاحة زي ما انا مرتاحة هنا معاكو وبجد لكل صحابي القدامى هنا بجد عايزة اقول لكم انكو ليكو مكانة ف القلب وبقيت بحس انكم جزء من حياتي للناس اللي اتعرفت عليها جديد هنا برضه بحبكم ويارب يديم المحبة بينا يارب ومتزهقوش مني ف يوم وتطردوني وتقولولي يلا على منتديات مغربية يا اختي مش ناقصينك حبايبي لا مش تخافى انتى اشتريتى ارض فى المنتدى ومسجلة بأسمك:12: وفى نهاية البرنامج بشكرك على قبول الدعوة العفو يا امجد الشكر ليك طبعا يا ريس وأنتظرون مع عضو أخر تحياتى |
حوار جمييل اسئله واجابات ممتعه منوره انجى تسلم استاذ امجد ف انتظار ضيوفك القادمين |
البت سناء دى بنت الدارالبيضة بقيت لمضو بشكل يخرب عقلك ايه العسل الاسود ده قصدى الابيض شربتات دمك والله والله وانت كمان كلنابنزعك اوى وبيقت غالية عيلنا جدا ولايمكن نقدرنستغنى عنك ومنورة البنات ومصركلها استمتع مع خفة دمك وكلامك الجميل وأكلات المغرب الجميلة كل سنة وانت طيبة سنسن وشكرا امجد والبرنامج الظريف مودتى |
البرنامج جميل جدا *_^ والاستضافه اجمل منوره يا انجى ^_^ |
منورة يا انجي بجد اول مرة اخد بالي من اسمك لاني مشتركه جديد وللاسف مدخلتش ولا مرة قسم الازياء اولا انا بعشق المغربيين والتوانسه بالزااااف عندي صحاب كتير مغربيات وتوانسه كلامكم حلو ولبقين وخدومين .. طبعا التعميم مش صح لكن الصراحه كل اللي عرفتهم كده واجوبتك حلوة وخفيفه واتشرفنا بمعرفتك جدا ومنورة المنتدى وان شاء الله يفضل ديما بيتك التاني اللي ترتاحي فيه والمغرب ومصر ايه ماواحد :04: على راي عادل امام تسلم أ/ ساحر على الاختيارات دي من الاعضاء |
انجى الحبوبه اختيار جميل ي امجد ومنورانا طبعا ^^ |
يا هلا وسهلا فيكى انجى حبيبتى ^_^ |
برنامج جميل ي أمجد وإنجي منوره الحلقه وربنا يرحم مامتك وجدتك وخالك ويسعدك يارب ورمضان كريم عليكي ي قمراية تسلم ي أمجد وفي إنتظار الضيف القادم |
انجى منوره البرنامج طبعاا اسامى الاكلات عندكم عجييبه كل سنه وانتى طيبه بقن امجد مجهود جمييل منك تسلم ع المجهود بقن بالتوفيق دايما |
ايون احنا اكلنا منه الاكل المغربي دا والحريره اولهم بس كنتش بحبها اوى بصراحه نورتى انجى الحلقه رمضان مش بيحلى الا باللمه والهيصه ربنا يكرم ان شاء الله تسلم عم امجد للمجهود الطيب |
| الساعة الآن 02:07 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب